https://www.facebook.com/928867536976948/

GALAA - Gujarati Arts and Literary Association of Australia, Sydney (2026)

14/09/2026

🌺🙏 ગણપતિ બાપ્પા મોરિયા! 🙏🌺

વિઘ્નહર્તા શ્રી ગણેશજી સૌના જીવનમાંથી વિઘ્નો દૂર કરી, સુખ, શાંતિ, સમૃદ્ધિ અને સદબુદ્ધિથી જીવન ભરી દે. ✨

આ પાવન ગણેશ ચતુર્થીના પર્વ પર આપ સૌને અને આપના પરિવારને ટીમ GALAA તરફથી હાર્દિક શુભેચ્છાઓ. 🌸

🪔 શુભ ગણેશ ચતુર્થી!
🙏 ગણપતિ બાપ્પા મોરિયા! 🙏

#ગણેશચતુર્થી #ગણપતિબાપ્પામોરિયા

04/09/2026

🦚✨ નંદ ઘેર આનંદ ભયો… જય કનૈયાલાલ કી! ✨🪈

“નંદ ઘેર આનંદ ભયો, જય કનૈયાલાલ કી,
હાથી ઘોડા પાલખી, જય કનૈયાલાલ કી!”

પ્રેમ, ભક્તિ અને આનંદના પર્વ શ્રીકૃષ્ણ જન્માષ્ટમીની સૌને હાર્દિક શુભકામનાઓ. 💙🙏🏻

કાનુડાની મોરલીના સૂરથી જીવનમાં પ્રેમ, શાંતિ અને આનંદ છલકાય એવી પ્રાર્થના. 🦚💫

જય શ્રીકૃષ્ણ! 🙏🏻
– Team GALAA

03/09/2026

ગુજરાતથી હજારો માઈલ દૂર, છતાં પરદેશમાં વસતા તમામ ગુજરાતીઓનાં હૈયે નાનકડું ગુજરાત વસે જ છે એ વાતનો જીવંત પુરાવો એટલે GALAAનો આ ઐતિહાસિક કાર્યક્રમ “સિડનીના હૈયે ધબકતું ગુજરાત”.

દીપ પ્રાગટ્યથી શરૂ થયેલી આ સાંસ્કૃતિક સફરમાં ભક્તિ, ભાષા, સાહિત્ય, સંગીત, નૃત્ય, નાટ્ય, સન્માન, એવોર્ડ્સ, બાળ પ્રતિભા, ગરબો, મનોરંજન અને ગુજરાતના પ્રદેશોની વૈવિધ્યસભર ઓળખ, બધું જ એક જ મંચ પર એકત્ર થયું. ખાસ કરીને બાળકો અને વરિષ્ઠ પેઢીને એકસાથે સ્થાન આપીને GALAAએ એ સંદેશ આપ્યો કે ભાષા અને સંસ્કૃતિ ત્યારે જ જીવંત રહે છે જ્યારે એક પેઢી તેને બીજી પેઢીને પ્રેમથી સોંપે છે.

વીર કવિ નર્મદની સ્મૃતિને વંદન કરતાં વિશ્વ ગુજરાતી દિવસની પૂર્વસંધ્યાએ સિડનીમાં યોજાયેલી આ ઉજવણી ગુજરાતી અસ્મિતાની એક યાદગાર ગાથા બની. ગુજરાતની ધરતીથી દૂર ઓસ્ટ્રેલિયામાં વસતા ગુજરાતીઓ માટે આ પ્રસંગે ફરી એકવાર સાબિત કર્યું કે અંતર ભલે હજારો કિલોમીટરનું હોય, પરંતુ જ્યાં ગુજરાતી હૈયું ધબકે છે ત્યાં ગુજરાત હંમેશા જીવંત જ છે.

: આ ઐતિહાસિક ઉજવણી દ્વારા GALAAએ ગુજરાતી ભાષા, સાહિત્ય અને સંસ્કૃતિના જતન તથા નવી પેઢી સુધી તેના સંવર્ધન માટેની પોતાની પ્રતિબદ્ધતાને વધુ એક વખત સાકાર કરી અને હાજર રહેલા તમામ ગરવા ગુજરાતીઓએ આ ઐતિહાસિક પહેલને હર્ષભેર વધાવી લીધી. આ અનોખી ઉજવણીની ઝાંખી તમે પણ માણો..!!

Video Courtsey: Ashish Patel

- ટિમ GALAA

24/08/2026

વિશ્વ ગુજરાતી દિવસની પૂર્વસંધ્યાએ GALAA ની એક ઐતિહાસિક પહેલ:

સિડનીની ધરતી પર ગુજરાતી ભાષા, સાહિત્ય, સંસ્કૃતિ, કલા અને ગુજરાતની અસ્મિતાને હૃદયપૂર્વક ઉજવતો એક અનોખો અને ઐતિહાસિક અવસર સર્જાયો. વીર કવિ નર્મદની સ્મૃતિને વંદન કરતાં ૨૪ ઓગસ્ટના વિશ્વ ગુજરાતી દિવસની પૂર્વસંધ્યાએ GALAA દ્વારા “સિડનીના હૈયે ધબકતું ગુજરાત” નામે વિશેષ સાંસ્કૃતિક કાર્યક્રમનું આયોજન કરવામાં આવ્યું હતું.

વિદેશની ધરતી પર વસતા ગુજરાતીઓ માટે આ માત્ર એક સાંસ્કૃતિક કાર્યક્રમ ન બની રહેતા પોતાની માતૃભાષા, પરંપરા, કલા અને સંસ્કૃતિ સાથેનું જીવંત જોડાણ અનુભવવાનો ભાવસભર પ્રસંગ બની રહ્યો હતો. કાર્યક્રમની સમગ્ર રચનામાં ગુજરાતના વિવિધ રંગો, પેઢીઓનું જોડાણ, ગુજરાતી ભાષા અને સાહિત્ય પ્રત્યેનો પ્રેમ તથા નવી પેઢીને પોતાની સંસ્કૃતિ સાથે જોડવાનો આ સુંદર પ્રયાસ હતો.

ઉષ્માભર્યા સ્વાગત સાથે આ કાર્યક્રમના સંચાલક Sneha બહેન અને Archana બહેને કાર્યક્રમનો પ્રારંભ કર્યો. ગુજરાતી ભાષાને સિડનીની ધરતી પર જીવંત રાખવાના GALAA ના સાતત્યપૂર્ણ પ્રયાસો અને વિશ્વ ગુજરાતી દિવસના મહત્વની વાત સાથે દીપ પ્રાગટ્ય કરવામાં આવ્યું, જેમાં વિવિધ ક્ષેત્રના મહાનુભાવો જોડાયા. ત્યારબાદ NIPA-Nartan Institute of Performing Arts સંસ્થાના કલાકારો દ્વારા સુંદર ગણેશવંદના રજૂ કરવામાં આવી, જેના દ્વારા સમગ્ર વાતાવરણ ભક્તિમય અને સાંસ્કૃતિક રંગે રંગાઈ ગયું.

ત્યારબાદ GALAA ટીમના સભ્ય Dixit ભાઈ, સંસ્થાના સેક્રેટરી Ingita બહેન અને સ્થાપક અને પ્રમુખ Vaibhavi જોશી તથા એમની દીકરી શાન્વી દ્વારા "સંવાદ" રૂપે સંસ્થાની વિચારધારા, પ્રવૃત્તિઓ અને ગુજરાતી ભાષા-સંસ્કૃતિના જતન માટેના સંકલ્પને રજૂ કરવામાં આવ્યો. GALAAના પ્રમુખ વૈભવી જોશીના પ્રાસંગિક વક્તવ્ય સાથે સંસ્થાના Advisory Boardના વિવિધ ક્ષેત્રના સભ્યોની ભૂમિકાનો પણ પરિચય કરાવવામાં આવ્યો. કાર્યક્રમ દરમિયાન સંસ્થાના સેક્રેટરી ઈંગિતા બહેન દ્વારા GALAAની વિવિધ પ્રવૃત્તિઓમાં યોગદાન આપનાર સહયોગીઓ અને દાતાઓ પ્રત્યે કૃતજ્ઞતા વ્યક્ત કરી તેમનું સન્માન કરવામાં આવ્યું.

આભારવિધિ પછી અભિનય મહેતા દ્વારા “કાવ્ય પઠન"ની સુંદર રજૂઆત થઈ. ત્યારબાદ ડૉ. ઈંગિતા ઠક્કર દ્વારા રજૂ કરાયેલ મોનોલોગ કાર્યક્રમનું એક વિશિષ્ટ આકર્ષણ બન્યો. એ પછી NIPA-Nartan Institute of Performing Arts સંસ્થા તરફથી સર્જના શાહે ગુજરાત રાજ્યને સમર્પિત શાસ્ત્રીય નૃત્ય પ્રસ્તુતિ કરી. ગુજરાતની ધરતી, સંસ્કૃતિ અને કલાત્મક વૈવિધ્યને નૃત્ય દ્વારા રજૂ કરતી આ પ્રસ્તુતિ જેને NIPA-Nartan Institute of Performing Arts ના સ્થાપક ડો. Kanan શાહ દ્વારા કોરિયોગ્રાફ કરવામાં આવી હતી એને હાજર રહેલા તમામે તાળીઓના ગડગડાટથી વધાવી લીધી.

મુખ્ય મહેમાન ડૉ. જયકર દવે અને વિશિષ્ટ મહેમાન વિક્રમસિંહ રાઓલનું સન્માન કરવામાં આવ્યું અને બંને મહાનુભાવોએ પ્રસંગને અનુરૂપ પોતાના વિચારો વ્યક્ત કર્યા. ગુજરાતી સમુદાયની બહાર નીકળી અને બહુસાંસ્કૃતિક સ્તરે વિવિધ ક્ષેત્રોમાં યોગદાન આપનાર પ્રતિભાઓને "Multicultural Community Awards" દ્વારા સન્માનિત કરવામાં આવ્યા.

ત્યારબાદ GALAA ના પ્રમુખ વૈભવી જોશી અને સેક્રેટરી ઈંગિતા બહેન દ્વારા ગુજરાતી ક્ષેત્રના વિવિધ આયામોમાં નોંધપાત્ર યોગદાન આપનાર વ્યક્તિઓને "ગુજરાતી કલારત્ન ઓફ સિડની ૨૦૨૬" નો એવોર્ડ એનાયત કરવામાં આવ્યો. આ સન્માન દ્વારા ગુજરાતી ભાષા અને સંસ્કૃતિ માત્ર ભાષા પૂરતી સીમિત નથી પરંતુ સાહિત્ય, સંગીત, નાટ્ય, પત્રકારત્વ, પરફોર્મિંગ આર્ટ્સ અને સિનેમા જેવા વિવિધ ક્ષેત્રોમાં પણ જીવંત છે તે વાતને ઉજાગર કરવામાં આવી.

વીતેલા જમાનાના ગીત ઉપર નવી પેઢીની પ્રતિભાને પ્રોત્સાહન આપતી શાન્વી અને પ્રહરની નાટ્યાત્મક રજૂઆત અને વરિષ્ઠ પેઢીની સંગીતમય રજૂઆત દ્વારા પેઢીઓ વચ્ચેના સાંસ્કૃતિક સેતુને સુંદર રીતે ઉજાગર કરવામાં આવ્યો. House of Thumkaના સ્થાપક Keya પાઠક અને એમની ટીમના ગરબાએ કાર્યક્રમમાં ગુજરાતની આગવી રંગત ભરી, જ્યારે ભાષા અને સાહિત્યની પ્રશ્નોત્તરીએ પ્રેક્ષકોમાં એક અલગ જ જમાવટ કરી અને મનોરંજક રમતો દ્વારા પ્રેક્ષકોને પણ કાર્યક્રમનો સક્રિય હિસ્સો બનાવવામાં આવ્યા.

કાર્યક્રમનું વિશેષ આકર્ષણ રહેલો ગુજરાત રાજ્યનો "ફેશન શો" ગુજરાતના વિવિધ પ્રદેશોની આગવી ઓળખ, પહેરવેશ અને સાંસ્કૃતિક વૈવિધ્યને એક જ મંચ પર રજૂ કરતો હતો. પૂર્વથી ઉત્તર, મધ્યથી દક્ષિણ, સૌરાષ્ટ્ર અને કચ્છ સુધીનું ગુજરાત જાણે સિડનીના મંચ પર જીવંત થઈ ઊઠ્યું. આ ફેશન શો માં ૩ પેઢીએ એક સાથે મંચ ઉપર કચ્છની મહેંક પ્રસરાવી એ બદલ ખાસ તો Haritaના મમ્મી નિશા મહેતા વિશેષ અભિનંદનના અધિકારી તો ખરાં જ વળી !

ફેશન શો બાદ બાળકોને કેન્દ્રસ્થાને રાખી તેમને પ્રોત્સાહિત કરવામાં આવ્યા, જે આગામી પેઢીમાં ગુજરાતી સંસ્કૃતિ પ્રત્યેની આશા અને ઉત્સાહને ઉજાગર કરી રહ્યું હતું. અંતે GALAAની સમગ્ર ટીમના સભ્યોને મંચ પર બોલાવી સામૂહિક ફોટોગ્રાફ સાથે આ યાદગાર પ્રસંગને સ્મૃતિમાં કંડારવામાં આવ્યો. ત્યારબાદ એ દિવસે શ્રાવણ મહિનાની એકાદશી હોવાથી સહુના વ્રત કે ઉપવાસ ધ્યાનમાં રાખીને યામિની બહેન દ્વારા સહુ ઉપસ્થિત મહેમાનો અને પ્રેક્ષકો માટે સરસ ફરાળી વાનગી અને ચા ની વ્યવસ્થા કરવામાં આવી હતી. એ બદલ સંસ્થા એમનો અંતરમનથી આભાર પ્રગટ કરે છે. આ સમગ્ર વ્યવસ્થાને આયોજનબદ્ધ રીતે પાર પાડવામાં સંસ્થાના ખજાનચી કિરણ દેસાઈનો મહત્વનો ફાળો રહ્યો.

: સંસ્થાના ખજાનચી કિરણ દેસાઈ અને આશિષ ભાઈએ આખાય કાર્યક્રમને એમના કેમેરામાં કેદ કરી લીધો જે આજીવન સહુની સ્મૃતિમાં પણ સાચવશે. જગદીશ ભાઈ અને Ashish ભાઈનો આવી સુંદર છબીઓને કચકડે કંડારી લેવા બદલ સંસ્થા આભાર માને એટલો ઓછો. લ્યો ત્યારે તમે પણ માણો આ કાર્યક્રમની અલપઝલપ..!!

- ટિમ GALAA

22/08/2026

“સિડનીનાં હૈયે ધબકતું ગુજરાત… ❤️🇬🇺”

🌍 વિશ્વ ગુજરાતી દિવસ — TOMORROW! 🎉

કાલે મળીએ Sydney ના તમામ ભાષાપ્રેમીઓ સાથે ગુજરાતી ભાષા, સંસ્કૃતિ અને અસ્મિતાની આ ખાસ ઉજવણીમાં! ✨

🗓️ 23rd August | Sunday
📍 Dundas Community Centre | 2:30 PM onwards

DON’T MISS IT!
Stay tuned… 👀✨

— Team GALAA

ા #ગુજરાતી #વિશ્વગુજરાતીદિવસ

15/08/2026

🇮🇳 ૮૦મા સ્વાતંત્ર્ય દિવસની હાર્દિક શુભેચ્છાઓ! 🇮🇳

આપણા તિરંગાની શાન, દેશની એકતા અને ભારતની અખંડિત પ્રગતિ હંમેશા ગૌરવભેર ઊંચી રહે.
દેશપ્રેમ, સંસ્કૃતિ અને એકતાની ભાવના સાથે સૌને સ્વાતંત્ર્ય દિવસની હાર્દિક શુભકામનાઓ! ❤️🇮🇳

જય હિંદ! 🇮🇳

— Team GALAA - Gujarati Arts and Literary Association of Australia

17/07/2026

આપણા સિડનીમાં ગરબાની સીઝન પૂરબહારમાં ખીલી છે. કારણ કે ગરબા એ નૃત્યનો માત્ર એક પ્રકાર નથી. એ આપણી આસ્થા, આપણી પરંપરા, આપણી એકતા અને ઉત્સવની અભિવ્યક્તિ છે. ગરબા એટલે આપણું ગૌરવ અને શું કામ ન હોય. ગરબા એ કોઈ પણ જાતિ, ધર્મ કે વર્ગના ભેદભાવ વગર તમામ લોકોને એક તાંતણે બાંધતું એવું લોકનૃત્ય છે જેને યુનેસ્કોની યાદીમાં અમૂર્ત સાંસ્કૃતિક ધરોહર તરીકે સ્થાન મળ્યું છે.

પણ શું ગુજરાતી એટલે ફક્ત ગરબા જ ? શું એ જ આપણી સંપૂર્ણ ઓળખ છે ? ના સહેજ પણ નહિ !! અમે સ્પષ્ટપણે માનીએ છીએ કે ગુજરાત કે ગુજરાતીની ઓળખ અહીં પૂરી નથી થતી. ગુજરાતી એટલે મા સમાન મધુર માતૃભાષા, વિશ્વને પ્રેરણા આપતું અદ્વિતીય સાહિત્ય, સુગમ અને લોકસંગીતની અનોખી પરંપરા, રંગભૂમિ, લોકકલા, પત્રકારત્વ અને સિનેમા જેવા ક્ષેત્રે કાર્યરત અસંખ્ય સર્જકોનો અવિરત વારસો.

અને એટલે જ અમારી સંસ્થા GALAA લઈને આવી રહી છે, વીર કવિ નર્મદના માનમાં ઉજવાતા "વિશ્વ ગુજરાતી દિવસ" નિમિત્તે એક અનોખો કાર્યકમ જેનું નામ છે "સિડનીનાં હૈયે ધબકતું ગુજરાત...".

શું તમે કે તમારાં બાળકો સરસ ગુજરાતીમાં બોલે છે કે ગઝલ કે કવિતા ગાઈ શકે છે કે સરસ પઠન કરી શકે છે કે પછી ગુજરાતી ગીત ગાય છે કે એના પર સરસ નૃત્ય કરે છે તો આ કાર્યક્રમ એટલો જ તમારો પણ છે. અને કંઈ નહિ તો જો આપણી માતૃભાષાને દિલથી ચાહો છો તો આ કાર્યક્રમમાં સહપરિવાર સહભાગી થઈ આવા સુંદર મજાના કાર્યક્રમને માણી તો શકો જ છો.

આવા સરસ મજાનાં કાર્યક્રમમાં હાજરી આપવા માટે નીચે આપેલી લિંક પર ક્લિક કરી વહેલાસર રજીસ્ટ્રેશન કરાવી લેવા વિનંતી જેથી અલ્પાહારની વ્યવસ્થા માટે સરળતા રહે.

https://advancebooking.com.au/event/vishwa-gujarat-day/132

વિશ્વ ગુજરાતી દિવસ કાર્યક્રમમાં હશે:
• ભાષાનું ગૌરવ - જ્ઞાન સાથે ગમ્મતને સંગ,
• નાનાં-મોટાં જમાવશે સુગમસંગીતના રંગ,
• પ્રશ્નોત્તરીમાં ખીલશે સાહિત્યનો સત્સંગ,
• ગીતો-લોકગીતોના તાલે ખીલશે નૃત્યનો ઢંગ,
• ત્રણ પેઢી સાથે જીવંત થશે રંગભૂમિનો ઉમંગ,
• પરંપરાગત વસ્ત્રોમાં ખીલશે ગુજરાતના તરંગ,
• પ્રતિભા સન્માને પૂર્ણ થશે ગૌરવનો પ્રસંગ.

શું તમે કે તમારાં બાળકો ઉપર જણાવેલી કોઈ પ્રવૃત્તિમાં ભાગ લેવા ઈચ્છો છો તો આપ નીચે આપેલી લિંક પર ક્લિક કરીને અમને જણાવી શકો છો જેથી અમારી ટિમ આપની સાથે મળીને બધું ગોઠવી શકે.

https://tinyurl.com/VishwaGujaratiDivas2026

જો આપણે આપણી ભાષા બોલીશું, ગુજરાતી ગીતો ગાઈશું, આપણું રસપ્રદ સાહિત્ય વાંચીશું, આપણા સ્થાનિક કલાકારોને વધાવીશું, આપણી ભાતીગળ સંસ્કૃતિ જીવંત રાખીશું અને ખાસ તો આ બધું આવનારી પેઢીમાં પણ વહેતું કરીશું, તો જ આવનારી પેઢી ગર્વથી કહી શકશે કે "હું ગુજરાતી છું."

વિશ્વ ગુજરાતી દિવસ એ માત્ર એક કાર્યક્રમ નથી પણ આપણી ઓળખને આવનારી પેઢી સુધી પહોંચાડવાનો અમારો દ્રઢ સંકલ્પ છે. જો ગરબા આપણું ગૌરવ છે તો ગુજરાતીપણું આપણું અસ્તિત્ત્વ. આ અસ્તિત્ત્વને ટકાવી રાખવા માટે માત્ર ઉજવણી પૂરતી નથી પરંતુ આવનારી પેઢીમાં માતૃભાષાનાં જતન માટેના બીજ રોપાય એ માટે આપણા સહુની પ્રતિબદ્ધતા પણ એટલી જ મહત્ત્વની છે.

: તો આવો, આપણે સહુ વિશ્વ ગુજરાતી દિવસની ઉજવણીમાં જોડાઈએ. આ ગરબાની સીઝનમાં એક દિવસ એવો પણ રાખીએ જેમાં થોડાં કલાકો આપણે ફક્ત ગરબાને નહિ પણ ગુજરાતી ભાષા, સાહિત્ય, સંગીત, કલા અને સંસ્કૃતિને પણ એટલું જ પ્રેમ અને માન આપીએ. આશા રાખીએ કે આ કાર્યક્રમને સફળ બનાવવા આપનો સાથ અને સહકાર અમને સાંપડશે..!!

- ટિમ GALAA

13/06/2026

*"સિડનીનાં હૈયે ધબકતું ગુજરાત . . ."*

🌍 વિશ્વ ગુજરાતી દિવસની ઉજવણી માટે તૈયાર થઈ જાઓ!

📍 Sydney ના બધા ભાષાપ્રેમીઓ માટે ખાસ આમંત્રણ.

🗓️ 23rd August, Sunday બ્લોક કરી લો; પછી જોજો કહેતા રજિસ્ટ્રેશન ફૂલ થઈ ગયું ..!!

ખૂબ જ રોમાંચક માહિતી સાથે જલ્દી મળીશું 🙏🏻

Stay tuned !!

-- Team GALAA

GALAA - Gujarati Arts and Literary Association of Australia

14/09/2026

04/09/2026

03/09/2026

24/08/2026

22/08/2026

15/08/2026

17/07/2026

13/06/2026

Address

Telephone

Website

Alerts

Contact The Organization

Shortcuts

Share

Category

Listing takedown request