Women's Resource Center, Armenia, Կանանց ռեսուրսային կենտրոն

22/06/2026

📣 Սիրելի՛ բոլոր, հրավիրում ենք մասնակցելու արտ թերապևտիկ աշխատարանի։

Այս հանդիպման ընթացքում ներքին լարվածությունը կփորձենք դարձնել տեսանելի և ընկալելի։ «Անվտանգ վայր» վարժության միջոցով կփորձենք վերականգնել վերահսկողության զգացողությունը և ձևավորել սթրեսի նկատմամբ նոր վերաբերմունք՝ սթրեսը դիտարկելով ոչ միայն որպես խնդիր, այլ նաև որպես «հաղորդագրություն»։

Արտ թերապիան հնարավորություն է տալիս արտահայտել այն, ինչ երբեմն դժվար է ձևակերպել բառերով։

Աշխատարանը կվարի կլինիկական հոգեբան, հոգեթերապևտ Աստղիկ Բաղդասարյանը։

Մասնակցությունն անվճար է։ Խնդրում ենք գրանցվել հետեւյալ հղումով. https://forms.gle/F8hnEorZs1LGJksp7

🗓🕣 Հուլիս 3, 19:00
📍 ԿՌԿ ֆեմտարածք (Բաղրամյան 47):

22/06/2026

Սիրելի՛ մարդիկ,
միացե՛ք մեր հերթական ֆեմախոսությանը՝

🗓 հունիսի 29-ին,
⏰ ժամը 18:30-ին:

Հանդիպմանը կխոսենք այն դժվարությունների մասին, որոնց բախվում են ԼԳԲՏ+ անձինք, հատկապես՝ լեսբի, քվիր և տրանս կանայք, Հայաստանում աշխատանք գտնելիս և աշխատավայրում իրենց իրավունքներն իրացնելիս։

📌 Ֆեմախոսությունը կվարի Հռիփսիմե Կիզոգյանը, ով «Փինք» իրավապաշտպան ՀԿ-ի (Pink Armenia) գործադիր տնօրենն է, իրավապաշտպան և հետազոտող։

Նա կներկայացնի հետազոտությունների և փաստագրված դեպքերի հիման վրա նկատված հիմնական խնդիրները՝ սկսած աշխատանքի հայտարարություններից և հարցազրույցներից մինչև աշխատավայրում առկա վերաբերմունքը, անհավասար հնարավորությունները և անվտանգ միջավայրի բացակայությունը։

Դե ինչ, սիրով կսպասենք բոլորիդ՝

🗓 հունիսի 29-ին,
⏰ ժամը 18:30-ին,
📍 Բաղրամյան 47 (կամ օնլայն՝ Zoom-ով):

🔗 Խնդրում ենք նախապես գրանցվել հետևյալ հղումով. https://forms.gle/awDCyvDkVvuqiSb87

**
KVINFO

17/06/2026

17/06/2026

📌 Vanessa Pohlmann’s article compares understandings of security as expressed in Armenia’s third National Action Plan (NAP) on Women, Peace and Security (WPS), in interviews with civil society organisation representatives, and a focus group discussion with women from Syunik and Nagorno-Karabakh.

It is available in full text on our website 🔗

https://womenofarmenia.org/en/2026/06/17/shared-frameworks-different-priorities-security-in-armenias-wps-context/

16/06/2026

Դիմելու համար՝ https://womenofarmenia.org/2026/06/09/two-day-course-for-students-majoring-in-obstetrics-and-gynecology/

📣 Կանանց ռեսուրսային կենտրոնը հրավիրում է կլինիկական օրդինատուրա «Մանկաբարձություն և գինեկոլոգիա» մասնագիտությամբ սովորող ուսանողներին մասնակցելու երկօրյա դասընթացի՝ նվիրված պացիենտակենտրոն և իրավունքահեն աբորտի ծառայությունների մատուցման հարցերին։

Կանանց ռեսուրսային կենտրոնը հոգում է տրանսպորտի, կացության և սննդի բոլոր ծախսերը:

Վայրը և ամսաթիվը՝ Ծաղկաձոր, հուլիսի 16-18:

Մասնակցությունն անվճար է ✅ սակայն մասնակցությունը պարտադիր է դասընթացի երկու օրերին: Լիարժեք մասնակցության դեպքում՝ կտրվեն վկայականներ:

Բոլոր մանրամասների և դիմելու համար անցե՛ք մեր կայք՝
https://womenofarmenia.org/2026/06/09/two-day-course-for-students-majoring-in-obstetrics-and-gynecology/

❗️Դիմել կարող եք մինչև ս․թ․ հուլիսի 1-ը ներառյալ:

09/06/2026

📣 Կանանց ռեսուրսային կենտրոնը հրավիրում է կլինիկական օրդինատուրա «Մանկաբարձություն և գինեկոլոգիա» մասնագիտությամբ սովորող ուսանողներին մասնակցելու երկօրյա դասընթացի՝ նվիրված պացիենտակենտրոն և իրավունքահեն աբորտի ծառայությունների մատուցման հարցերին։

Կանանց ռեսուրսային կենտրոնը հոգում է տրանսպորտի, կացության և սննդի բոլոր ծախսերը:

Վայրը և ամսաթիվը՝ Ծաղկաձոր, հուլիսի 16-18:

Մասնակցությունն անվճար է ✅ սակայն մասնակցությունը պարտադիր է դասընթացի երկու օրերին: Լիարժեք մասնակցության դեպքում՝ կտրվեն վկայականներ:

Բոլոր մանրամասների և դիմելու համար անցե՛ք մեր կայք՝
https://womenofarmenia.org/2026/06/09/two-day-course-for-students-majoring-in-obstetrics-and-gynecology/

❗️Դիմել կարող եք մինչև ս․թ․ հուլիսի 1-ը ներառյալ:

03/06/2026

❗📢Բռնությունն ու անպատժելիությունը տրանսպորտային ոլորտում պետք է անհապաղ դադարեցվեն «Ընդդեմ կանանց նկատմամբ բռնության կոալիցիա»-ն և «Ընդդեմ ընտանեկան բռնության աջակցման կենտրոնների կոալիցիա»-ն խստորեն դատապարտում են Թբիլիսի-Երևան երթուղին սպասարկող «FAYTON» (Ֆայտոն) ընկերության վարորդի կողմից իրականացված սոսկալի ֆիզիկական և հոգեբանական բռնությունը կին ուղևորների նկատմամբ։

⚠️Համացանցում տարածված և տուժողի կողմից ներկայացված փաստերը (https://www.threads.com//post/DZDXulZEllc?xmt=AQG0fTvMGOz0C00O0I7aMjeGmNhAQxzfOj46Ebg4hbEELe79wOCrd3Jd0aJ62bmMarbD75Os&slof=1) պատմում են, որ մայիսի 15-ին ընկերության վարորդը, դրսևորելով ծայրահեղ ագրեսիվ վարքագիծ, ոչ միայն հայհոյել ու վիրավորել է կանանց, այլև անցել է բացահայտ ֆիզիկական բռնության՝ հարվածել է դեմքին, խեղդել, պատին սեղմել տուժողին ու նրա ընկերուհուն, իսկ վերջում՝ հարվածել կնոջ որովայնին (տե՛ս նկարը ստորև՝ https://www.threads.com//post/DZDaha7DiLY/media?xmt=AQG0fTvMGOz0C00O0I7aMjeGmNhAQxzfOj46Ebg4hbEELe79wOCrd3Jd0aJ62bmMarbD75Os): Այնուհետև, դեպքից հետո տուժողին պատասխանելու և քայլեր ձեռնարկելու փոխարեն ընկերությունն ուղղակի արգելափակել է նրան՝ փորձելով կոծկել սեփական աշխատակցի հանցագործությունը։

Պահանջում ենք.

1. ՀՀ Իրավապահ մարմիններին (ՀՀ ներքին գործերի նախարարություն և ՀՀ քննչական կոմիտե). անհապաղ հարուցել քրեական գործ, քննության առնել ներկայացված փաստերը, նույնականացնել լուսանկարում պատկերված վարորդին և գործողություն ձեռնարկել օրենքով սահմանված կարգով՝ կանանց նկատմամբ ֆիզիկական բռնություն գործադրելու համար։

2. Fayton / Ֆայտոն ընկերությանը հանդես գալ հրապարակային պարզաբանմամբ, անհապաղ հեռացնել վարորդին աշխատանքից և ամբողջությամբ համագործակցել քննության հետ։ Կոծկման ցանկացած փորձ ձեզ դարձնում է հանցակից։

3. Վերապատրաստել տաքսի ծառայության անձնակազմին՝ զգայուն մոտեցման և հաղորդակցության կանոնների վերաբերյալ:

4. ՀՀ տարածքային կառավարման և ենթակառուցվածքների նախարարությանը. ստուգումներ իրականացնել «FAYTON» ընկերությունում, պարզել միջպետական փոխադրումների իրականացման օրինականությունն ու անվտանգության նորմերի համապատասխանությունը (հաշվի առնելով սահմանին մեքենաների և պետհամարանիշների կասկածելի փոփոխությունները և խախտումների դեպքում զրկել ընկերությանը լիցենզիայից։

Կանանց անվտանգությունը տրանսպորտում և հանրային վայրերում սակարկելի չէ։ Թույլ չենք տա, որ որևէ հանցագործություն անպատիժ մնա, իսկ որևէ ընկերություն՝ արհամարհի կանանց կյանքն ու առողջությունը։ Կոալիցիայի անդամ կազմակերպությունները հետևողական են լինելու ողջ գործընթացներին:

✊Կոչ ենք անում հասարակությանը չլռե՛լ նման հանցագործությունների ժամանակ։

#ԲռնությունիցԶերծՀայաստան #ԱնվտանգՏրանսպորտ #ԸնդդեմԲռնության

02/06/2026

Մարտից մայիսն ընկած ժամանակահատվածում կազմակերպեցինք ընտրական իրավունքի վերաբերյալ 10 հանդիպում Հայաստանի մարզերում:

📌 «Կանանց առաջնորդության հզորացում ընտրական գործընթացների արդարության և տեղեկատվական դիմակայության մեջ» ծրագրի նպատակն էր մարզաբնակ և մասնավորապես՝ գյուղաբնակ կանանց շրջանում բարձրացնել ժողովրդավարական արժեքների, քաղաքացիական իրավունքի և ընտրական գործընթացների վերաբերյալ իրազեկվածությունը:

Քննարկումները, որ ներգրավեցին շուրջ 200 կանանց ՀՀ տարբեր մարզերից, նաև ապահով տարածք տրամադրեցին նրանց՝ նախընտրական մտահոգությունները բարձրաձայնելու համար:

Հանդիպումները վարեց կենտրոնի իրավաբան Նարինե Գրիգորյանը:

**
Սույն ծրագիրն իրականացվում է Ժողովրդավարության Զարգացման Հիմնադրամ/Democracy Development Foundation-ի աջակցությամբ՝ որպես «Գործընկերություն հանուն ժողովրդավարության» նախաձեռնության մաս։

01/06/2026

01/06/2026

👉 Սիրելի՛ կանայք, հրավիրում ենք մասնակցելու անձնային աճի և աջակցության խմբակի։

Այս 6 հանդիպումները նախատեսված են 18 տարին լրացած կանանց համար, ովքեր ցանկանում են ավելի լավ ճանաչել ինքներն իրենց, հոգ տանել իրենց հուզական բարեկեցության մասին, ստանալ աջակցություն և աշխատել անձնային աճի ուղղությամբ։

Մասնակցությունն անվճար է։ Դիմել կարող եք հունիսի 5-ը ներառյալ (23:59):

🗓🕣 Մեկնարկը` հունիս 11, 19:00
📍 ԿՌԿ ֆեմտարածք (Բաղրամյան 47 / )

Բոլոր մանրամասների և գրանցվելու համար անցե՛ք հղումով.
https://forms.gle/u51rpoY8VijVfR8fA