ARS Hyrenik / Հայ Օգնության Միություն

ARS Hyrenik / Հայ Օգնության Միություն Contact information, map and directions, contact form, opening hours, services, ratings, photos, videos and announcements from ARS Hyrenik / Հայ Օգնության Միություն, Nonprofit Organization, 20 Charents, Yerevan.

ՀՕՄ-ը, ոչ կառավարական, մարդասիրական, հասարակական, ոչ դավանաբանական կազմակերպություն է, հիմնադրված 1910թ.-ին՝ Նյու Յորք քաղաքում հայ կանանց կողմից: Այն ունի առաքելություն ծառայելու հայ ժողովրդի ազգային նկարագրին և մշակութային ինքնության պահպանմանը:

ՄԱՐԶԵՐՈՒ ԱՅՑԵԼՈՒԹԻՒՆՆԵՐԱնցնող Շբաթուան ընթացքին դարձեալ բազմաթիւ հիւրեր ունեցանք, որոնք այցելելով ՀՕՄի կեդրոնը մեծապէս տ...
07/09/2026

ՄԱՐԶԵՐՈՒ ԱՅՑԵԼՈՒԹԻՒՆՆԵՐ

Անցնող Շբաթուան ընթացքին դարձեալ բազմաթիւ հիւրեր ունեցանք, որոնք այցելելով ՀՕՄի կեդրոնը մեծապէս տպաւորուեցան հոն ընթացող աշխատանքներով։
Այս հիւրընկալումներէն անկախ Հինգշաբթի, 3 Սեպտեմբեր 2026ին ընկհ. Սօնա Սարաճեան այցելեց ՀՕՄի Հրազդանի «Շուշան Պահլաւունի» մասնաճիւղ եւ ներկայ գտնուեցաւ անոր ընդհանուր ժողովին։ Շաբաթ, 5 Օգոստոսին ընկհ. Մարօ Քէշիշեան հանդիպում մը ունեցաւ Շիրակի մարզի մէջ գործող ՀՕՄի Գիւմրիի, Ախուրեանի եւ Մարալիկի մասնաճիւղերու Վարչութեանց ներկայացուցիչներուն հետ։ Կիրակի, 6 Օգոստոսին ընկհ. Հռիփսիմէ Նահապետեան առանձինն հանդիպումներ ունեցաւ Վայոց Ձորի ՀՕՄի Վայքի, Արենիի եւ Եղեգնաձորի մասնաճիւղերու ներկայացուցիչներուն հետ։ Բոլոր հանդիպումներուն ալ ՀՕՄի Շրջանային Վարչութեան անդամները լսեցին մասնաճիւղերու գործունէութիւնները եւ իրենց օգտակար խորհուրդները տուին անոնց ապագայ գործունէութեանց մասին։

ՀԱՅՐԵՆԻ ՀՕՄԻ ԴՌՆԵՐԸ ՄԻՇՏ ԲԱՑ ԵՆՀՕՄի Հայաստանի կեդրոնը (Չարենցի 20) աշխարհասփիւռ ՀՕՄուհիներու համախմբման վայրը դարձած է։ ...
02/09/2026

ՀԱՅՐԵՆԻ ՀՕՄԻ ԴՌՆԵՐԸ ՄԻՇՏ ԲԱՑ ԵՆ

ՀՕՄի Հայաստանի կեդրոնը (Չարենցի 20) աշխարհասփիւռ ՀՕՄուհիներու համախմբման վայրը դարձած է։ Յատկապէս ամրան արձակուրդին այս օրերուն, գրեթէ ամէն օր կեդրոնը եռուզեռի մէջ, ուր իրենց հարազատ տան պէս ելեւմուտք կը կատարեն մեր սիրելի ՀՕՄուհիները։ Այս անգամ մեր հիւրերը ժամանած էին Արեւմտեան ԱՄՆէն, Գանատայէն եւ Ֆրանսայէն։ Մտերմիկ եւ հաճելի այս հանդիպման ընթացքին, մեր հիւրերը զրուցեցին ՀՕՄը յուզող ընդհանուր հարցերու մասին եւ հպարտութեամբ զեկուցեցին իրենց շրջաններուն մէջ գործող ՀՕՄի մասնաճիւղերու գործունէութեանց մասին։ Բարի եկած էք սիրելի ընկերուհիները։ Հայրենի ՀՕՄի դռները միշտ բաց են ձեր առաջ։

ՄԻՇՏ ՄԵՐ ՀԻՒՐԵՐՈՒՆ ՀԵՏԵրկուշաբթի, 31 Օգոստոս 2026-ին, ՀՕՄի Հայաստանի Շրջանային Վարչութիւնը գումարեց իր հերթական ամսական ...
31/08/2026

ՄԻՇՏ ՄԵՐ
ՀԻՒՐԵՐՈՒՆ ՀԵՏ

Երկուշաբթի, 31 Օգոստոս 2026-ին, ՀՕՄի Հայաստանի Շրջանային Վարչութիւնը գումարեց իր հերթական ամսական լիագումար ժողովը, որուն վերջին օրակարգով մտերմիկ հանդիպում մը ունեցաւ հայրենիք այցելած Սուրիոյ Օգնութեան Խաչի (ՍՕԽ) քանի մը ընկերուհիներու հետ, ընկերակցութեամբ` ՍՕԽի Շրջանային Վարչութեան անդամ ընկհ. Սօնա Տարաքճեանի։ Բարի գալուստի քաղցր խօսքերէ եւ իրարու ծանօթանալէ ետք, ընկհ. Տարաքճեան օգտաշատ տեղեկութիւններ փոխանցեց ՀՕՄի ՍՕԽի շրջանի լայնածաւալ աշխատանքներուն մասին։ Իր հերթին հՕՄի Հայաստանի Շրջանային Վարչութեան ատենապետուհի ընկհ. Մարօ Քէշիշեան մանրամասնութիւններ փոխանցեց հայրենի ՀՕՄի ծրագիրներու մասին։ Սրտի իր խօսքը փոխանցեց եւ յաջողութիւն մաղթեց ներկաներուն ՀՕՄի Կեդրոնական Վարչութեան անդամ ընկհ. Զոյա Քոչարեան։ Այնուհետեւ մեր հիւրերը շրջեցան ՀՕՄի կեդրոնը եւ իրենց հիացմունքը յայտնելով գեղեցիկ կառուցուած կեդրոնի մասին, Հրաժեշտ առին դարձեալ տեսնուելու խոստումով։

ՄԵՐ ՀԻՒՐԵՐԸԵրկուշաբթի, 24 Օգոստոս 2026-ի առաւօտեան, դարձեալ եռուզեռի մէջ էր ՀՕՄի Հայաստանի կեդրոնը։ Այս անգամ հիւրերը ՀՕ...
24/08/2026

ՄԵՐ ՀԻՒՐԵՐԸ

Երկուշաբթի, 24 Օգոստոս 2026-ի առաւօտեան, դարձեալ եռուզեռի մէջ էր ՀՕՄի Հայաստանի կեդրոնը։ Այս անգամ հիւրերը ՀՕՄի Անգլիոյ եւ Արժանթինի շրջաններէն մեր ընկերուհիներն էին, որոնք դիմաւորուեցան ՀՕՄի Հայաստանի Շրջանային Վարչութեան անդամներ` ատենապետ ընկհ. Մարօ Քէշիշեանի եւ գանձապահ ընկհ. Սօնա Սարաճեանի կողմէ։ Մտերմիկ հանդիպման ընթացքին քննարկուեցան ՀՕՄի բարեսիրական Աշխատանքնրն ու յատկապէս ՀՕՄի շարքերը երիտասարդացնելու հրամայականը։

ԼՕԽի Այնճարի "Ախթամար" Մասնաճիւղի վարչութեան հետՀինգշաբթի, 13 Oգոստոս 2026ին, ՀՕՄի Հայաստանի Շրջանային Վարչութեան ատենապ...
13/08/2026

ԼՕԽի Այնճարի "Ախթամար" Մասնաճիւղի վարչութեան հետ

Հինգշաբթի, 13 Oգոստոս 2026ին, ՀՕՄի Հայաստանի Շրջանային Վարչութեան ատենապետ ընկհ. Մարօ Քէշիշեան, շահեկան հանդիպում մը ունեցաւ ԼՕԽի Այնճարի "Ախթամար" Մասնաճիւղի վարչութեան հետ, որուն մասնակցեցաւ նաեւ ԼՕԽի նորընտիր Շրջանային Վարչութեան անդամ
ընկհ. Սիւզի Նաշալեանը։ Հանդիպման ընթացքին ԼՕԽի Այնճարի "Ախթամար" մասնաճիւղի վարչութեան ատենապետ ընկհ. Լալիկ խօշեան բացատրութիւններ տուաւ մասնաճիւղի ընթացիկ աշխատանքներու մասին, մանրամասներով յատկապէս տարեցներու, հիւանդներու, ուսանողներու եւ շտապ օգնութեան առնչուող աշխատանքները։ Իր հերթին ընկհ. Քէշիշեան զեկուցեց ՀՕՄԻ Հայաստանի ընթացիկ եւ երկարաժամկէտ ծրագիրներու մասին։ Ապա, անոնք շրջեցան կեդրոնէն ներս ռւ մօտէն ծանօթացան զեկուցուած աշխատանքներու գործնականացման միջոցներուն մասին։ Գեղեցիկ կեդրոն մը, որ իր աշխատանքներու ճշգրիտ բաժանումներով մեծապէս տպաւորեց հայրենի հիւրը, որ իր հիացնունքը յայտնեց կատարուող մարդասիրական հիանալի աշխատանքներու մասին։ "Ժողովուրդիս հետ, ժողովուրդիս համար"։

ՕՐԻՆԱԿԵԼԻ ՆԱԽԱՁԵՌՆՈՒԹԻՒՆ ՄԸՈւրբաթ, 7 Օգոստոս 2026ի առաւօտեան, ՀՕՄի գրասենեակ այցելեց ծանօթ ՀՄԸՄական եղբ. Տոքթ. Արմէն Աբո...
07/08/2026

ՕՐԻՆԱԿԵԼԻ ՆԱԽԱՁԵՌՆՈՒԹԻՒՆ ՄԸ

Ուրբաթ, 7 Օգոստոս 2026ի առաւօտեան, ՀՕՄի գրասենեակ այցելեց ծանօթ ՀՄԸՄական եղբ. Տոքթ. Արմէն Աբուլեանը, դստեր՝ Լոռիի հետ, որ Արեւմտեան ԱՄՆի Լա Քրէսէնթա քաղաքի «Գարեգին Նժդեհ» Պատանեկան Միութեան անդամ է։ Ան ձեռքին ունէր ծրար մը, որ գուրգուրանքով կը պահէր, որպէսզի անձամբ յանձնէ զայն Արցախէն բռնի տեղահանուած ընտանիքի մը։ Լոռին պատմեց, թէ Պատանեկան Միութեան անդամ իր ընկեր-ընկերուհիներուն հետ կազմակերպած են նախաճաշի ձեռնարկ մը, որուն հասոյթը որոշած են յատկացնել Արցախահայ ընտանիքի մը։ Այդ ընտանիքը արդէն իսկ ներկայ էր ՀՕՄի կեդրոն եւ Լոռին թէեւ յոււզումունքով, սակայն հոգեկան մեծ գոհունակութեամբ, իր եւ իր ընկերներու անունով յանձնեց զայն հրաւիրուած ընտանիքին։ Ահա օրինակելի ժեստ մը, որ պէտք է վարակիչ դառնայ բոլորիս։ Ապրի՜ք պատանիներ, դուք հայրենիքէ հեռու կ՜ապրիք, սակայն հոգեպէս հայրենիքի եւ հայ ժողովուրդի հետ էք։ Ձեր ազգային ոգին միշտ բարձր պահեցէք, բարի օրինակ դառնալով ձեր շրջապատին։

ՀՄԸՄ-ԱԿԱՆ ՀԻՒՐԵՐՈՒ ՀԵՏԱյսօր, Երեքշաբթի 4 Oգոստոս 2026-ին, գեղեցիկ անակնկալով մը, ՀՕՄի գրասենեակ այցելեցին Համա-ՀՄԸՄակա...
04/08/2026

ՀՄԸՄ-ԱԿԱՆ ՀԻՒՐԵՐՈՒ ՀԵՏ

Այսօր, Երեքշաբթի 4 Oգոստոս 2026-ին, գեղեցիկ անակնկալով մը, ՀՕՄի գրասենեակ այցելեցին Համա-ՀՄԸՄական 13րդ բանակումի մասնակցած ՀՄԸՄի Արեւմտեան ԱՄՆի պատուիրակութեան պատասխանատու խմբապետական կազմէն չորս քոյրեր եւ մտերմիկ հանդիպում մը ունեցան ՀՕՄի Հայաստանի Շրջանային Վարչութեան ատենապետ ընկհ. Մարօ Քէշիշեանին հետ։ Հանդիպման ընթացքին Համա-ՀՄԸՄական 13րդ բանակումի գեղեցիկ յուշերուն մասին խօելէ անկախ, անոնք իրենց երախտագիտութիւնը յայտնեցին ՀՕՄի Հայաստանի Շրջանային Վարչութեան, որ 22 Յուլիսին, Պռոշեանի Պանդէոնի մաքրութեան եւ ծառատնկումի աշխատանքը համադրեց ՀԵՄի երիտասարդ-երիտասարդուհիներուն հետ։ Նկարին մէջ ձախէն աջ, քոյրեր` Լիզա Փանոսեան, Կարինէ Գնտոյեան, Մարօ Քէշիշեան, Լարա Փանոսեան եւ Քաթիա Գէորգեան։

ՄԵՐ ԱՅՑԵԼՈՒՆԵՐԸՈւրբաթ, 31 Յուլիս 2026ին, ՀՕՄի Հայաստանի կեդրոն այցելեցին եւ ՀՕՄի "Արցախ" մասնաճիւղի անդամներու պատրաստած...
31/07/2026

ՄԵՐ ԱՅՑԵԼՈՒՆԵՐԸ

Ուրբաթ, 31 Յուլիս 2026ին, ՀՕՄի Հայաստանի կեդրոն այցելեցին եւ ՀՕՄի "Արցախ" մասնաճիւղի անդամներու պատրաստած «Ճինկելով Հաց»ի սեղանի շուրջ շահեկան հանդիպում մը ունեցան Արեւելեան ԱՄՆէն Հայաստան այցելած ՀՕՄուհիներ։

Ընկերուհիները Հայրենի ՀՕՄի կեդրոն առաջնորդած էր Նիւ Ճըրզիէն ՀՕՄի Պռոշեանի «Շենիկցի Շաքէ» մասնաճիւղ փոխանցուած ընկհ. Փօլին Տոսթումեանը։ Մեր հիւրերն էին Նիու Ճըրզի նահանգէն ընկհ. Մարինա Եագուպեանը, որ ՀՕՄի «Շաքէ» մասնաճիւղի անդամ է եւ տեղւոյն «Նարեկ» վարժարանի տնօրէնը, ինչպէս նաեւ նոյն վարժարանի ուսուցչուհիներէն եւ ՀՕՄի Նիւ Ճըրզիի «Ակնունի» մասնաճիւղի անդամ ընկհ. Լենա Տիշոյեանը։ Ընկերուհիները շրջեցան ՀՕՄի կեդրոնը, իրենց հիացմունքը յայտնեցին, ինչպէս նաեւ ծանօթացան ՀՕՄի Հայաստանի եւ ՀՕՄ-Արուեստի գործունէութեանց։

ՄԵՐ ՀԻՒՐԵՐԸՉորեքշաբթի, 29 Յուլիս 2026ին, Աւստրալիայէն ՀՕՄի կեդրոն այցելեցին վաստակաշատ ընկերուհիներ՝ Անի Փանոյեան եւ Ատ...
31/07/2026

ՄԵՐ ՀԻՒՐԵՐԸ

Չորեքշաբթի, 29 Յուլիս 2026ին, Աւստրալիայէն ՀՕՄի կեդրոն այցելեցին վաստակաշատ ընկերուհիներ՝ Անի Փանոյեան եւ Ատել Գրաճեան ու շահեկան հանդիպում մը ունեցան ՀՕՄի Շրջանային Վարչութեան անդամներ ընկերուհիներ Մարօ Քէշիշեանի եւ Սօնա Սարաճւեանի հետ։ Ընկհ. Անի Փանոյեան իր հետ բերած էր իր մեծ մօր եւ մօր գործած գեղեցիկ ձեռագործները, որոնք պիտի տեղադրուին ՀՕՄ-Արուեստի կեդրոնը՝ յատուկ ցուցափեղկերու մէջ։

Համա-ՀՄԸՄական 13-րդ Բանակումի Մասնակցողներուն հետ Հինգշաբթի, 30 Յուլիս 2026-ին, ՀՕՄի Հայաստանի շրջանի ՀՕՄ֊Արուեստի յանձն...
30/07/2026

Համա-ՀՄԸՄական 13-րդ Բանակումի Մասնակցողներուն հետ

Հինգշաբթի, 30 Յուլիս 2026-ին, ՀՕՄի Հայաստանի շրջանի ՀՕՄ֊Արուեստի յանձնախումբի անդամները, ընկերակցութեամբ ՀՕՄի Հայաստանի Շրջանային Վարչութեան (ՇՎ) ատենապետ ընկհ. Մարօ Քէշիշեանի եւ ՇՎ անդամ Սօնա Սարաճեանի, բարձրացան Բիւրականի "ՀՄԸՄի Գառնիկ Մկրտիչեան" բանակավայրը, ուր Համա-ՀՄԸՄական 13-րդ բանակումին մասնակիցներուն կարեւոր ու գործնական ձեռային աշխատանքներ սորվեցուցին. Մաքրամէ, ընկոյզի վրայ Սարդակար, մանրանկարչութիւն, գարբեդ հիւսել եւ Ճինկէլով հացի պատրաստութիւն։ Հինգ մասնագիտութիւններ, որոնց ուսուցումը մեծ հետաքրքրութիւն ստեղծեց բանակավայրէն ներս։ ՀՕՄի պատուիրակութեան ընկերակցեցաւ նաեւ ՀՕՄի Թորոնթոյի մասնաճիւղէն (Գանատա) վաստակաշատ ընկհ. Արշօ Աստուրեանը։ Իրենց տիրապետած մասնագիտութիւններէն գոհունակ բանակողները օրուան վերջի իրենց ազատ ժամերը ուրախացան խմբային երգ ու պարերով։ ՀՕՄի պատուիրակութեան անդամները ուշ երեկոյեան մեկնեցան տուն, իրենց բարիքները կատարած ըլլալու ինքնավստահ գոհունակութեամբ։

Address

20 Charents
Yerevan
0025

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Website

Alerts

Be the first to know and let us send you an email when ARS Hyrenik / Հայ Օգնության Միություն posts news and promotions. Your email address will not be used for any other purpose, and you can unsubscribe at any time.

Shortcuts

Share

Category