New Justice Culture

10/08/2026

«Արդարության նոր մշակույթ» ՀԿ համահիմնադիր, իրավապաշտպան Զարուհի Հովհաննիսյանը Ազատություն ռադիոկայան-ի ռեպորտաժում անդրադառնալով օգոստոսի 8-ին ՀՀ քննչական կոմիտեի հրապարակած հաղորդագրությանը, նշում է․
«Մեկ փոքր պարբերության մեջ մենք և՛ տեսնում ենք անմեղության կանխավարկածի խախտում, և՛ անձնական, ընտանեկան կյանքի գաղտնիության խախտում, և՛ տեսնում ենք կրոնական և համոզմունքի ազատության հետ կապված որոշակի թիրախավորումներ, որը հսկայական տարածք է բացում տարբեր տիպի բամբասանքների համար», - ասաց Հովհաննիսյանը:
Մանրամասները՝ տեսանյութում 👇

05/08/2026

📍 «Արդարության նոր մշակույթ» ՀԿ աշխատակազմը օգոստոսի 5-ին հեռավար հանդիպում էր կազմակերպել Արմավիրի մարզպետարանի, տեղական ինքնակառավարման մարմինների, Միասնական սոցիալական ծառայության, Պրոբացիայի ծառայության, Խնամակալության և հոգաբարձության մարմինների, ինչպես նաև հասարակական կազմակերպությունների ներկայացուցիչների հետ։
Հանդիպման ընթացքում ներկայացվեց «Ընտանեկան և կենցաղային բռնություն գործադրած անձանց ռեաբիլիտացման» ծրագիրը, որը ՀՀ Աշխատանքի և սոցիալական հարցերի նախարարության պատվիրակմամբ իրականացվում է Հայաստանի ամբողջ տարածքում՝ «Արդարության նոր մշակույթ» ՀԿ-ի կողմից։
Քննարկվեցին ծրագրի նպատակներն ու սկզբունքները, շահառուների ներգրավման ընթացակարգերը, միջգերատեսչական համագործակցության հնարավորությունները և ընտանեկան ու կենցաղային բռնության կանխարգելմանն ուղղված արդյունավետ փոխգործակցության մեխանիզմները։
✨Մասնակիցները մեծ հետաքրքրություն ցուցաբերեցին ծրագրի նկատմամբ՝ հատկապես կարևորելով նմանատիպ նախաձեռնությունների առկայությունն ու շարունակականությունը ընտանեկան բռնության դեմ պայքարում և համայնքներում անվտանգ միջավայրի ձևավորման գործում։
Ծրագիրը հիմնված է Եվրոպայի խորհրդի ուսումնական ծրագրի վրա և միտված է՝
🔹 նվազեցնելու բռնության կրկնման ռիսկը,
🔹 ձևավորելու պատասխանատու և անվտանգ վարքագիծ,
🔹 անհրաժեշտության դեպքում աջակցելու վնասակար կախվածությունների հաղթահարմանը։
#ԱրդարությանՆորՄշակույթ #ԸնտանեկանԲռնություն #ԲռնությանԿանխարգելում #ԱրմավիրիՄարզ

01/08/2026

English ⤵️
🔶️«Արդարության նոր մշակույթ» ՀԿ-ի համահիմնադիր Անի Ջիլոզյանը պատիվ է ունեցել մասնակցելու The Knights and Daughters of Vartan կազմակերպության այս տարվա ամենամյա համաժողովին և հանդես գալու որպես պանելային քննարկման խոսնակ։
Անի Ջիլոզյանը ներկայացրել է «Արդարության նոր մշակույթ» ՀԿ-ի գործունեությունը՝ կիսվելով նաև անձնական և մասնագիտական փորձառությամբ։ Իր ելույթում նա ընդգծել է այնպիսի հասարակություն կառուցելու կարևորությունը, որտեղ արդարությունը, մարդկային արժանապատվությունը և համայնքային համերաշխությունը փոխկապակցված արժեքներ են։
Մեծ պատիվ էր լինել այս ոգեշնչող բանախոսների շարքում և հանդիպել հայկական համայնքի անդամներին, որոնց նվիրումն ու հետևողական աշխատանքը՝ հայկական ինքնության պահպանման, համայնքների հզորացման և կարևոր նախաձեռնությունների աջակցության ուղղությամբ, շարունակում են նշանակալի ազդեցություն ունենալ ինչպես սփյուռքում, այնպես էլ Հայաստանում։
🟠New Justice Culture Co-Founder Ani Jilozian was honored to be invited by The Knights and Daughters of Vartan to speak at a panel discussion during this year’s annual convocation.
Ani shared reflections on New Justice Culture’s work, alongside stories from her personal and professional journey, highlighting the importance of building a culture where justice, dignity, and community go hand in hand.
It was a privilege to join an inspiring group of speakers and engage with members of the Armenian community whose dedication to preserving Armenian identity, strengthening communities, and supporting meaningful initiatives continues to make a lasting impact across the diaspora and in Armenia.
#Հայաստան #Սփյուռք #ԱրդարությանՆորՄշակույթ #ՄարդուԻրավունքներ #Արդարություն #ՀայՀամայնք #Համագործակցություն #ՄիասինԱվելիՈւժեղ

31/07/2026

🕹️«Արդարության նոր մշակույթ» ՀԿ համահիմնադիր Զարուհի Հովհաննիսյանը Factor TV-ի եթերում խոսում է բանակում տոքսիկ մասկուլինության դրսևորումների մասին, նա նշում է, որ հայհոյանք են դնում զինվորի վրա՝ ով էսպիսի բան ասեց, էսպիսի տղա է․ ԶՈւ-ը քրեական ձևով չեն կառավարում։
Մանրամասները՝ տեսանյութում 👇

Հավաստի, բազմակողմանի, արագ․ Factor TV-ն իր հետևորդներին է ներկայաց...

29/07/2026

📖Ուրախությամբ հայտնում ենք, որ պատրաստվում ենք նշել Շուշանիկ Կուրղինյանի ծննդյան 150-ամյակը։
Դեռևս տարեսկզբին «Արդարության նոր մշակույթ» ՀԿ-ի և Գրականության և արվեստի թանգարան /Museum of Literature and Arts/-ի միջև կնքվել էր համագործակցության հուշագիր՝ սկիզբ դնելով մեր հրաշալի համագործակցությանը։
Շուշանիկ Կուրղինյանի 150-ամյակին նվիրված համատեղ ծրագրի շրջանակներում, այս տարվա հոկտեմբերին Գրականության և արվեստի թանգարանում կբացվի հատուկ ցուցադրություն, որը հնարավորություն կտա հանրությանը նորովի ճանաչելու մեծ գրողին, հասարակական գործչին և իր ժամանակի ամենահամարձակ կանանցից մեկին։
Շուշանիկ Կուրղինյանը պարզապես բանաստեղծ չէր, նա իր ժամանակը ճեղքած կին էր՝ համարձակ, ազատամիտ, արդարության ջատագով։ Կուրղինյանի ստեղծագործություններն ու գաղափարները մինչ օրս շարունակում են հնչել արդիական, իսկ գրական ժառանգությունը պատմում է մի ամբողջ ժամանակաշրջանի, կանանց պայքարի, արժանապատվության և սոցիալական արդարության մասին։
Շուշանիկ Կուրղինյանի 150-ամյակը ոչ միայն հիշելու, այլև նրա գաղափարները նոր սերունդներին փոխանցելու, նրա ձայնը կրկին լսելի դարձնելու և նրա թողած ժառանգությունը արժևորելու բացառիկ հնարավորություն է։
Ծրագիրն իրականացվում է «Արդարության նոր մշակույթ» ՀԿ-ի և Գրականության և արվեստի թանգարանի համագործակցությամբ՝ Calouste Gulbenkian Foundation - Armenian Communities-ի ֆինանսական աջակցությամբ։
Արդեն սկսվել են ծրագրի ամենապատասխանատու աշխատանքները․ վերականգնվում և վերծանվում են Շուշանիկ Կուրղինյանի ձեռագրերը, ուսումնասիրվում են նրա անձնական իրերն ու արխիվային նյութերը։ Յուրաքանչյուր վերականգնված էջ, յուրաքանչյուր պահպանված փաստաթուղթ մեր մշակութային հիշողության վերականգնված մի մասնիկն է, որը նոր կյանք է ստանում և կրկին դառնում հանրային սեփականություն։

27/07/2026

⁉️Ինչպե՞ս կանխել հաջորդ բռնությունը
The Polityx-ը անկախ մեդիա հարթակ-ի հետ զրուցել է
«Արդարության նոր մշակույթ» ՀԿ-ի համահիմնադիր Հասմիկ Գևորգյանը։ Նա ներկայացրել է ընտանեկան բռնություն գործադրած անձանց հետ աշխատանքը ու նշել, որ այն հանրային քննարկումներում հաճախ ներկայացվում է որպես բռնություն գործադրած անձանց «ռեաբիլիտացման ծրագիր»։
🎤«Եթե բառացի թարգմանենք, «ռեաբիլիտացիա»-ն վերականգնումն է։ Բայց այստեղ մենք ոչինչ չենք վերականգնում։ Բռնության ենթարկված մարդն է, ով կարող է կորցնել ինքնագնահատականը, անվտանգության զգացումը կամ սեփական «ես»-ը։ Իսկ բռնություն գործադրած անձի դեպքում նպատակը բոլորովին այլ է՝ փոխել այն վարքը, որը բերել է բռնության»,– նշում է նա ու ծրագիրը նկարագրում որպես «միջամտություն»։
#ՓոփոխությունըՀնարավորԷ #ԱրդարությանՆորՄշակույթ #ԸնտանեկանԲռնություն #ԲռնությանԿանխարգելում
Հոդվածն ամբողջությամբ կարող եք կարդալ այստեղ 👇

2026 թվականի առաջին վեց ամիսներին, նախորդ տարվա նույն ժամանակահատվածի համեմատ, ոստիկանությունը ստացել է ընտանեկան և կենցաղային բռնության մասին 78-ով ավել հաղորդում։ ...

27/07/2026

📍«Արդարության նոր մշակույթ» ՀԿ աշխատակազմը հուլիսի 27-ին հեռավար հանդիպում էր կազմակերպել Կոտայքի մարզպետարանի և տեղական ինքնակառավարման մարմինների աշխատակիցների, Միասնական սոցիալական ծառայության, Պրոբացիայի, Խնամակալության և հոգաբարձության մարմինների, ինչպես նաև հասարակական կազմակերպությունների ներկայացուցիչների հետ։ Ներկայացվեց «Ընտանեկան և կենցաղային բռնություն գործադրած անձանց ռեաբիլիտացման» ծրագիրը, որը Հայաստանի ամբողջ տարածքում իրականացնում է «Արդարության նոր մշակույթ» հասարակական կազմակերպությունը՝ Աշխատանքի և սոցիալական հարցերի նախարարության պատվիրակմամբ։
Հանդիպման ընթացքում քննարկվեցին ծրագրի նպատակներն ու սկզբունքները, շահառուների ներգրավման ընթացակարգերը, միջգերատեսչական համագործակցության հնարավորությունները և ընտանեկան ու կենցաղային բռնության կանխարգելմանն ուղղված արդյունավետ փոխգործակցության մեխանիզմները։
Ծրագիրը հիմնված է Եվրոպայի խորհրդի ուսումնական ծրագրի վրա և միտված է՝
🔹 նվազեցնելու բռնության կրկնման ռիսկը,
🔹 ձևավորելու պատասխանատու և անվտանգ վարքագիծ,
🔹 անհրաժեշտության դեպքում աջակցելու վնասակար կախվածությունների հաղթահարմանը։
🤝 Մասնակիցները նշեցին, որ համատեղ աշխատանքը պետական, տեղական ինքնակառավարման և քաղաքացիական հասարակության կառույցների միջև առանցքային նշանակություն ունի՝ ընտանեկան և կենցաղային բռնության կանխարգելման և անվտանգ համայնքների ձևավորման գործում։
#ԱրդարությանՆորՄշակույթ #ԸնտանեկանԲռնություն #ԲռնությանԿանխարգելում

26/07/2026

⚠️«Արդարության նոր մշակույթ» ՀԿ համահիմնադիր Զարուհի Հովհաննիսյանը գրում է Հայաստանում կանանց դեմ բռնության հետ կապված խնդիրների մասին։
Կնասպանության պաշտոնական վիճակագրություն Հայաստանում չի վարվում։ Մամուլից և այլ աղբյուրներից հավաքված տվյալներով՝ 2022-2025 թթ․ ընթացքում Հայաստանում սպանվել է առնվազն 50 կին՝ հիմնականում ընտանիքի անդամի կամ զուգընկերոջ կողմից։ Այս ընդհատված կյանքերը զուտ վիճակագրություն չեն, այլ ազդակ, որ Հայաստանը ճանաչի և համապատասխան քայլեր ձեռնարկի կանանց կյանքերը փրկելու ուղղությամբ։
Հոդվածն ամբողջությամբ կարող եք կարդալ այստեղ⤵️

Արագածոտնի մարզի Մելիքգյուղում 25-ամյա և 20-ամյա եղբայրները գրտնակի հարվածով սպանել են իրենց մորը։ Հանցագործությունը քողարկելու և հետքերը վերացնելու նպատակով դիակ....

24/07/2026

🖲️1in.am-ի եթերում «Արդարության նոր մշակույթ» ՀԿ համահիմնադիր Զարուհի Հովհաննիսյանը խոսում է կնասպանության դեպքերի և ՀՀ զինված ուժերում արձանագրվող մահերի մասին։
⁉️Ի՞նչ պետք է անի պետությունը, որպեսզի կանխարգելի մահվան դեպքերը և պաշտպանի կյանքի իրավունքը։
Այս և այլ հարցերի շուրջ ավելի մանրամասն կարող եք դիտել տեսանյութում 👇

Հետևեք մեզ նաև այլ հարթակներում՝Website - https://www.1in.amFaceb...