06/08/2026
📚 Սիրելի՛ ընթերցողներ,
մեր գրադարանի հարուստ հավաքածուն բոլորինս է, և դրա պահպանումը կախված է մեզանից յուրաքանչյուրից։ Որպեսզի մեր հավաքածուն հասանելի, մաքուր և լավ վիճակում լինի բոլորի համար, խնդրում ենք հետևել գրադարանից օգտվելու մի քանի պարզ կանոնների․
⏱️ Վերադարձի ժամկետները
Գիրքն ընթերցելու համար հատկացվում է 10 օր: Խնդրում ենք վերադարձնել այն ճիշտ ժամանակին, որպեսզի մյուս ընթերցողները նույնպես հնարավորություն ունենան ընթերցելու:
📖 Խնամք և հիգիենա
Գրքերը սիրում են ուշադրություն և խնամք: Խնդրում ենք չծալել էջերը, չնշագրել դրանք, թերթելիս մատները չթրջել և գիրքը բռնել միայն մաքուր ձեռքերով՝ պահպանելով դրա արտաքին տեսքը:
🍕 Գիրքը և ուտելիքը
Ընթերցանության ընթացքում խնդրում ենք գիրքը չպահել ուտելիքի կամ ըմպելիքների կողքին: Անզգույշ հետքերը կամ թափված հեղուկը կարող են անվերադարձ վնասել էջերը:
👥 Գրքի փոխանցումը այլ անձի
Վերցրած գիրքը խնդրում ենք չփոխանցել ընկերներին կամ ծանոթներին առանց գրադարանում գրանցելու: Հիշե'ք, որ գրքի պահպանման և վերադարձի համար պատասխանատվությունը կրում է այն գրանցած ընթերցողը:
⚠️ Վնասված կամ կորած գիրք
Գիրքը պատահաբար վնասելու կամ կորցնելու դեպքում ընթերցողը պարտավորվում է այն փոխարինել նույն (կամ գրադարանի հետ համաձայնեցված նոր) գրքով:
Սիրով սպասում ենք ձեզ մեր գրադարանում: Միասին պահպանենք գրքերի կախարդական աշխարհը: ✨📖
