Qida Təhlükəsizliyi Könüllüləri

Home
Azerbaijan
Baku
Qida Təhlükəsizliyi Könüllüləri

"Qida Təhlükəsizliyi Könüllüləri" AQTA nəzdində fəaliyyət göstərən təşəbbüs qrupudur.

03/04/2026

Azərbaycan Qida Təhlükəsizliyi İnstitutunda (AQTİ) “Qida təhlükəsizliyi könüllüləri” təşəbbüs qrupunun üzvləri üçün “Bioloji aktiv qida maddələri” mövzusunda təlim keçirilib.
Təlim zamanı AQTİ-nin əməkdaşı Nübar Nuruyeva iştirakçıları mövzu ilə bağlı məlumatlandırıb.
İnteraktiv formada təşkil edilən təlimin sonunda müzakirələr aparılıb, iştirakçıların sualları cavablandırılıb.

17/03/2026

*Novruz bayramına həsr olunan “Kudos” intellektual-əyləncəli yarış keçirilib*

AQTA-nın Birləşmiş Həmkarlar İttifaqı Komitəsinin təşkilatçılığı ilə Agentlik əməkdaşları arasında Novruz bayramına həsr olunmuş “Kudos” intellektual-əyləncəli yarışı keçirilib.

Yarışın keçirilməsində məqsəd Agentliyin əməkdaşları arasında korporativ əlaqələrin genişləndirilməsi, sağlam rəqabət mühitinin yaradılması, intellektual potensialın və komanda ruhunun inkişaf etdirilməsi, əməkdaşların asudə vaxtlarının səmərəli keçirilməsi, həmçinin Novruz bayramının milli-mənəvi dəyərlərinin təbliği olub.

Yarışda AQTA əməkdaşlarından formalaşdırılmış 17 komanda iştirak edib.
“Qida Təhlükəsizliyi Könüllüləri” komandası da aktivliyi ilə seçilib. Yekunda qaliblər qiymətli hədiyyələr və təltiflərlə mükafatlandırılıb.

13/03/2026

“Qida Təhlükəsizliyi Könüllüləri” təşəbbüs qrupunun üzvləri mükafatlandırılıblar

Azərbaycan Qida Təhlükəsizliyi İnstitutunda (AQTİ) “Qida Təhlükəsizliyi Könüllüləri” təşəbbüs qrupunun təcrübə proqramını uğurla başa vuran üzvləri ilə görüş keçirilib.
Tədbirdə sağlam və təhlükəsiz qida mədəniyyətinin təşviqində “Qida Təhlükəsizliyi Könüllüləri”nin rolu yüksək qiymətləndirilib, gənclərin bu istiqamətdə fəal iştirakının vacibliyi vurğulanıb. Bildirilib ki, ölkəmizdə gənclərin şəxsi və karyera inkişafı üçün geniş imkanlar yaradılır, könüllülük hərəkatının əhəmiyyəti artır və bu sahə dövlət tərəfindən daim dəstəklənir.
Qeyd olunub ki, təcrübə proqramı müddətində könüllülər qida təhlükəsizliyi sahəsində mühüm nəzəri və praktiki biliklər əldə ediblər. Bu bilik və bacarıqların onların gələcək peşə fəaliyyətində mühüm rol oynayacağı, müasir əmək bazarının tələblərinə uyğun peşəkar mütəxəssis kimi formalaşmalarına töhfə verəcəyi vurğulanıb.
Tədbirin sonunda Azərbaycan Qida Təhlükəsizliyi İnstitutu tərəfindən məzun könüllülərə sertifikatlar təqdim olunub.

Bu arada qeyd edək ki, “Qida Təhlükəsizliyi Könüllüləri” təşəbbüs qrupuna yeni üzvlərin qeydiyyatına start verilib.
Qeydiyyatdan üçün link: Səhifənin bio hissəsindədir.
https://shorturl.at/1hcvP

03/03/2026

“Qida Təhlükəsizliyi Könüllüləri”nə qoşulmaq istəyirsiniz?

“Qida Təhlükəsizliyi Könüllüləri” təşəbbüs qrupuna yeni üzvlərin qeydiyyatı başladı! 📢

✅ Kimlər müraciət edə bilərlər?
• Qida təhlükəsizliyi və ya əlaqəli sahələr üzrə təhsilə malik şəxslər

🌟 Könüllü olaraq nələr edəcəksiniz?
• Təlim və infoturlarda iştirak;
• İstehlakçıların maarifləndirilməsi və sorğuların aparılması;
• Ali, orta-ixtisas və peşə təhsili müəssisələri ilə əməkdaşlıq çərçivəsində layihələrdə iştirak;
• Sertifikat və müvafiq məlumatların bazaya əlavə olunması.

🎯 Məqsədimiz ölkəmizdə qida təhlükəsizliyinə və gənclər siyasətinə ictimai dəstək göstərmək, gənclərin bu sahəyə töhfə verməsini təmin etməkdir.

📅 Müsahibələr aprel ayında başlayacaq.

Qeydiyyatdan üçün link: https://shorturl.at/1hcvP

02/02/2026

2 Fevral – Azərbaycan Gəncləri Günü

Dəyərli gənclər, sizi 2 Fevral – Azərbaycan Gəncləri Günü münasibətilə səmimi-qəlbdən təbrik edirik. 🎉

Fəaliyyətinizdə bol enerji, tükənməz ruh yüksəkliyi, xoşbəxt və firavan həyat arzulayırıq!

🎊 Gənclər gününüz mübarək!

28/01/2026

Qida Təhlükəsizliyi Könüllüləri üçün AQTA-da təlim keçirilib

Azərbaycan Qida Təhlükəsizliyi Agentliyində (AQTA) Azərbaycan Qida Təhlükəsizliyi İnstitutunun (AQTİ) Təlim Mərkəzi tərəfindən “Qida Təhlükəsizliyi Könüllüləri” təşəbbüs qrupunun üzvləri üçün növbəti təlim təşkil olunub.
“Qida təhlükəsizliyi sahəsində dövlət nəzarəti tədbirləri” mövzusunda keçirilən təlim zamanı AQTA-nın Qida təhlükəsizliyi şöbəsinin böyük məsləhətçisi Eldəniz Əkbərov iştirakçılara mövzu ilə bağlı ətraflı məlumat təqdim edib. Bildirilib ki, Agentlik tərəfindən qida zəncirində riskəsaslı dövlət nəzarəti tədbirlərinin əhatə dairəsi genişləndirilir, saxta və təhlükəli qida məhsullarının dövriyyədən çıxarılması istiqamətində ardıcıl və sistemli tədbirlər həyata keçirilir.
Könüllülərə ölkəmizdə qida təhlükəsizliyinin təmin olunması sahəsində mövcud əsas qanunvericilik aktları barədə geniş məlumat verilib, həmçinin qida müəssisələrində aparılan yoxlama və nəzarət tədbirləri zamanı aşkar edilən uyğunsuzluq hallarında qanunvericiliyin tələblərinə uyğun olaraq görülən tədbirlər izah olunub.

21/01/2026

Qida Təhlükəsizliyi Könüllüləri üçün “Milla Dairy” MMC-yə infotur təşkil olunub

Azərbaycan Qida Təhlükəsizliyi Agentliyinin nəzdində fəaliyyət göstərən “Qida Təhlükəsizliyi Könüllüləri” təşəbbüs qrupunun üzvləri üçün “Milla Dairy” MMC-də infotur təşkil edilib. İnfotur zamanı könüllülər müəssisənin istehsalat prosesi ilə yaxından tanış olub, süd və süd məhsullarının hazırlanmasında tətbiq edilən müasir texnologiyalar və metodlar barədə ətraflı məlumat alıblar.

Həmçinin təqdimatlar zamanı müəsissə tərəfindən istehsal olunan məhsulların keyfiyyət göstəriciləri, bazardakı mövqeyi, istehsalat zəncirinin müxtəlif mərhələlərində tətbiq olunan innovativ yanaşmalar və keyfiyyət təminatı mexanizmləri barədə könüllülərə ətraflı məlumat verilib.

28/12/2025

“Azərbaycan Könüllülük Həftəsi 2025” çərçivəsində “Birlikdə 5 il” Könüllülər Festivalı həyata keçirilib.

Festival çərçivəsində 2025-ci il üzrə “Fəal Könüllülər” təltif olunub. Təltif olunanlar arasında könüllümüz Nərgiz Hüseynli də yer alıb. Mükafatlandırma zamanı könüllülərin il ərzində göstərdikləri fəallıq, müxtəlif layihələrdə aktiv iştirakı, cəmiyyətə verdikləri töhfə, məsuliyyətli və fədakar fəaliyyəti xüsusi olaraq vurğulanıb.

20/12/2025

Azərbaycan Qida Təhlükəsizliyi İnstitutunda (AQTİ) “Qida Təhlükəsizliyi Könüllüləri” təşəbbüs qrupunun üzvləri üçün “GROW” modeli üzərindən hədəflərin müəyyən edilməsi, motivasiya və karyera inkişafı mövzusunda təlim keçirilib. Təlimi Beynəlxalq Kouçinq Federasiyasının (İCF) üzvü NLP üzrə mütəxəssis Tamerlan Abdullazadə keçib.
İnteraktiv formada təşkil edilən təlimin sonunda müzakirələr aparılıb, iştirakçıların sualları cavablandırılıb.

05/12/2025

5 Dekabr – Beynəlxalq Könüllülər Günü
5 Dekabr – Beynəlxalq Könüllülər Günü münasibətilə cəmiyyətə dəyər qatan, bilik və enerjisi ilə fərq yaradan bütün könüllüləri ürəkdən təbrik edirik. 🌿 Onların təşəbbüskarlığı və fədakarlığı daha güclü, sağlam və etibarlı gələcəyin qurulmasına xidmət edir. 🤝
Qida Təhlükəsizliyi Könüllüləri isə təhlükəsiz qida mühitinin formalaşmasına və istehlakçıların maarifləndirilməsinə öz fəal dəstəklərini göstərirlər. Birlikdə daha çox uğura imza atacağımıza inanırıq! ✨

04/12/2025

Qida təhlükəsizliyi könüllüsü mükafatlandırılıb

“Qida Təhlükəsizliyi Könüllüləri” təşəbbüs qrupunun üzvləri Azərbaycan Könüllülərinin VIIl Həmrəylik Forumunda iştirak edib.

Forum çərçivəsində təşəbbüs qrupunun üzvü Elvin Elləzov “İlin Könüllüsü” nominasiyası üzrə mükafatlandırılıb.
Azərbaycan Könüllülərinin VIIl Həmrəylik Forumu “Konstitusiya və Suverenlik İli”nə həsr edilib. Foruma ölkəmizdə fəaliyyət göstərən 3500-dən çox könüllü qatılıb.

Qeyd edək ki, “Qida Təhlükəsizliyi Könüllüləri” təşəbbüs qrupu Azərbaycan Könüllü Təşkilatları İttifaqı ilə sıx əməkdaşlıq edir.

Address

Bakı şəhəri, S. S. Axundov 73C
Baku
AZ1000

Website

http://www.afsa.gov.az/

Alerts

Be the first to know and let us send you an email when Qida Təhlükəsizliyi Könüllüləri posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Qida Təhlükəsizliyi Könüllüləri:

Shortcuts

Want your organization to be the top-listed Non Profit Organization in Baku?