ԻՆԻՑԻՈ` ԵՍ ՍԿՍՈՒՄ ԵՄ
«ԻՆԻՑԻՈ» բարեգործական հասարակական կազմակերպությունը զբաղվում է հաշմանդամություն ունեցող անձանց հիմնախնդիրներով, և նրանց կյանքն առավել ազատ, անկախ և արժանապատիվ դարձնելու գաղափարի շուրջը միավորվել և իրենց գիտելիքները, փորձը և տարիների վաստակը մեկտեղել են ոլորտում աշխատող բազմաթիվ մասնագետներ:
«ԻՆԻՑԻՈ»ի ծրագրերը
✅Հաշմանդամություն ունեցող, հենաշարժական և տեղաշարժման խնդիրներ ու
նեցող, զինծառայողների, տարեցների և այլ սոցիալական խմբերի անձանց, նրանց ընտանիքների անդամների կարիքների կոմպլեքս գնահատում (առողջական, հոգեբանական, սոցիալական, կրթական, մասնագիտական և միջավայրային՝ տնային, աշխատանքային, կրթական հաստատություն)
✅Շահառուների համար պրոթեզաօրթոպեդիկ և վերականգնողական պարագաների, աջակցող սարքերի և տեխնոլոգիաների կարիքի գնահատում, գնահատված կարիքների հիման վրա անհատական միջամտության և ծառայությունների պլանի կազմում, խորհրդատվություն
✅Շահառուներին գնահատված կարիքների հիման վրա ծառայությունների մատուցում՝ միջավայրային պայմանների հարմարեցում/մոդիֆիկացիա, շինարարական փոփոխություններ, հարմարեցումներ, օժանդակող վերականգնողական սարքերի տրամադրում,
✅Ինքնասպասարկման և անկախ կյանքի հմտությունների ուսուցում, մասնագիտական կողմնորոշում, մասնագիտական հմտությունների ուսուցում, վերապատրաստում, իրավախորհրդատվություն
✅Իրավունքների իրացման համար աջակցություն, հոգեբանական աջակցություն, նյութական, գույքային և բարոյական աջակցություն, կրթական սեմինարների կազմակերպում, տարբեր կազմակերպություններին (մանկատներ, ծերանոցներ, տուն֊ինտերնատներ, բժշկական, վերականգնողական, հոգեբանական և զարգացման կենտրոններ, կրթական, մշակութային, մարզական, կազմակերպություններ, ասոցիացիաներին և ֆեդերացիաներ) մասնագիտական, նյութական և գույքային աջակցության տրամադրում, բարեգործական, կրթական, մշակութային, մարզական, սոցիալական և առողջապահական գործունեության ծավալում:
Կազմակերպությունը համագործակցում է տարբեր հասարակական կազմակերպությունների, բժշկական և վերականգնողական կենտրոնների, պետական և ոչ պետական կառույցների, միջազգային կազմակերպությունների և այլոց հետ:
Կազմակերպության անդամ կարող է դառնալ 18 տարին լրացած ցանկացած ֆիզիկական անձ, ով ընդունում է Կազմակերպության կանոնադրությամբ սահմանված նպատակները և ցանկանում է մասնակցել նրա գործունեությանը:
