Հավասար Կրթական Հիմնադրամ / Havasar Educational Foundation

16/08/2026

🎙️ՔՈ ՁԱՅՆԸ՝ ՓՈՓՈԽՈՒԹՅԱՆ ՄԱՍ

«Հավասար» կրթական հիմնադրամը հրավիրում է մասնակցելու եռօրյա կարողությունների զարգացման դասընթացի երիտասարդների, ովքեր ցանկանում են, որ Հայաստանում յուրաքանչյուր մարդ ունենա հավասար հնարավորություն՝ լսելի լինելու, մասնակցելու և ազդեցություն ունենալու իր կյանքին վերաբերող որոշումների վրա։

Դասընթացը հիմնված է ՄԱԿ-ի «Հաշմանդամություն ունեցող անձանց իրավունքների մասին» կոնվենցիայի (CRPD) սկզբունքների վրա։ Միասին կծանոթանանք, թե ինչ իրավունքներ է երաշխավորում Կոնվենցիան, ինչպես կարող են երիտասարդները պաշտպանել այդ իրավունքները և ինչպես կարող են մասնակցել իրենց համայնքում, Հայաստանում և միջազգային մակարդակում որոշումների կայացման գործընթացներին։

🎯 ՈՎՔԵ՞Ր ԿԱՐՈՂ ԵՆ ԴԻՄԵԼ

18-35 տարեկան երիտասարդների, ովքեր ապրում են Հայաստանում, ունեն հաշմանդամություն, հետաքրքրված են մարդու իրավունքներով ու ցանկանում են փոփոխության կրող լինել։

🎯 Ի՞ՆՉ Է ԼԻՆԵԼՈՒ ԱՅՍ ԵՐԵՔ ՕՐԵՐԻ ԸՆԹԱՑՔՈՒՄ

Խոսելու ենք մարդու իրավունքների մասին՝ պարզ, գործնական, իրական, ոչ դասագրքային ձևով։

Միասին կփորձենք հասկանալ՝

→ ինչպես պաշտպանել իրավունքները՝ սեփականը և ուրիշներինը,
→ ինչպես կառուցել արդյունավետ երկխոսություն պետական և տեղական ինքնակառավարման մարմինների հետ,
→ ինչպես գաղափարը վերածել նախաձեռնության,
→ ինչպես խոսել այնպես, որ քեզ լսեն,
→ ինչպես համախմբել մարդկանց ընդհանուր նպատակի շուրջ,
→ և ինչպես երիտասարդների ձայնը դարձնել իրական փոփոխությունների մաս։

🌱 ԻՍԿ ՀԵՏՈ՞

Մասնակիցները հնարավորություն կունենան միանալու Հաշմանդամություն ունեցող երիտասարդների ցանցին, որը ձևավորվելու է ծրագրի շրջանակում։ Առաջիկա երկու տարիների ընթացքում ցանցի անդամները կմասնակցեն մարզային հանդիպումների, մենթորական ծրագրերի, համատեղ շահերի պաշտպանության նախաձեռնությունների և որոշումների կայացման գործընթացներին ուղղված քննարկումների։

Ծրագրի շրջանակում երկու երիտասարդ կընտրվեն և կնախապատրաստվեն մասնակցելու Հայաստանի վերաբերյալ ՄԱԿ-ի Հաշմանդամություն ունեցող անձանց իրավունքների մասին կոնվենցիայի (CRPD) իրականացման դիտարկման գործընթացին Ժնևում, որպեսզի միջազգային հարթակում ներկայացնեն Հայաստանում ապրող երիտասարդների փորձն ու ձայնը։

Ծրագիրը երկամյա նախաձեռնության առաջին փուլն է։ Դասընթացից հետո մասնակիցները հնարավորություն կունենան շարունակելու իրենց ներգրավվածությունը երիտասարդական ցանցում, մասնակցելու մարզային հանդիպումների, շահերի պաշտպանության նախաձեռնությունների և քաղաքականության ձևավորմանն ուղղված երկխոսություններին։

💡 ԻՆՉՈ՞Ւ ԴԻՄԵԼ

Որովհետև երբեմն ընդամենը երեք օրը բավական է՝

→ նոր գիտելիքներ ու գործնական հմտություններ ձեռք բերելու,
→ համախոհներ գտնելու Հայաստանի տարբեր մարզերից,
→ ավելի վստահ արտահայտվելու,
→ հասկանալու, թե ինչպես կարելի է գաղափարները վերածել գործողությունների,
→ և դառնալու մի համայնքի անդամ, որը շարունակելու է գործել նաև դասընթացից հետո։

📅 ՄԱՍՆԱԿՑՈՒԹՅԱՆ ՊԱՅՄԱՆՆԵՐ

Ամսաթիվ՝ 11-13 սեպտեմբերի, 2026 թ.

Մասնակցությունն անվճար է։

Կազմակերպիչները հոգում են կեցության, սննդի, ճանապարհածախսի և անհրաժեշտ մատչելիության պայմանների ապահովման մասին՝ յուրաքանչյուր մասնակցի անհատական կարիքները հաշվի առնելով։

📝 ԻՆՉՊԵ՞Ս ԴԻՄԵԼ

Լրացրու հայտադիմումը հետևյալ հղումով։

🔗 https://docs.google.com/forms/d/1RlHmdy7ktGVv65Jt1clAnqrRj91TqOy_B2YM-f0bmD0/edit

Խնդրում ենք հայտը լրացնել ուշադրությամբ և ժամանակ տրամադրել յուրաքանչյուր հարցի պատասխանին։ Մասնակիցների ընտրությունը կատարվելու է ոչ միայն նշված տվյալների, այլ հատկապես պատասխաններում արտահայտված մոտիվացիայի, փորձի և հետաքրքրության հիման վրա։

⏳ ԴԻՄՈՒՄՆԵՐԻ ՎԵՐՋՆԱԺԱՄԿԵՏ՝ ՍԵՊՏԵՄԲԵՐԻ 5, 2026

Հարցերի դեպքում կարող ես գրել կամ զանգահարել՝

📧 [email protected]
📞 +374 77 115432

Սկսի՛ր փոփոխության քո ճանապարհը։

━━━━━━━━━━━━

Դասընթացն իրականացվում է «Կայուն, ազդեցիկ և ներառական քաղհասարակություն» (ԿԱՆՔ) ծրագրի շրջանակում։ ԿԱՆՔ ծրագիրն իրականացվում է Եվրոպական միության աջակցությամբ՝ Ժողովրդավարության զարգացման հիմնադրամի (ԺԶՀ), «Մարդը կարիքի մեջ» հասարակական կազմակերպության և «Բուն» գիտամշակութային հիմնադրամի կողմից: Ծրագիրը նպատակ ունի ամրապնդել քաղաքացիական հասարակության դերը Հայաստանում՝ որպես դիմակայուն, անկախ և վստահելի գործոն ժողովրդավարական կառավարման, քաղաքականությունների մշակման և համայնքային հզորացման գործում։

27/06/2026

Ուրախությամբ ու մեծ ոգևորությամբ ենք սկսում #ԿԱՆՔ ծրագրում մեր ճանապարհը՝ պատրաստ նոր գաղափարների, նոր համագործակցությունների և կարևոր փոփոխությունների։

Առաջիկա երկու տարիների ընթացքում Հավասար կրթական հիմնադրամը կիրականացնի «Empowering Youth Voices: Strengthening Civic Participation of Young People with Disabilities in Armenia» ծրագիրը, որի նպատակն է խթանել հաշմանդամություն ունեցող երիտասարդների քաղաքացիական մասնակցությունը, առաջնորդության զարգացումը և ակտիվ ներգրավվածությունը հանրային կյանքում։

Շնորհակալություն People in Need Armenia-ին, Ժողովրդավարության զարգացման հիմնադրամին, «ԲՈՒՆ» գիտամշակութային հիմնադրամին և Եվրոպական միությանն՝ այս կարևոր նախաձեռնության և մեզ դրա մի մասը դարձնելու համար։

19/06/2026

Բաց է Freedom Drive 2026-ի մասնակցության հայտերի ընդունումը։

Հավասար կրթական հիմնադրամը մեկնարկում է «Empowering Youth Voices: Strengthening Civic Participation of Young People with Disabilities in Armenia» երկամյա ծրագիրը, և առաջին հնարավորությունն արդեն այստեղ է։ 💙

🌍 Մենք ընտրելու ենք Հայաստանից հաշմանդամություն ունեցող 2 երիտասարդի, ովքեր կմասնակցեն Freedom Drive 2026 միջազգային միջոցառմանը, որը կանցկացվի սեպտեմբերի 29-ից հոկտեմբերի 1-ը Բրյուսելում։
Freedom Drive-ը Եվրոպայի Անկախ կյանքի ցանցի (ENIL) ամենակարևոր նախաձեռնություններից մեկն է, որը միավորում է հաշմանդամություն ունեցող ակտիվիստներին, առաջնորդներին և կազմակերպություններին ամբողջ Եվրոպայից՝ միասին պաշտպանելու անկախ կյանքի և հավասար իրավունքների գաղափարը։

✅ Ծրագիրը ամբողջությամբ հոգում է՝ ✈️ ճանապարհածախսը, 🏨 կեցությունը, 🛂 վիզայի աջակցությունն ու ֆինանսավորումը, ♿ հասանելիության և խելամիտ հարմարեցումների ապահովումը։
Եթե դու 18–35 տարեկան հաշմանդամություն ունեցող երիտասարդ ես, բնակվում ես Հայաստանում և հետաքրքրված ես իրավունքների պաշտպանությամբ ու քաղաքացիական ակտիվությամբ, սա քո հնարավորությունն է։

Ծրագրի բոլոր մանրամասները կգտնես այստեղ՝
https://drive.google.com/file/d/1hsxwZrMhm3NUXiGfxlBuGKbaalSXB1hn/view?usp=sharing

Հայտադիմումը կարող ես լրացնել այստեղ՝
https://drive.google.com/file/d/1hsxwZrMhm3NUXiGfxlBuGKbaalSXB1hn/view?usp=sharing

📅 Դիմումների վերջնաժամկետը՝ 22 հունիսի, 2026 թ.
Սպասում ենք հենց քո հայտին։ 💙

21/05/2026

Այսօր աշխարհում նշվում է Մատչելիության իրազեկման համաշխարհային օրը։

Այն նշանավորում է մասնավորապես թվային մատչելիության կարևորությունը և հիշեցնում՝ տեխնոլոգիաները պետք է մատչելի լինեն բոլոր մարդկանց համար։

Երբ կայքերը, հավելվածները կամ թվային ծառայությունները հասանելի չեն, միլիոնավոր մարդիկ զրկվում են տեղեկատվությունից, կրթությունից, աշխատանքից և լիարժեք մասնակցությունից։

Թվային մատչելիությունը նորարարության, հավասարության և հարգանքի մասին է․ այն պետք է ձևավորվի բոլորի մասնակցությամբ՝ առանց բացառությունների։
_________

Today the world marks Global Accessibility Awareness Day.

It highlights the importance of digital accessibility and reminds us that technology must be accessible to everyone.

When websites, apps, or digital services are inaccessible, millions of people are excluded from information, education, employment, and full participation in society.

Digital accessibility is about innovation, equality, and respect, and it should be shaped with everyone’s participation, without exceptions.

11/05/2026

Հոգեկան առողջության մասին խոսելը պետք է լինի նույնքան բնական, որքան ֆիզիկական առողջության մասին խոսելը։

Չպետք է վախենալ օգնություն խնդրել կամ կիսել սեփական փորձը։

Աջակցող և չդատող միջավայր ստեղծելը բոլորիս պատասխանատվությունն է։

✨✨

Talking about mental health should be as natural as talking about physical health.

No one should feel afraid to ask for support or share their experience.

Creating a safe and non-judgmental environment is a shared responsibility.

💙

24/04/2026

21/04/2026

Ապրիլը՝ Սթրեսի իրազեկման ամիսն է․ ամենամյա նախաձեռնություն, որը 1992 թվականից միավորում է ջանքերը՝ բարձրացնելու սթրեսի պատճառների, ազդեցության և հաղթահարման վերաբերյալ հանրային իրազեկվածությունը։

Սթրեսի իրազեկման ամիսը յուրաքանչյուր տարի ներկայացվում է տարբեր թեմայով՝ արտացոլելով հասարակության առջև ծառացած մարտահրավերները 💬

2026 թվականի Սթրեսի իրազեկման ամսվա թեման է՝ #ԵղիրՓոփոխությունը

———————

April is Stress Awareness Month—an annual initiative that has brought efforts together since 1992 to raise public awareness of the causes, effects, and management of stress.

Stress Awareness Month has featured a different theme each year, reflecting the evolving challenges of society 💬

For Stress Awareness Month 2026, the theme is

26/03/2026

Այսօր Մանուշակագույն օր է 💜 Today is Purple Day

Էպիլեպսիան չի բնորոշում անձին։ Իսկ վախը և թյուրընկալումը՝ բնորոշում են։
Եղի՛ր իրազեկված։ Գործի՛ր հոգածությամբ։

Epilepsy doesn’t define a person. Fear and misunderstanding do. Speak with awareness. Act with care.

#ՄանուշակագույնՕր

24/03/2026

Հավասարությունը սկսվում է այնտեղ, ուր ավարտվում է բացառումը։
Equality begins where exclusion ends.

08/03/2026

Այսօր՝ Կանանց միջազգային օրը, տոնում ենք հավասար իրավունքները, արդարությունը և գործողությունը՝ ԲՈԼՈՐ կանանց և աղջիկների համար։

Մենք շարունակում ենք բարձրաձայնել հավասար հնարավորությունների, ներառման և խտրականության բացառման կարևորությունը՝ հատկապես այն կանանց ու աղջիկների համար, որոնք հաճախ դուրս են մնում հասարակական գործընթացներից։

Կանանց միջազգային օրը ոչ միայն տոն է, այլ նաև պայքարի, համերաշխության և փոփոխություն ստեղծելու օր:

ENG:

Today, on International Women’s Day, we celebrate equal rights, justice, and action for ALL women and girls.

We continue to raise our voices for equal opportunities, inclusion, and the elimination of discrimination, especially for women and girls who are too often left out of social, economic, and decision-making processes.

International Women’s Day is not only a celebration.
It is also a day of solidarity, advocacy, and collective action for change.