Qaçqınların və Məcburi köçkünlərin İ.Ü. Dövlət Komitəsi-İctimai Şura

İctimai Şura haqqında
Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsi yanında İctimai Şura “İctimai iştirakçılıq haqqında” Azərbaycan Respublikasının Qanununa, Azərbaycan Respublikası Nazirlər Kabinetinin 2014-cü il 30 may tarixli, 171 nömrəli qərarı ilə təsdiq edilmiş “İctimai şuranın vətəndaş cəmiyyəti institutları tərəfindən seçilməsinə dair Əsasnamə”yə uy

ğun olaraq yaradılmışdır.
İctimai Şura Komitə yanında məşvərətçi qurumdur. Şura Komitənin fəaliyyət istiqamətləri ilə əlaqədar olaraq ictimai nəzarəti həyata keçirir və ictimai iştirakçılığı təmin edir.
İctimai Şuranın hazırkı tərkibi 13 üzvdən ibarətdir. Üzvlər QHT-ləri təmsil edirlər və “İctimai iştirakçılıq haqqında” qanuna uyğun olaraq iki il müddətinə seçiliblər.
İctimai Şura hazırkı tərkibdə tam heyətlə 14 iyun 2023-cü tarixdə seçilib və 14 iyun 2025-ci il tarixə qədər səlahiyyətlidir.
İctimai Şura üzvləri ictimai əsaslarla fəaliyyət göstərirlər.
İctimai Şuranın hüquqları
• Öz fəaliyyəti üçün zəruri olan məlumatları, ictimaiyyətlə məsləhətləşmələr tələb edən məsələlər üzrə hüquqi aktların layihələrini almaq;
• İctimaiyyətlə məsləhətləşmələrin keçirilməsi barədə təkliflər vermək və bu istiqamətdə işin təşkili;
• Ermənistan-Azərbaycan, Dağlıq Qarabağ münaqişəsi nəticəsində qaçqın və məcburi köçkün olmuş şəxslərin hüquqlarının müdafiəsi, məskunlaşdırılması, repatriasiyası, sosial müdafiəsi sahəsində siyasətininin fromalaşması və həyata keçirilməsi barədə təkliflərlə çıxış etmək;
• Hüquqi aktların layihələrinin hazırlanması ilə bağlı təkliflər vermək;
• Vətəndaş cəmiyyəti institutlarının təkliflərini toplamaq, ümumiləşdirmək təqdim etmək;
• Açıq tədbirlər (ictimai müzakirələr, dinləmələr, seminarlar, konfranslar, dəyirmi masalar və digər tədbirlər) təşkil etmək;
• İctimai rəyin öyrənilməsi üçün sorğular keçirmək və ya müvafiq təşkilatlara sorğu keçirilməsi barədə təkliflər vermək;
• Hüquqi aktların layihələrinin ictimai müzakirəsini keçirmək;