Bələdiyyə

Bələdiyyə Contact information, map and directions, contact form, opening hours, services, ratings, photos, videos and announcements from Bələdiyyə, Non-Governmental Organization (NGO), Baku.

Biz- Yerli Vətəndaşların Hüquqlarını Müdafiəsi Təşəbbüs Qrupu olaraq bələdiyyələrin fəaliyyətini monitorinq edir, qanunsuzluqları vətəndaşların şikayəti əsasında aşkar edir və işıqlandırırıq.

22/05/2026

Abşeron rayonunun Məhəmmədi qəsəbəsində sakinlər əsas yolun bərbad vəziyyətə düşdüyünü bildirirlər.

Sakinlərin sözlərinə görə, qəsəbənin mərkəzindən keçən və insanların istifadə edə biləcəyi yeganə əsas yol yararsız vəziyyətə düşüb, alternativ keçid isə yoxdur.

Bildirilir ki, ərazidə plansız şəkildə evlər tikildikdən sonra yol ilk dəfə bu qədər ağır vəziyyətə düşüb. Yağışlı havalarda problem daha da kəskinləşir və hərəkət demək olar mümkünsüz olur.

“İnsanlar avtobus dayanacağına gedə bilmək üçün çarəsizlikdən qonşuların həyətindən keçirlər”, - sakinlər qeyd edirlər.

Sakinlər aidiyyəti qurumlardan problemin təcili şəkildə həll edilməsini və əraziyə baxış keçirilməsini tələb edirlər.

“Dəfələrlə şikayət etsək də, baxan yoxdur” - NZS sakinləri bərbad yollarla bağlı narazıdırXətai rayonu, NZS qəsəbəsi, So...
21/05/2026

“Dəfələrlə şikayət etsək də, baxan yoxdur” - NZS sakinləri bərbad yollarla bağlı narazıdır

Xətai rayonu, NZS qəsəbəsi, Sovxoz 25/30 saylı poçtun yanı, Gəncə Mərasim Evinin arxasında yerləşən yolların acınacaqlı vəziyyətdə olduğu bildirilir.

Sakinlərin sözlərinə görə, ərazi uzun müddətdir bərbad vəziyyətdədir və dəfələrlə aidiyyəti qurumlara müraciət olunsa da, problem həllini tapmır.

“Yağışlı havalarda vəziyyət daha da ağır olur. Hazırda su bir qədər azalsa da, yolun altında dərin çuxurlar var və bu, sakinlər üçün ciddi təhlükə yaradır”, — şikayətdə qeyd olunur.

Sakinlər aidiyyəti qurumları məsələyə müdaxilə etməyə və yol problemini aradan qaldırmağa çağırırlar.

20/05/2026

Bilgəh sakinlərini bu yay nələrin gözlədiyi maraqlandırır.

Bələdiyyə üzvlüyünə namizədə hansı güzəştlər var?Bələdiyyə üzvlüyünə namizəd seçki ərazisində ictimai nəqliyyatdan ödəni...
20/05/2026

Bələdiyyə üzvlüyünə namizədə hansı güzəştlər var?

Bələdiyyə üzvlüyünə namizəd seçki ərazisində ictimai nəqliyyatdan ödənişsiz istifadə edə bilər.

Seçki Məcəlləsinin 218.1-ci maddəsinə görə bələdiyyə üzvlüyünə namizəd qeydə alındığı gündən seçkilərin yekunları rəsmi dərc edildiyi günədək müvafiq seçki ərazisində gəliş-gediş üçün ictimai nəqliyyatın bütün növlərindən (taksi və sifarişli reyslər istisna olmaqla) pulsuz istifadə etmək hüququna malikdir.

19/05/2026

“Blokdan gələn üfunət sakinləri bezdirib” — Sumqayıtda bina sakinləri narazıdır

Sumqayıt şəhəri 45-ci məhəllə, bina 7/79, 1-ci blokun giriş hissəsinin acınacaqlı vəziyyətdə olduğu bildirilir. Sakinlərin sözlərinə görə, binanın pilləkənləri qəzalı haldadır, zirzəmi isə tamamilə baxımsız vəziyyətdədir.

Ən ciddi problemlərdən biri isə blokdan yayılan kəskin qoxudur. İddia olunur ki, üfunət sakinlərin gündəlik həyatına ciddi narahatlıq yaradır və sanitar vəziyyət təhlükəli həddə çatıb.

Sakinlər problemin aidiyyəti qurumlar tərəfindən təcili şəkildə aradan qaldırılmasını tələb edirlər.

Yağış sularının idarə olunması və kənarlaşdırılması yerli infrastrukturun mühüm hissəsidir.Azərbaycan qanunvericiliyinə ...
18/05/2026

Yağış sularının idarə olunması və kənarlaşdırılması yerli infrastrukturun mühüm hissəsidir.

Azərbaycan qanunvericiliyinə əsasən, yağış sularının kənarlaşdırılması və daşqınların qarşısının alınması bələdiyyə və müvafiq icra hakimiyyəti orqanlarının (yerli su-kanal idarələri) birgə fəaliyyəti ilə tənzimlənir.

Bələdiyyələrin rolu: Yağış suları nəticəsində yaranan fəsadların (sel, yolların su altında qalması) aradan qaldırılmasında təşkilatçılıq edir, zəruri abadlıq işləri aparır və yerli əhəmiyyətli su təsərrüfatı məsələlərində iştirak edirlər.

İcra qurumları: Kanalizasiya və yağış suyu xətlərinin çəkilməsi, təmizlənməsi və əsaslı infrastruktur tədbirləri əsasən dövlət su təchizatı qurumları (məsələn, "Azərsu") tərəfindən həyata keçirilir.

Zibil pulu kimə və necə ödənilməlidir?Qanunvericiliyə görə ödənişlər rəsmi və elektron qaydada, qəbz qarşılığında edilmə...
14/05/2026

Zibil pulu kimə və necə ödənilməlidir?

Qanunvericiliyə görə ödənişlər rəsmi və elektron qaydada, qəbz qarşılığında edilməlidir. Qapıya gələrək nəğd pul tələb edilməsi qeyri-qanunidir.

Tarif Şurasının 24 noyabr 2011-ci il, №05 Bərk məişət tullantılarının yığılması, daşınması və zərərsizləşdirilməsi xidmətlərinin tariflərinin tənzimlənməsi barədə qərarına əsasən ödənişlər Mənzil Mülkiyyətçilərinin Müştərək Cəmiyyəti (MMMC), bələdiyyə və ya xidmət müqaviləsi bağlanan özəl şirkətlərə ödənilməlidir.

MKİS-lər (JEK) rəsmi olaraq ləğv edilsə də, bəzi yerlərdə tullantıların daşınması funksiyasını hələ də həyata keçirirlər. Ödəniş edərkən rəsmi qəbz tələb etməyiniz tövsiyə olunur.

13/05/2026

“Göygöl avtovağzalı qarşısında vurulan asfalt 2 günə çökdü”

Göygöl şəhərində avtovağzalın qarşısında yerləşən yolun vəziyyəti sürücülərin və sərnişinlərin narazılığına səbəb olub.

Sakinlərin sözlərinə görə, əraziyə məhdud şəkildə asfalt örtüyü vurulsa da, şəxsi və ictimai nəqliyyat vasitələrinin intensiv hərəkəti nəticəsində yol qısa müddətdə yenidən çökməyə başlayıb. Bildirilir ki, problemin əsas səbəbi yolun alt qatının gil torpaqdan ibarət olmasıdır.

Ərazi sakinləri qeyd edirlər ki, cəmi 2-3 gün əvvəl vurulan asfalt yamaqları artıq deformasiyaya uğrayıb. Yolun vəziyyətinin getdikcə ağırlaşdığı, bəzi nəqliyyat vasitələrinin alt hissəsinin yola dəydiyi bildirilir.

Mövcud vəziyyət həm sürücülər, həm də ictimai nəqliyyatdan istifadə edən sərnişinlər üçün ciddi çətinlik yaradır.

Sakinlər aidiyyəti qurumlardan problemin qısa müddətli yamaqlarla deyil, əsaslı şəkildə həll edilməsini və təcili tədbir görülməsini tələb edirlər.

“Maşınlar çalalara düşüb zədələnir” – Xətai rayonunda sakinlər yol problemindən şikayətçidirlərXətai rayonu, Məhəmməd Ha...
13/05/2026

“Maşınlar çalalara düşüb zədələnir” – Xətai rayonunda sakinlər yol problemindən şikayətçidirlər

Xətai rayonu, Məhəmməd Hadi küçəsi 39D ünvanında yaşayan sakinlər yolun bərbad vəziyyətdə olmasından narazıdırlar. Onların sözlərinə görə, ərazidəki dərin çalalar sürücülər üçün ciddi problem yaradır və avtomobillərin alt hissəsinə ziyan vurur.

Sakinlər bildirirlər ki, xüsusilə son günlərdə vəziyyət daha da ağırlaşıb. Bir neçə gün əvvəl su xəttində baş verən partlayışdan sonra yolda iri çuxurlar əmələ gəlib və hərəkət çətinləşib.

Ərazi sakinlərinin sözlərinə görə, mövcud vəziyyət nəqliyyatın normal hərəkətinə də mane olur. Bundan əlavə, giriş-çıxış hissəsində taksilərin hərəkətinə məhdudiyyət qoyulduğu bildirilir ki, bu da sakinlərin gündəlik gediş-gəlişində əlavə çətinlik yaradır.

Sakinlər aidiyyəti qurumlara müraciət edərək yolun təmir olunmasını və yaranmış problemin operativ şəkildə aradan qaldırılmasını xahiş edirlər.

YVÖK - Yerli Vergi Ödəyicisinin Kodu deməkdir. Bu kod, Azərbaycanda yerli bələdiyyə vergilərinin (əmlak və ya torpaq ver...
12/05/2026

YVÖK - Yerli Vergi Ödəyicisinin Kodu deməkdir.

Bu kod, Azərbaycanda yerli bələdiyyə vergilərinin (əmlak və ya torpaq vergisi) ödənilməsi zamanı ödəyicilərin identifikasiyası üçün istifadə olunan unikal koddur.

Bələdiyyə vergi borclarını E-belediyye.az portalı və ya Hökumət Ödəniş Portalı vasitəsilə nağdsız qaydada ödəmək üçün istifadə olunur.
Vətəndaşlar bu kodu qeydiyyatda olduqları müvafiq bələdiyyə orqanlarına müraciət edərək əldə edə bilərlər.

145 nömrəli avtobusda hamı ayaqüstə qalır” – Qara Qarayev küçəsinin sakinləri problemlərin həllini istəyirlərQara Qaraye...
11/05/2026

145 nömrəli avtobusda hamı ayaqüstə qalır” – Qara Qarayev küçəsinin sakinləri problemlərin həllini istəyirlər

Qara Qarayev küçəsinin sakinləri ərazidə illərdir həll olunmayan infrastruktur və nəqliyyat problemlərindən şikayət edirlər. Sakinlərin sözlərinə görə, küçədə bəzi evlərin qarşısında kifayət qədər geniş ərazilər müxtəlif şəxslər tərəfindən zəbt olunub.

İddia olunur ki, həmin sahələrin bir hissəsində toyuq saxlanılır, digər hissələri isə şəxsi məqsədlər üçün istifadə edilir və ya yaşıllaşdırılıb. Sakinlər bildirirlər ki, söhbət kiçik həyət əlavələrindən deyil, küçənin ümumi görünüşünə və istifadəsinə mane olan geniş ərazilərdən gedir.

Ərazi sakinləri aidiyyəti qurumlardan zəbt olunmuş sahələrin aradan qaldırılmasını, Qara Qarayev küçəsinin və ona çıxışı olan bütün küçələrin tam şəkildə asfaltlanaraq abadlaşdırılmasını tələb edirlər. Onlar həmçinin küçədə kifayət qədər zibil yeşiklərinin olmadığını və bunun da əlavə problemlər yaratdığını qeyd edirlər.

Sakinlərin əsas narazılıqlarından biri də ictimai nəqliyyatla bağlıdır. Onların sözlərinə görə, əraziyə yalnız 145 nömrəli avtobus marşrutu xidmət göstərir. Avtobusların hələ də nağd ödəniş sistemi ilə işlədiyi, küçə boyunca isə bir dənə belə rəsmi dayanacağın olmadığı bildirilir.

“Avtobus təxminən 20 dəqiqədən bir gəlir. Sərnişin sayı çox olduğundan insanlar ayaqüstə qalır və avtobus mövcud tələbatı qarşılamır”, – deyə sakinlər bildiriblər.

Onlar aidiyyəti qurumları ərazidə yaranmış problemlərlə bağlı təcili tədbirlər görməyə çağırırlar.

Address

Baku
1005

Opening Hours

Monday 08:00 - 18:00
Tuesday 08:00 - 18:00
Wednesday 08:00 - 18:00
Thursday 08:00 - 18:00
Friday 08:00 - 18:00

Telephone

+905427189208

Website

Alerts

Be the first to know and let us send you an email when Bələdiyyə posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Bələdiyyə:

Shortcuts

Share

Category