Վայոց ձորի մարզային երիտասարդական կենտրոն Vayots Dzor regional youth center

14/04/2025

«Միասին կարող ենք ավելին» ծրագրի շրջանակներում Վայոց Ձորի մարզային երիտասարդական կենտրոնը Արենի համայնքի մանկական զարգացման կենտրոնին տրամադրվել է 22 կվ հզորությամբ արևային ֆոտովոլտային կայան: Արևային կայանի շնորհիվ կնվազի էլեկտրաէներերգիայի ծախսը, իսկ խնայված գումարը կուղղվի կենտրոնի շահառուների առաջնային կարիքների լուծմանը:
Ծրագիրն իրականացվում է «ԵՄ-ն հանուն երկխոսության. աջակցություն Հարավային Կովկասում և Մոլդովայի Հանրապետությունում հակամարտությունների փոխակերպմանը (Բաղադրիչ 2)» ծրագրի շրջանակներում։ ծրագիրը ֆինանսավորվում է Եվրոպական միության և Հայաստանում ՄԱԿ-ի Զարգացման ծրագրի կողմից։

09/03/2025

«Միասին կարող ենք ավելին» ծրագրի շրջանակներում 2024թ.-ի նոյեմբերի 8-ից մինչև 2025թ.-ի հունվարի 24-ն Արենի համայնքում բնակություն հաստատած 20 արցախցիների համար «Վայոց Ձորի մարզային երիտասարդական կենտրոն» ՀԿ-ի կողմից իրականացվեցին վարսահարդարման և մատնահարդարման անվճար դասընթացներ։ Այս նախաձեռնությունը ոչ միայն նրանց տվեց արժեքավոր հմտություններ, այլև նոր հնարավորություն՝ սեփական եկամուտը ստանալու համար։
Դասընթացի ավարտին բոլոր մասնակիցները ստացան վարսահարդարման և մատնահարդարման պրոֆեսիոնալ գործիքների ամբողջական փաթեթ, որը կօգնի նրանց սկսելու իրենց սեփական բիզնեսը՝ առանց զգալի ներդրում կատարելու։ Դասընթացների ավարտին մասնակիցները ստացան նաև մասնակցության հավաստագրեր: Այս ծրագիրը նրանց հնարավորություն է տալիս անկախ դառնալ և ստեղծել կայուն ապագա:
Ծրագրի շրջանակներում դեկտեմբերին 17-ին Արենի համայնքի 30 երիտասարդների համար անցկացվեց հատուկ սեմինար-հանդիպում՝ խաղաղաշինության թեմայով, որը վարում էր տեղական փորձագետը: Այս հանդիպումը երիտասարդներին հնարավորություն տվեց քննարկելու խաղաղության կառուցման ուղիները, փոխանակելու գաղափարներ և ոգեշնչվելու նորարարական մոտեցումներից։
Վարսահարդարման և մատնահարդարման անվճար դասընթացները պարզապես դասընթաց չէին, այլ նոր հնարավորությունների սկիզբ։ Երբ մարդն ունի գիտելիք, գործիքներ և հնարավորություն, նա կարող է վերագտնել իր ուժերը և հնարավորությունները և քայլել դեպի ավելի լավ ապագա։
Ծրագիրն իրականացվում է «ԵՄ-ն հանուն երկխոսության. աջակցություն Հարավային Կովկասում և Մոլդովայի Հանրապետությունում հակամարտությունների փոխակերպմանը (Բաղադրիչ 2)» ծրագրի շրջանակներում։ ծրագիրը ֆինանսավորվում է Եվրոպական միության և Հայաստանում ՄԱԿ-ի Զարգացման ծրագրի կողմից։

👏 Շնորհակալություն բոլոր նրանց, ովքեր դարձան այս նախաձեռնության մաս և աջակցեցին մասնակիցներին իրենց նոր ճանապարհին։

30/01/2025

Ավարտվեցին ծրագրի շրջանակներում իրականացված վարսահարդարման և մատնահարդարման դասընթացները: Դասընթացներին մասնակցում էին Արենի բնակավայրում բնակություն հաստատած մեր 20 հայրենակիցները՝ արցախցիները: Դասընթացների ավարտին բորոր մասնակիցները ստացան վարսահարդարման և մատնահարդարման պրոֆեսիոնալ պարագաներ: Ձեռք բերված գիտելիքներով և պարագաներով մասնակիցները կկարողանան լուծել իրենց զբաղվածության խնդիրը և բարելավել սոցիալական վիճակը:
Ծրագիրն իրականացվում է «ԵՄ-ն հանուն երկխոսության. աջակցություն Հարավային Կովկասում և Մոլդովայի Հանրապետությունում հակամարտությունների փոխակերպմանը (Բաղադրիչ 2)» ծրագրի շրջանակներում։ ծրագիրը ֆինանսավորվում է Եվրոպական միության և Հայաստանում ՄԱԿ-ի Զարգացման ծրագրի կողմից։

23/11/2024

«Վայոց Ձորի մարզի երիտասարդական կենտրոն» ՀԿ-ն «ԵՄ-ն հանուն երկխոսության. աջակցություն Հարավային Կովկասում և Մոլդովայի Հանրապետությունում հակամարտությունների փոխակերպմանը (Բաղադրիչ 2)» ծրագրի շրջանակներում իրականում է երկրորդ ծրագիրը։ ծրագիրը ֆինանսավորվում է Եվրոպական միության և Հայաստանում ՄԱԿ-ի Զարգացման ծրագրի կողմից։
Ծրագրի շրջանակներում Արենիում բակություն հաստատած 20 արցախցիների համար իրականացվում են վարսահարդարման և մատնահարդարման անվճար դասընթացներ։ Ծրագրի ավարտին բոլոր մասնակիցները կստանան պարագաների ամբողջական փաթեթ։

11/11/2024

Հ1֊ի անդրադարձը Արենի համայնքում տեղադրված արևային էներգիայով աշխատող փողոցային լույսերի վերաբերյալ։

15/10/2024

15/10/2024

Հոկտեմբերի 8-ին տեղի ունեցավ «Պարգևիր արև» ծրագրի շրջանակներում տեղադրված արևային էներգիայով աշխատող փողոցային լույսերի պաշտոնական բացման արարողությունը: «Պարգևիր արև» ծրագիրն իրականացվում է «Վայոց ձորի մարզի երիտասարդական կենտրոն» ՀԿ-ի կողմից՝ Արենիի համայնքապետարանի հետ գործընկերությամբ: Ծրագիրը ֆինանսավորվում է Եվրոպական միության և Հայաստանում ՄԱԿ-ի Զարգացման ծրագրի կողմից, որն իրականացվում է «ԵՄ-ն հանուն երկխոսության ծրագրի Բաղադրիչ 2-ի շրջանակներում:
Ծրագրի շրջանակներում Արենի համայնքի Արենի բնակավայրում և հյուսիս-հարավ մայրուղու 1,5 կմ հատվածում տեղադրվել են հենասյուներ և արևային էներգիայով աշխատող 78 լեդ լույսեր: Արենի բնակավայրը մեր մարզում դարձել է առաջամարտիկը՝ ապահովելով բնակավայրում կանաչ էներգիայի հասանելիությունը:
Բացման խոսքով հանդես եկան «Վայոց ձորի մարզի երիտասարդական կենտրոն» ՀԿ-ի նախագահ Հասմիկ Մարգարյանը, Արենի համայնքի ղեկավար Հուսիկ Սահակյանը, Հայաստանում ՄԱԿ-ի զարգացման ծրագրի Սոցիալ-տնտեսական զարգացման ծրագրերի պատասխանատու Աննա Գյուրջյանը և «ԵՄ-ն հանուն երկխոսության. աջակցություն Հարավային Կովկասում և Մոլդովայի Հանրապետությունում հակամարտությունների փոխակերպմանը (Բաղադրիչ 2)» ծրագրի համակարգող Կարեն Հարությունյանը:
ՀԿ-ի կամավորները իրենց գեղեցիկ երաժշտական կատարումներով ավելի մտերմիկ ու ջերմ դարձրեցին պաշտոնական բացման արարողությունը:
Ծրագրի շնորհիվ ոչ միայն կրճատվում են համայնքի էլեկտրաէներգիայի ծախսերը, այլև նախաձեռնությունը ծառայում է որպես օրինակ մյուս համայնքների համար, թե ինչպես կարելի է զարգանալ՝ օգտագործելով բնության ռեսուրսները, և այս քայլը կարևոր քայլ է Արենի համայնքը էկո համայնք դարձնելու ճանապարհին։

22/07/2024

Արենի բնակավայրն արդեն ունի արևային էներգիայով աշխատող փողոցայիմ լուսավորություն։ «Վայոց Ձորի մարզի երիտասարդական կենտրոն» ՀԿ-ի կողմից
իրականացվող «Պարգևիր արև» ծրագրի շրջանակներում արդեն տեղադրվել են 78 արևային փողոցային լույսեր։
Մեր կազմակերպության գործընկերն է Արենիի համայնքապետարանը։ Շնորհակալություն ենք հայտնում համայնքապետարանին, հանձինս Հուսիկ Սահակյանի, ծրագրում ներդրում անելու և աջակցության համար։

Ծրագիրն իրականացվում է
«ԵՄ-ն հանուն երկխոսության. աջակցություն Հարավային Կովկասում և Մոլդովայի Հանրապետությունում հակամարտությունների փոխակերպմանը (Բաղադրիչ 2)» ծրագրի շրջանակներում: Ծրագիրը ֆինանսավորվում է Եվրոպական միության և Հայաստանում ՄԱԿ-ի Զարգացման ծրագրի կողմից։
Շնորհակալություն մեզ վստահելու և Արենի բնակավայրին արև պարգևելու համար։))))

16/07/2024

«Վայոց Ձորի մարզի երիտասարդական կենտրոն» ՀԿ-ի կողմից
իրականացվող «Պարգևիր արև» ծրագրի մյուս բաղադրիչն է արևային էներգիայով աշխատող 78 փողոցային լույսերի տեղադրումը Արենի բնակավայրում և հյուսիս֊հարավ մայրուղու Չիվա-Արենի հատվածում։ Հենասյուները տեղադրելուց հետո սկսվել են լույսերի տեղադրման աշխատանքները։ Շուտով Արենի բնակավայրի մեկ ամբողջ թաղամաս և մայրուղու 1,5 կմ հատվածը կլուսավորվի և կլուսավորվի ամբողջովին անվճար` արևայի էներգիայի հաշվին։
Ծրագիրն իրականացվում է
«ԵՄ-ն հանուն երկխոսության. աջակցություն Հարավային Կովկասում և Մոլդովայի Հանրապետությունում հակամարտությունների փոխակերպմանը (Բաղադրիչ 2)» ծրագրի շրջանակներում: Ծրագիրը ֆինանսավորվում է Եվրոպական միության և Հայաստանում ՄԱԿ-ի Զարգացման ծրագրի կողմից։