01/09/2026
Հարգելի՛ ուսանողներ, դասախոսներ և գործընկերներ,
«ՀԵՆՔ» Համազգային Բարեգործական Հիմնադրամի անունից՝ սրտանց շնորհավորում եմ Ձեզ Գիտելիքի և դպրության տոնի՝ Սեպտեմբերի 1-ի կապակցությամբ։📝📚
Այս խորհրդանշական օրը խոսք եմ ուղղում Ձեզ՝ սիրելի՛ ուսանողներ, ովքեր այսօր կանգնած են գիտելիքի ու մասնագիտական կայացման ուղու առջև։ Ձեր յուրաքանչյուր քայլն այս ճանապարհին մի ներդրում է ոչ միայն սեփական ապագայի, այլև մեր հանրության և հայրենիքի զարգացման գործում🇦🇲
«ՀԵՆՔ» Հիմնադրամը կարևորում է երիտասարդության կրթական ու մասնագիտական աճը՝ որպես ազգային կայունության և առաջընթացի հիմնարար նախապայման։ Հավատում ենք, որ Ձեր տքնաջան աշխատանքը, հետաքրքրասիրությունն ու պատասխանատվության զգացումը կդառնան այն հենքը, որի վրա կկառուցվի մեր ընդհանուր ապագան։
Մաղթում ենք Ձեզ քաջառողջություն, անսասան կամք և նվաճումներով լի ուսումնական տարի։ Դասախոսական և մանկավարժական կազմին հայտնում ենք մեր խորին երախտագիտությունը՝ երիտասարդ սերնդի կրթության ու դաստիարակության գործում կատարած անգնահատելի ավանդի համար։
Հարգանքով՝
«ՀԵՆՔ» Համազգային Բարեգործական Հիմնադրամի տնօրեն ' Լիլիթ ՍահակյաՆ
