APA Economy Club / DİA İqtisadiyyat klubu

28/05/2026

Əziz tələbələr!

28 May — Azərbaycanın Müstəqillik Günüdür. Bu tarixi gün milli kimliyimizin, suverenliyimizin və dövlətçilik ənənələrimizin ən qürurlu səhifələrindən biri kimi daim böyük ehtiramla yad edilir.

Azərbaycan Respublikasının Prezidenti yanında Dövlət İdarəçilik Akademiyası Tələbə Gənclər Təşkilatının nəzdində fəaliyyət göstərən “İqtisadiyyat” klubu olaraq sizləri bu əlamətdar gün münasibətilə səmimi-qəlbdən təbrik edirik!

Müstəqillik Günümüz mübarək!

27/05/2026

Əziz tələbələr!

Qurban Bayramı insanları bir araya gətirən, milli-mənəvi dəyərlərimizi və qarşılıqlı hörmət hissini daha da gücləndirən əlamətdar bayramlardan biridir. Bu müqəddəs bayram paylaşmağın, mərhəmətin və həmrəyliyin ən gözəl nümunəsidir.

Azərbaycan Respublikasının Prezidenti yanında Dövlət İdarəçilik Akademiyası Tələbə Gənclər Təşkilatının nəzdində fəaliyyət göstərən “İqtisadiyyat” klubu olaraq bu müqəddəs günün evlərinizə bərəkət, qəlblərinizə hüzur, həyatınıza isə yeni uğurlar gətirməsini arzulayırıq.

Qurban bayramınız mübarək!

25/05/2026

“İqtisadi qərarların formalaşmasında insan davranışlarının rolu” mövzusunda seminar keçirilmişdir

Azərbaycan Respublikasının Prezidenti yanında Dövlət İdarəçilik Akademiyası Tələbə Gənclər Təşkilatının nəzdində fəaliyyət göstərən “İqtisadiyyat” klubunun təşkilatçılığı ilə maarifləndirici seminar təşkil olunmuşdur.

Tədbirin qonağı, iqtisadiyyat üzrə fəlsəfə doktoru Vasif Əliyev iştirakçılara insan davranışlarının iqtisadi qərarlara təsiri, davranış iqtisadiyyatının əsas prinsipləri və gündəlik həyatda qərarvermə mexanizmləri barədə həm nəzəri, həm də praktik məlumatlar təqdim etmişdir.

Seminar interaktiv formatda təşkil olunmuş, mövzu ətrafında geniş və maraqlı müzakirələr aparılmışdır.

Sonda xatirə fotosu çəkdirilərək tədbir yekunlaşmışdır.

10/05/2026

10 May — Azərbaycan xalqının Ümummilli Lideri Heydər Əliyevin doğum günüdür.

05/05/2026

29/04/2026

📢 Əziz tələbələr!

Azərbaycan Respublikasının Prezidenti yanında Dövlət İdarəçilik Akademiyası Tələbə Gənclər Təşkilatının nəzdində fəaliyyət göstərən “İqtisadiyyat” klubunun təşkilatçılığı ilə "İqtisadi qərarların formalaşmasında insan davranışlarının rolu" mövzusunda seminar keçirləcəkdir. Tədbirin qonağı - İqtisad üzrə fəlsəfə doktoru Vasif Əliyev olacaq.

Seminar çərçivəsində insan davranışlarının iqtisadi qərarların formalaşmasına təsiri, davranış iqtisadiyyatının əsas prinsipləri və gündəlik həyatda qərarvermə mexanizmləri haqqında ümumi və praktik məlumatlar ətraflı şəkildə müzakirə olunacaq.

Hər birinizi bu maarifləndirici tədbirdə iştirak etməyə dəvət edirik!

📆 Tarix: 1 May
🕰️ Saat: 12:50
📍 Məkan: Dövlət İdarəçilik Akademiyası

🔗 Qeydiyyat linki:
https://forms.gle/WycPrkuT9BzGV82E6

27/04/2026

"Gələcəyin şəhərləri: iqtisadiyyat və süni intellekt" mövzusunda seminarımızdan geriyə qalan görüntüləri sizə təqdim edirik!

26/04/2026

📢 Əziz tələbələr!

Azərbaycan Respublikasının Prezidenti yanında Dövlət İdarəçilik Akademiyası Tələbə Gənclər Təşkilatı nəzdində fəaliyyət göstərən “İqtisadiyyat” və "İntellektual oyunlar" klubunun birgə təşkilatçılığı ilə “EconoBrain” adlı intellektual yarış keçiriləcəkdir.

Yarışda komandalar 4–6 nəfərdən ibarət olacaqdır.

Sizi bu yarışda görməkdən məmnunluq duyarıq!

📆 Tarix: 29 aprel
🕰️ Saat: 13:00
📍Məkan: Dövlət İdarəçilik Akademiyası

Qeydiyyat linki bio hissəsindədir.

20/04/2026

📢 Əziz tələbələr!

Azərbaycan Respublikasının Prezidenti yanında Dövlət İdarəçilik Akademiyasının Tələbə Gənclər Təşkilatının nəzdində fəaliyyət göstərən “İqtisadiyyat” klubunun təşkilatçılığı ilə “Şəhərsalma layihələrinin ölkə iqtisadiyyatına təsiri” mövzusunda seminar keçiriləcəkdir. Tədbirin qonağı — maliyyə direktoru, ACCA üzvü və İqtisad üzrə fəlsəfə doktoru Xalid Kərimli olacaq.

Seminar çərçivəsində şəhərsalma layihələrinin iqtisadiyyata təsiri, yeni iş imkanlarının yaradılması, investisiya cəlbediciliyi və şəhərlərin inkişafının ölkə iqtisadiyyatındakı rolu ətraflı şəkildə müzakirə olunacaq.

Hər birinizi bu maarifləndirici tədbirdə iştirak etməyə dəvət edirik!

📆 Tarix: 21 aprel
🕰 Saat: 12:50
📍Məkan: Dövlət İdarəçilik Akademiyası

🔗 Qeydiyyat linki: https://forms.gle/62qB89XxqeyiGFQDA