MİL Şəbəkəsi

19/07/2023

15-16 iyul tarixlərində Mil Hüquq İşçi Qrupunun təşəbbüsü ilə Baku Community Space-də “Qida Təhlükəsizliyi Hüququ” adlı təlim keçirildi. Hüquqşunas Rəşad Qasımlının moderatorlığı ilə baş tutan təlimdə əsas məqsəd gənclərin Qida Təhlükəsizliyi Hüququ barədə maarifləndirilməsi oldu.
Qeyd edək ki, layihə koordinatoru Sona Seyidli, layihə üzrə mentor isə MİL Şəbəkəsi üzvü Rəvanə İbrahimova idi.

06/07/2023

MİL Hüquq İşçi Qrupu “Qida Təhlükəsizliyi Hüququ” mövzusunda Təlim Proqramını təqdim edir.

Təlim 15-16 İyul, 2023-cü il tarixlərində saat 15:00-18:00 aralığında Baku Community Space-də hüquqşünas Rəşad Qasımlının moderatorluğu ilə baş tutacaq.

Təlimdə iştirak etmək üçün aşağıdakı müraciət formasını dolduraraq qeydiyyatdan keçmək mütləqdir.

Müraciət linki biodadır.

Müraciət üçün son tarix: 12 İyul, 2023

Təlimdə iştirak tamamilə ödənişsizdir, təlim zamanı çay fasiləsi nəzərdə tutulub və sonda iştirakçılar sertifikatla təltif olunacaqlar.

Qeyd edək ki, MİL Hüquq İşçi Qrupu MİL Şəbəkəsi daxilində fəaliyyət göstərir və gənclərin hüquqi mövzularda maariflənməsini təmin etməklə vətəndaş cəmiyyətinə töhfə verməyi hədəfləyir.

Təlimçi barədə məlumat: Hüquqşünas Rəşad Qasımlı. Türkiyə Respublikası İstanbul Universitesi Hüquq Fakultəsinin Məzunudur. 2015-ci ildən Türkiyə Respublikasında hüquqşünas kimi çalışır. Müxtəlif yerli və xarici şəxslərə hüquqi konsultasiyalar verir. 2022-ci ilin İyun ayından bəri İstanbul Vəkillər Kollegiyasının üzvüdür, fərdi qaydada vəkillik fəaliyyəti ilə məşğuldur. İnzibati Hüquq sahəsində akademik çalışmalarına davam edir.

Təlimin əhatə etdiyi alt mövzular:

- Qida və Təhlükəzlik
- Qida Dələduzluğu
- Qida Cinayət Hüququ
- Qida Təhlükəsizliyi və Cinayət hüququ praktikası
- İstehlakçıların İqtisadi Ziyanları
- Qida təhlükəsizliyi və Cinayət hüququ arasındakı münasibət
- Yekun önəmli məsələlər və təkliflər

Hər hansı sualınız olarsa, Layihə Koordinatoru Sona Seyidli ilə əlaqə saxlamağınız xahiş olunur.

Əlaqə nömrəsi: 070 603 42 24

27/05/2023

15 aprel-21 may tarixlərində onlayn keçirilən MİL Feminizm Məktəbi proqramı 10 məzunu ilə uğurla başa çatdı.

Proqram müddətində iştirakçılarla feminist düşüncə və nəzəriyyənin tarixi inkişafından başlayaraq, feminist dalğalar və Azərbaycan, Türkiyə, İran və Gürcüstanda feminist hərəkatları müzakirə edildi. Eyni zamanda postkolonial feminizm, transversal feminizm, siyasi alət kimi feminizm, anarxa-feminizm və kommuna həyatı nümunələri kimi mövzularda da biliklərini artırdılar.
Layihə meneceri və təlimçi MİL üzvü Fatima İsmayılova idi.

28/03/2023

⏳MİL Feminizm Məktəbinə müraciət üçün son 3 gün!

Müraciət üçün qeydiyyat forması: https://forms.gle/twFQ6Jp9cyzHL5NSA

Müraciət üçün son tarix: 31 mart, 2023, saat: 23:00
Online sessiyalar: 8-9, 15-16, 22-23, 29-30 aprel, 2023 (həftəsonları)
Saat: 11:30-13:30 *Bakı vaxtı ilə
Əlaqə: [email protected]

24/03/2023

MİL Akademik Tədqiqat Emalatxanası MİL Şəbəkəsi tərəfindən təşkil edilmiş, gənclərin sosial elmlər sahəsində həyata keçirilən akademik tədqiqat və yazı barədə bilik və bacarıqlarını inkişaf etdirə biləcəkləri online platformadır. Burada gənc tədqiqatçılar sosial araşdırma mərhələləri, tədqiqat metodları və akademik yazı qaydaları ilə əlaqədar müxtəlif online təlim və məşğələlərdə iştirak edərək öz araşdırma layihələrini müstəqil şəkildə həyata keçirə biləcəklər.
Tədqiqat Emalatxanasının ilk layihəsi bir çox hallarda akademik tədqiqat və yazının ilkin mərhələsi kimi ortaya çıxan Ədəbiyyat İcmalının öyrənilməsinə həsr edilib. Təlim çərçivəsində tədqiqata həvəsli gənclər özlərinin əvvəlcədən müəyyən etdikləri mövzu nümunələrində ədəbiyyat icmalı ilə əlaqədar ilkin anlayışlarla tanış olacaq, icmalın hazırlanması qaydalarını öyrənib onları addım-addım tətbiq edəcək və nəhayət, layihənin sonunda öz icmallarını yazmaq üçün ilkin bilik və bacarıqlar əldə edəcəklər.
Təlimçi haqqında:
MİL Şəbəkəsi həmtəsisçisi, Xəyyam Namazov hazırda Humboldt Universiteti Berlində sosiologiya sahəsi üzrə doktorantura tədqiqat işi ilə məşğuldur. Bakalavr təhsilini Qafqaz Universitetində siyasi elmlər üzrə, magistratura təhsilini isə ODTÜ (Ankara) və Humboldt Universitetlərində ictimai-siyasi elmlər üzrə tamamlamışdır. "Monoloq" romanın, iki tərcümə kiabının və bir çox məqalənin müəllifidir.

Müraciət üçün keçid: https://bit.ly/milicmal

Qeyd edək ki, təlim başlanğıc səviyyəsi üçün nəzərdə tutulmuşdur. Bu mənada özünün ilk ədəbiyyat icmalını tədqiq edib yazmaq istəyən 18-29 yaş arası şəxslər müraciət edə bilər. İştirakçılar müraciət anketi və müsahibə ilə seçiləcəklər. Proqram online formada Zoom platforması vasitəsiylə həyata keçirələcək. Layihədə iştirak ödənişsizdir.
Müraciət üçün son tarix: 22 Aprel 2023, saat: 23:00

Təlim həftə sonları - 29, 30 Aprel, 7, 8, 14, 21, 27, 28 May hər gün maksimum 2 saat olmaqla təşkil ediləcək.
Əlaqə: [email protected]

10/03/2023

MİL Şəbəkəsi təqdim edir! MİL Feminizm Məktəbi!

MİL Feminizm Məktəbi MİL Şəbəkəsi daxilində gəncləri feminizm mövzusunda maarifləndirmək üçün təşkil olunan ictimai layihədir. Layihənin əsas məqsədi feminizm haqqında daha çox məlumatlanmaq və müzakirələrdə iştirak etmək istəyən şəxslərlə birgə feminist nəzəriyyə, feminizmin müxtəlif qolları və dalğaları, Azərbaycan və qonşu ölkələrdəki feminist hərəkatları müzakirə etmək və biliklərimizi bölüşmək üçün platforma yaratmaqdır. Layihə çərçivəsində müzakirə olunacaq mövzular:

İctimai-siyasi hərəkat kimi feminizm və onun inkişaf mərhələləri
Post-kolonial feminizm və feminizmin global siyasətdə instrumentalizasiyası
Feminizm Azərbaycanda - transversal feminizm
Feminizm Türkiyədə və İranda
Feminizm Cənubi Qafqazda
Anarxo-feminizm və birgə yaşayış nümunələri

MİL Feminizm Məktəbi layihəsinin meneceri və fasilitator MİL Şəbəkəsi üzvü Fatima İsmayılovadır. Fatima İ. hazırda Humboldt universitetində sosial elmlər üzrə magistratura təhsili alır və Azərbaycanda feminist hərəkatını araşdırır.
MİL Feminizm Məktəbi layihəsinə feminizm haqqında müzakirələrdə iştirak etmək istəyən 18-30 yaşlı şəxslər müraciət edə bilərlər. İştirakçılar müraciət anketi və müsahibə ilə seçiləcəklər. Proqram online şəkildə- Zoom platformasında həyata keçirələcək. Proqramın online olması iştirakınızda çətinlik yaradırsa, bizimlə əlaqə saxlaya bilərsiniz.

Qeyd edək ki, layihədə iştirak ödənişsizdir.
Müraciət üçün qeydiyyat forması: https://forms.gle/twFQ6Jp9cyzHL5NSA
Müraciət üçün son tarix: 31 mart, 2023, saat: 23:00
Online sessiyalar: 8-9, 15-16, 22-23, 29-30 aprel, 2023 (həftəsonları)
Saat: 11:30-13:30 *Bakı vaxtı ilə
Əlaqə: [email protected]

08/03/2023

Carol Hanisch in də dediyi kimi: Hazırda şəxsi həll yolu yoxdur, sadəcə birgə həll yolu üçün birgə fəaliyyət mümkündür.

8 Mart birgə fəaliyyətlərimizin, mübarizəmizin icmalarımıza faydasını qeyd etdiyimiz gün olsun!

26/02/2023

Feminizmin fundamental əsərlərindən biri olan və Carol Hanisch tərəfindən qələmə alınmış “Şəxsi Siyasidir” məqaləsi ilk dəfə Azərbaycan dilində MİL Şəbəkəsi tərəfindən yayımlanır!
“Hazırda şəxsi həll yolu yoxdur. Sadəcə birgə həll yolu üçün birgə fəaliyyət mümkündür.” ~Carol Hanisch
Tərcümə etdi: Fatima İsmayılova

📰Faydalı oxumalar!

Şəxsi Siyasidir – Carol Hanisch müəllif: Fatima Ismayilova 14 February 2023 müəllif Fatima Ismayilova 14 February 2023Məqalə Fatima İsmayılova tərəfindən tərcümə edilmişdir.GirişYanvar 2006 “Şəxsi Siyasidir” məqaləsi ilk dəfə 1970-ci ildə “İkinci İldən Qeydlər: Q...

22/02/2023

10 fevral tarixində MİL Gender VII layihəsinin bağlanış günündən fotolarımız davam edir.
Qeyd edək ki, MİL Gender proqramı layihə koordinatorları Kamran Əzizli və Elmira Gərayın təşkilatçılğı ilə Baku Community Space-də keçirildi.

21/02/2023

10 fevral tarixində MİL Gender VII layihəsinin son günü proqramı uğurla bitirən iştirakçılar sertifikat aldılar. Fotoların digər hissəsi növbəti postumuzda 😌

20/02/2023

MİL Gender VII layihəsinin növbəti sessiyası 9 fevral tarixində Baku Community Space-də Miray Dənizin moderasiyası ilə keçirildi. İştirakçılar cinsi sağlamlıq mövzusunda məlumatlandırıldılar.