ឆត្រ័ សង្គ្រោះជាតិ NRU

06/08/2026

06/08/2026

🇰🇭 ជំនួបរវាងមន្ត្រីសិទ្ធិមនុស្ស អង្គការសហប្រជាជាតិ (UN) និងថ្នាក់ដឹកនាំកម្ពុជា
នៅក្នុងជំនួបផ្លូវការជាមួយអ្នករាយការណ៍ពិសេសអង្គការសហប្រជាជាតិទទួលបន្ទុកសិទ្ធិមនុស្ស លោកនាយករដ្ឋមន្ត្រី ហ៊ុន ម៉ាណែត មិនបានបង្ហាញភាពក្លាហានក្នុងការជជែក ឬដោះស្រាយដោយផ្ទាល់ជុំវិញបញ្ហារំលោភបំពានសិទ្ធិមនុស្ស និងការចាប់ឃុំខ្លួនសកម្មជនបរិស្ថាន សកម្មជននយោបាយ និងអ្នកការពារសិទ្ធិមនុស្សឡើយ។
ទោះបីជាតំណាង UN បានលើកឡើងអំពីក្តីបារម្ភពាក់ព័ន្ធនឹងស្ថានភាពសិទ្ធិមនុស្ស សេរីភាពបញ្ចេញមតិ និងការធ្វើទុក្ខបុកម្នេញលើអ្នករិះគន់ក៏ដោយ ក៏កម្ពុជានៅតែបន្តរងការរិះគន់ចំពោះការខ្វះឆន្ទៈពិតប្រាកដក្នុងការកែលម្អ និងបើកទូលាយលំហសេរីភាពប្រជាធិបតេយ្យ។

06/08/2026

គណបក្សភ្លើងទៀន និងគណបក្សឆន្ទៈខ្មែរ នៅថ្ងៃទី៦ ខែសីហា ឆ្នាំ២០២៦ បានចេញសេចក្តីថ្លែងការណ៍ សម្តែងការសោកស្តាយចំពោះការចាប់ខ្លួន លោក ញាន សារុំ ជា​សមាជិកគណៈកម្មាធិការនាយក និងប្រធានគណៈកម្មាធិការប្រតិបត្តិគណបក្សភ្លើងទៀន ខេត្តឧត្តរមានជ័យ និង​ជាសមាជិកក្រុមប្រឹក្សាសង្កាត់អូរស្មាច់។ តាមសេចក្តីថ្លែងការណ៍ មន្ត្រីជាន់ខ្ពស់បក្សភ្លើងទៀនរូបនេះត្រូវបានអាជ្ញាធរចាប់ខ្លួននៅយប់ថ្ងៃទី៥ សីហា និងបញ្ជូនទៅស្នងការដ្ឋាននគរបាលខេត្តឧត្តរមានជ័យ ដោយមិនទាន់ដឹងពីមូលហេតុនៃការចាប់ខ្លួននោះទេ។ គណបក្សភ្លើងទៀន និងគណបក្សឆន្ទៈខ្មែរចាត់ទុកការចាប់ខ្លួនលោក ញាន សារុំ ជាការគំរាមកំហែងដល់សកម្មជន និងអ្នកគាំទ្រគណបក្សប្រឆាំង ដែល​អាចធ្វើឱ្យបរិយាកាសនយោបាយមុនការបោះឆ្នោតក្រុមប្រឹក្សាឃុំ-សង្កាត់ ឆ្នាំ២០២៧ កាន់តែតានតឹង។ ក្នុងន័យនេះ ​គណបក្សភ្លើងទៀន និងគណបក្សឆន្ទៈខ្មែរ បានអំពាវនាវឱ្យអាជ្ញាធរដោះលែងលោក ញាន សារុំ ឱ្យមានសេរីភាពឡើងវិញ និងបញ្ឈប់ការចាប់ខ្លួន ឬការធ្វើទុក្ខបុកម្នេញលើថ្នាក់ដឹកនាំ សមាជិក និងសកម្មជនគណបក្ស ដើម្បីធានាថា ការបោះឆ្នោតឆ្នាំ២០២៧ អាចប្រព្រឹត្តទៅដោយសេរី ត្រឹមត្រូវ និងយុត្តិធម៌៕
ប្រភពរូបភាព​៖ គណបក្សភ្លើងទៀន

06/08/2026

06/08/2026

🌐 ការប្រយុទ្ធប្រឆាំងបទល្មើសស៊ីប៊ែរ (Cybercrime)៖ សម្ពាធ និងកិច្ចសហប្រតិបត្តិការអន្តរជាតិ
ទណ្ឌកម្មជាបន្តបន្ទាប់ពីសំណាក់សហរដ្ឋអាមេរិក អង់គ្លេស និងសហភាពអឺរ៉ុប ទៅលើក្រុមឧក្រិដ្ឋជនឆបោកតាមអនឡាញ គឺជាជំហានដ៏សំខាន់មួយក្នុងការបង្កើនសន្តិសុខហិរញ្ញវត្ថុ និងការពារសិទ្ធិមនុស្ស។
បាតុភូតនេះបានបង្ហាញថា ការលុបបំបាត់បទល្មើសឆ្លងដែនទាមទារឱ្យមានកិច្ចសហប្រតិបត្តិការយ៉ាងជិតស្និទ្ធរវាងអាជ្ញាធរមានសមត្ថកិច្ច និងសហគមន៍អន្តរជាតិ ដើម្បីបោសសម្អាតរូបភាពអវិជ្ជមាន និងធានាសុវត្ថិភាពសង្គមទាំងមូល។