11/05/2026
📢🎉Հարկման ընդհանուր համակարգ անցած, սակայն ԱԱՀ հաշվառման դիմում չներկայացրած հարկ վճարողները կկարողանան օգտվել ԱԱՀ դեբետային գումարներից․ ՆԱԽԱԳԻԾՆ ԸՆԴՈՒՆՎԵԼ Է ԱԺ ԵՐԿՐՈՐԴ ԸՆԹԵՐՑՄԱՄԲ ԵՎ ԱՄԲՈՂՋՈՒԹՅԱՄԲ:
🔹Հայաստանի ներդրումային խորհրդի կողմից քարտեզագրված, ինչպես նաև ՓՄՁ զարգացման ենթախորհրդի նիստում և ՀՀ Պետական եկամուտների կոմիտեի գործընկերների հետ քննարկված՝ հարկման հատուկ համակարգերից ընդհանուր համակարգ անցած, սակայն որպես ԱԱՀ վճարող հաշվառվելու վերաբերյալ հայտարարություն չներկայացրած հարկ վճարողների խնդրի լուծմանն ուղղված օրենսդրական փոփոխություններն ընդունվել են Ազգային ժողովի երկրորդ ընթերցմամբ և ամբողջությամբ։
🔹Ընդունված փոփոխությունների արդյունքում՝ այն հարկ վճարողները, որոնք 2022 թվականի հունվարի 1-ից հետո համարվել են ԱԱՀ վճարող սակայն չեն ներկայացրել որպես ԱԱՀ վճարող հաշվառվելու վերաբերյալ հայտարարություն, հնարավորություն կունենան մինչև սույն թվականի դեկտեմբերի 21-ը ներառյալ դիմում ներկայացնել հարկային մարմին՝ որպես ԱԱՀ վճարող հաշվառվելու գործընթացը իրականացնելու նպատակով։
🔹Դիմումի հիման վրա հարկ վճարողը հարկային մարմնի կողմից հաշվառվում է որպես ԱԱՀ վճարող։
🔹Արդյունքում՝ որպես ԱԱՀ վճարող չհաշվառելու հիմքով վարչական ակտերով առաջադրված (այդ թվում՝ դատական կարգով բողոքարկված) ԱԱՀ-ի պարտավորությունները ենթակա են վերահաշվարկման:
🔎 Իմացիր IC Armenia բարեփոխումների մասին՝ այցելելով https://icarmenia.am/hy/reforms/
🎯 Եթե ունես օրենսդրական բնույթի խնդիր, դիմիր այստեղ 👉 icarmenia.am/hy/submit-issue
