19/08/2026
🎉 Ուշադրությու՛ն սիրելի երիտասարդներ։
Մեծ ուրախությամբ տեղեկացնում ենք, որ «Վայքի Երիտասարդական Ակումբ» ՀԿ-ն մեկնարկում է իր «Երիտասարդները հանուն Վայք համայնքի» նոր ծրագիրը, և մեզ բոլորիս առաջիկայում սպասվում է հետաքրքիր աշխատանքներ։ 🚀
Այս ծրագրով մենք նպատակ ունենք՝
🌱 զարգացնել մեր կազմակերպության կարողությունները, որպեսզի կարողանանք էլ ավելի արդյունավետ աշխատել և ավելի մեծ ազդեցություն ունենալ մեր համայնքներում,
🤝 ձևավորել ակտիվ երիտասարդական խմբեր գյուղական համայնքներում,
💡 աջակցել երիտասարդներին, որպեսզի իրենց գաղափարները վերածեն իրական նախաձեռնությունների և կյանքի կոչեն իրենց համայնքներում։
Մենք հավատում ենք, որ յուրաքանչյուր համայնքում երիտասարդները պատրաստ են նախաձեռնել փոփոխություններ։ Երբ նրանք ստանում են ճիշտ աջակցություն, գիտելիք և համագործակցության հնարավորություն, նույնիսկ փոքր գաղափարները կարող են մեծ ազդեցություն ունենալ։
Առաջիկայում կպատմենք ծրագրի ընթացքի, հանդիպումների, ձեռքբերումների և նոր հնարավորությունների մասին։
💙 Շնորհակալ ենք, որ մեր ճանապարհի մի մասն եք։ Հետևե՛ք մեր էջին և բաց մի՛ թողեք ծրագրի նորությունները։
Ծրագիրն իրականացվում է Եվրոպական միության կողմից ֆինանսավորվող և Ժողովրդավարության զարգացման հիմնադրամի, «Մարդը կարիքի մեջ» հասարակական կազմակերպության և «Բուն» գիտամշակութային հիմնադրամի կողմից իրականացվող «Կայուն, ազդեցիկ և ներառական քաղհասարակություն» (ԿԱՆՔ) ծրագրի շրջանակներում։
