QAİ Bərdə nümayəndəliyi

19/04/2025

19/04/2025

Qərbi Azərbaycan İcmasının Bərdə Nümayəndəliyi Bərdə Dövlət Peşə Təhsil Mərkəzində Gənclərlə Görüş Keçirdi

2025-ci il tarixində Qərbi Azərbaycan İcmasının Bərdə nümayəndəliyinin təşəbbüsü ilə Bərdə Dövlət Peşə Təhsil Mərkəzində gənclərlə maarifləndirici və motivasiya xarakterli görüş təşkil olunmuşdur. Görüşün əsas məqsədi gənclərin milli-mənəvi dəyərlərimiz ruhunda tərbiyəsi, Qərbi Azərbaycan həqiqətlərinin onlara daha dolğun çatdırılması, eləcə də vətənpərvərlik duyğularının gücləndirilməsi olmuşdur.

Tədbir zamanı çıxış edən nümayəndəlik rəhbərləri Qərbi Azərbaycan tarixi, mədəni irsi və qarşıda duran vəzifələr barədə geniş məlumat vermiş, gəncləri bu istiqamətdə daha fəal olmağa çağırmışlar. Görüş interaktiv formatda davam etmiş, tələbələrin sualları cavablandırılmış, fikir mübadiləsi aparılmışdır.

Sonda iştirakçılara Qərbi Azərbaycan İcmasının fəaliyyət istiqamətləri barədə məlumatlandırıcı materiallar təqdim olunmuşdur.

Bu cür görüşlər gənclərin vətənpərvərlik ruhunda yetişməsinə mühüm töhfə verir və onların ictimai-sosial fəallığının artırılmasına xidmət edir.