01/08/2026
Սուրբ Աստվածածնի Վերափոխման տոնի առիթով
Սիրով հրավիրում ենք ձեզ մասնակցելու մեր համայնքի ավանդական հարիսայի պատրաստմանն ու Խաղողօրհնեքի նախապատրաստական աշխատանքներին, որոնք տեղի կունենան Ուրբաթ՝ 2026 թ. Օգոստոսի 14-ին, ժամը 11:00-ից սկսած։
Մեր նախնիներից ժառանգած այս գեղեցիկ ավանդույթը համայնքային համախմբման, սիրո և ծառայության յուրահատուկ առիթ է։ Հարիսայի պատրաստման ողջ ընթացքը կանցնի ջերմ ու ընտանեկան մթնոլորտում՝ համատեղ աշխատանքի, երգի ու պարի և ուրախ ժամանցի ուղեկցությամբ։
Ուրախ կլինենք, եթե յուրաքանչյուրդ իր մասնակցությամբ նպաստի այս օրհնաբեր օրվա հաջող կազմակերպմանը։
Եթե կան ուխտավորներ, կամ բարերարներ, ովքեր ցանկանում են Խաղողօրհնեքի առիթով նվիրաբերել խաղող կամ կատարել այլ նվիրատվություններ, խնդրում ենք նախապես կապ հաստատել մեզ հետ 094 729242 հեռախոսահամարով, անհրաժեշտ կազմակերպչական աշխատանքները համակարգելու համար։
Շաբաթ, 2026 թվականի Օգոստոսի 15-ին, ժամը 18:00-ին, մեր եկեղեցում կմատուցվի Սուրբ և Անմահ Պատարագ, որից հետո կկատարվի Խաղողօրհնեքի հանդիսավոր արարողությունը։
Սիրով սպասում ենք բոլորիդ։
