04/10/2026
23.05.2026-ին տեղի ունեցած «Նոր դարաշրջան բուժքույրական գործում» կոնֆերանսի շրջանակում ներկայացվեց «SBAR գործիքի կիրառում» թեմայով զեկույցը։
Լարիսա Շիրինյան – բուժքույր բակալավրի թեկնածու, «Ուիգմոր» ընտանեկան առողջության կենտրոնի ավագ բուժքույր։
Զեկույցի առանցքում SBAR համակարգն էր՝ հաղորդակցման հատուկ մոդել, որը թույլ է տալիս բուժաշխատողներին տեղեկատվությունը փոխանցել հստակ, արագ և առանց ավելորդ մանրամասների։ Գործիքի էությունը կայանում է նրանում, որ բուժքույրը, սկսելով ընթացիկ իրավիճակի հակիրճ ներկայացումից, այնուհետև փոխանցում է բուժառուի անամնեզն ու կենսական ցուցանիշները, ներկայացնում իր մասնագիտական գնահատականն ու ախտանիշները, և վերջում առաջարկում անհրաժեշտ հետագա քայլերը։ Անդրադարձ կատարվեց նրան, որ SBAR համակարգի ներդրումը չափազանց կարևոր է, քանի որ այն զգալիորեն նվազեցնում է բժշկական սխալների ռիսկը և ամրապնդում թիմային աշխատանքը նույնիսկ ամենասթրեսային իրավիճակներում։
Զեկույցի հիմնական ուղերձն այն էր, որ արդյունավետ հաղորդակցությունը բուժքույրական խնամքի և բուժառուի անվտանգության հիմքն է, որը թույլ է տալիս ապահովել բարձրորակ ու անվտանգ բուժօգնություն:
