«Մայր Հայաստան» խմբակցություն

25/07/2026

24.07.2026թ․-ին Երևան քաղաքի Արաբկիր վարչական շրջանի ղեկավարի նստավայրում տեղի է ունեցել «ՀԱՅԱՍՏԱՆԻ ԱՄԵՐԻԿՅԱՆ ՀԱՄԱԼՍԱՐԱՆ» կորպորացիայի կողմից ներկայացված՝ Սոսեի փ. հհ. 32-38 հասցեում «Հայաստանի ամերիկյան համալսարանի գիտությունների, ճարտարագիտության և արվեստի մասնաշենքի կառուցում» նախատեսվող գործունեության վերաբերյալ առաջին հանրային լսումը, որին ներկա են եղել «Մայր Հայաստան» խմբակցության ավագանու անդամներ Արմեն Քոչարյանը և Աննա Ավետիսյանը։

Շինությունը բաղկացած է լինելու 10 հարկերից, որից 6-ը վերգետնյա է, 3-ը՝ կիսանկուղային, և 1 հարկը ծառայելու է որպես ավտոկայանատեղի՝ 55 ավտոմեքենայի համար, այն դեպքում, երբ շինությունը նախատեսված է 1500 ուսանողի համար։ Ավագանու անդամները կառուցապատողին առաջարկել են վերանայել ավտոկայանատեղիի համար հատկացված տարածքը՝ այն ավելացնելով։

Հողատարածքի ընդհանուր մակերեսը 3953 քմ է, կառուցապատմանը՝ 3065 քմ, կանաչապատմանը՝ 530 քմ։

Շենքում տեղակայվելու են լսարաններ, լաբորատորիաներ, դահլիճներ։

21/07/2026

20/07/2026

Անդրանիկ Թևանյանի, Գագիկ Ծառուկյանի և անչափահաս երեխայի մայր Արեգնազ Մանուկյանի նկատմամբ կալանքը որպես խափանման միջոց ընտրելու որոշումը կայացրած դատավորները։

20/07/2026

«Մայր Հայաստան» կուսակցության վարչության անդամ Արեգնազ Մանուկյանի փաստաբանական թիմը բողոք է ներկայացրել վերաքննիչ քրեական դատարան՝ ընդդեմ առաջին ատյանի դատարանի կողմից կիրառված երկամսյա կալանքի որոշման:

20/07/2026

Քաղբանտարկյալների խնդրով դատարանի բակում հանրային քննարկում
———
Հայաստանում սահմանադրական կարգը տապալված է․ մարդու ազատությունները, որոնք ՀՀ Սահմանադրության հիմնարար նորմերն են, այլևս չեն գործում, և ամենօրյա ռեժիմով փաստացի իշխանության կողմից հրապարակայնորեն խախտվում են։

Ստեղծված իրավիճակում բոլոր իրավախախտումները վերաբերում են մեզ բոլորիս․ չկա մեր կամ ձեր քաղբանտարկյալ, չկա մեր կամ ձեր խախտված սեփականության իրավունք, չկա մեր կամ ձեր գողացված ընտրաձայն։ Սահմանադրական իրավունքի յուրաքանչյուր խախտում վերաբերում է մեզ բոլորիս՝ միասին վերցված և առանձին-առանձին։ Այսօր քեզ անծանոթ անձի տուն են մտնում վաղ առավոտյան, ահաբեկում ընտանիքի անդամներին, հետո ձերբակալում շինծու գործով՝ ժամանակ չտալով անգամ փաստաբան գտնելու։ Վաղը գալու են քո հետևից՝ ոտնահարելով քո սահմանադրական իրավունքները։

2026 թվականի հուլիսի 21-ին, ժամը 15:00-ին, Երևան քաղաքի առաջին ատյանի ընդհանուր իրավասության քրեական դատարանում (Ավան նստավայր, Գյուլիքևխվյան 20) տեղի կունենա Անդրանիկ Թևանյանի կալանքի երկարաձգման հարցով նիստը։

Հրավիրում ենք մասնակցելու դատարանի բակում կազմակերպվող հանրային քննարկմանը՝ նվիրված բոլոր քաղբանտարկյալներին։

20/07/2026

Անդրանիկ Թևանյանը իշխանության ապօրինի հրահանգով կալանված է արդեն 59 օր։

Անդրանիկ Թևանյանի կալանքի երկարաձգման հարցով նիստը կկայանա հուլիսի 21-ին`ժամը 15:00-ին, Երևան քաղաքի առաջին ատյանի ընդհանուր իրավասության քրեական դատարանում (Ավան նստավայր, Գյուլիքևխվյան 20)։