CCD Territorial Cooperation NGO

22/09/2026

English text below ⬇️

✅Սեպտեմբերի 11–12-ը «Քմյունիթի սենթր ֆոր դիվելոփմենթ» տարածաշրջանային համագործակցության հասարակական կազմակերպության նախագահ Հասմիկ Ազիբեկյանը Քիշնևում մասնակցել է Արևելյան գործընկերության քաղաքացիական հասարակության ֆորումի ծրագրի մասնակիցների ցանցային հանդիպմանը։

☑️ Երկօրյա միջոցառումը համախմբել է Արևելյան գործընկերության տարբեր երկրների և տարբեր տարիների ծրագրի մասնակիցների։ Հանդիպման ընթացքում մասնակիցները ներկայացրել են իրենց կազմակերպությունների աշխատանքը, կիսվել փորձով, քննարկել իրենց համայնքների խնդիրներն ու ձեռքբերումները և բացահայտել հետագա համագործակցության հնարավորություններ։

☑️ Միջոցառման կարևոր արդյունքներից մեկը Մոլդովայի, Վրաստանի և Ուկրաինայի գործընկերների հետ ձևավորված նոր կապերն են։ Արդեն կան ընդհանուր հետաքրքրություններ և համագործակցության գաղափարներ, որոնց շուրջ քննարկումները շարունակվում են՝ համատեղ փոքր նախաձեռնություն մշակելու նպատակով։

☑️ Նման հանդիպումները ցույց են տալիս, որ տարբեր երկրներում գործող քաղաքացիական հասարակության կազմակերպությունները հաճախ բախվում են նմանատիպ խնդիրների։ Փորձի, գիտելիքի և գաղափարների միավորումը կարող է նոր լուծումների և երկարաժամկետ համագործակցության հիմք դառնալ։

☑️ Հատուկ շնորհակալություն ենք հայտնում Կովկասի ծրագրերի համակարգող Նենսի Մկրտչյանին, կարողությունների զարգացման փորձագետ Սայմոն Ֆորեսթերին, ԵՄ կողմից ֆինանսավորվող «Արևելյան գործընկերության քաղաքացիական հասարակության աջակցման ծրագրի» թիմի ղեկավար Օլգա Քենելիին և կազմակերպչական ամբողջ թիմին՝ միջոցառման արդյունավետ կազմակերպման, ջերմ ընդունելության և յուրաքանչյուր մասնակցի նկատմամբ ցուցաբերած հոգատար վերաբերմունքի համար։

☑️Քիշնևյան հանդիպումից վերադարձել ենք նոր գաղափարներով, արժեքավոր կապերով և ապագա համագործակցությունները զարգացնելու մեծ պատրաստակամությամբ։

*******************************

✅On 11–12 September, Hasmik Azibekyan, President of the Community Center for Development Territorial Cooperation NGO, participated in the Eastern Partnership Civil Society Forum Fellows Networking Event in Chisinau.

☑️The two-day event brought together Fellows from different Eastern Partnership countries and program years. Participants presented the work of their organizations, shared their experience, discussed the challenges and achievements of their communities, and explored opportunities for future cooperation.

☑️One of the most valuable outcomes of the event was the new connections established with partners from Moldova, Georgia and Ukraine. We have already identified common interests and ideas and will continue our discussions with the aim of developing a small joint initiative.

☑️Events like this show that civil society organizations working in different countries often face similar challenges. By bringing together our experience, knowledge and ideas, we can find new solutions and build long-term partnerships.

☑️We would like to express our special thanks to Nensi Mkrtchyan, Caucasus Program Coordinator; Simon Forrester, Capacity Building Expert; Olga Kennelly, Team Leader of the EU-funded Eastern Partnership Civil Society Facility project; and the entire organizing team for the excellent organization of the event, the warm welcome, and the care and attention shown to every participant.

☑️We returned from Chisinau with new ideas, valuable connections and strong motivation to develop future cooperation.

09/09/2026

✅«Արժանապատիվ ծերություն»․ համայնքահեն սոցիալական խնամքի ծառայություն Նոյեմբերյան համայնքում

📣 «Քմյունիթի սենթր ֆոր դիվելոփմենթ» տարածաշրջանային համագործակցության (CCD) ՀԿ-ն իրականացնում է «Արժանապատիվ ծերություն․ համայնքահեն բազմաֆունկցիոնալ սոցիալական խնամքի շարժական ծառայության փորձարկում Նոյեմբերյան համայնքում» ծրագիրը։

📌Ծրագրի նպատակն է Նոյեմբերյան խոշորացված համայնքում ներդնել և փորձարկել համայնքահեն շարժական սոցիալական խնամքի ծառայություն՝ միայնակ և խնամքի կարիք ունեցող տարեցների համար։

✔️Նախաձեռնությունն ուղղված է տարեցների կյանքի որակի բարելավմանը՝ նրանց բնակության վայրում հասանելի սոցիալական աջակցություն տրամադրելու, սոցիալական ներառումը խթանելու, կարիքների վաղ բացահայտման և անհրաժեշտ պետական ու համայնքային ծառայությունների հետ կապի ապահովման միջոցով։

✔️Համայնքահեն մոտեցման հիմքում այն գաղափարն է, որ անհրաժեշտ ծառայությունն ու աջակցությունը հասանելի են դառնում մարդուն՝ հենց նրա բնակության վայրում։ Այս մոտեցումը հատկապես կարևոր է սահմանափակ շարժունակություն ունեցող, սոցիալական մեկուսացման վտանգի տակ գտնվող կամ գործող ծառայություններից օգտվելու դժվարություններ ունեցող տարեցների համար։

✔️Ծրագրի անմիջական շահառուները Նոյեմբերյան խոշորացված համայնքում բնակվող տարեց անձինք են, որոնք ունեն 60 և բարձր տարիք, ապրում են միայնակ կամ ունեն սահմանափակ ընտանեկան աջակցություն, ունեն առողջական, ֆունկցիոնալ կամ հենաշարժողական խնդիրներ, ունեն խնամքի կամ պարբերական սոցիալական աջակցության կարիք, ապրում են սոցիալական մեկուսացման կամ անտեսվածության պայմաններում, դժվարանում են օգտվել գործող պետական կամ համայնքային ծառայություններից։

✔️Շահառուների ընտրությունն իրականացվել է նախնական և խորացված գնահատման հիման վրա՝ Նոյեմբերյանի համայնքապետարանի սոցիալական բաժնի և Միասնական սոցիալական ծառայության Նոյեմբերյանի տարածքային կենտրոնի հետ համատեղ՝ առաջնահերթություն տալով առավել խոցելի իրավիճակում գտնվող և սոցիալական աջակցության ու խնամքի առավել մեծ կարիք ունեցող անձանց։

✔️Ծրագրի միջոցով նախատեսվում է փորձարկել համայնքի կարիքներին համապատասխանող սոցիալական խնամքի մեխանիզմ, որը հնարավորություն կտա առավել արդյունավետ արձագանքել տարեցների կարիքներին և նպաստել նրանց սոցիալական բարեկեցությանն ու համայնքային կյանքում ներգրավվածությանը։

📌Ծրագիրն իրականացվում է ՐԱՅԶ Հայաստան ծրագրի շրջանակում, որն իրականացվում է Եվրոպական միության ֆինանսավորմամբ՝ Վորլդ Վիժն Հայաստանի, Հայաստանի սոցիալական աշխատողների ասոցիացիայի և «Մարդը կարիքի մեջ» կազմակերպության համատեղ ջանքերով։

European Union in Armenia
People in Need Armenia
World Vision Armenia - Վորլդ Վիժն Հայաստան
Հայաստանի սոցիալական աշխատողների ասոցիացիա / AASW

01/09/2026

English text below👇

📌Քննարկումից՝ գործնական քայլերի. Նոյեմբերյանում մեկնարկում է թափառող շների խնդրի համակարգված լուծման գործընթացը

✅Նոյեմբերյան խոշորացված համայնքում 🐶 թափառող շների խնդիրը տարիներ շարունակ մտահոգում է բնակիչներին։ Այն առնչվում է ոչ միայն հանրային տարածքների անվտանգությանը, այլև մարդկանց, հատկապես՝ երեխաների առողջությանն ու պաշտպանությանը։

✅Վերջին շրջանում գրանցված տվյալների համաձայն՝ թափառող շների կողմից մարդկանց վնասելու դեպքերն աճել են շուրջ 60 տոկոսով։ Առանձնապես մտահոգիչ է այն, որ տուժողների թվում կան նաև անչափահաս երեխաներ։ Այս իրավիճակը պահանջում է ոչ թե ժամանակավոր կամ հատվածական միջամտություն, այլ համակարգված, մասնագիտական և կենդանիների նկատմամբ մարդասիրական լուծում։

🔷Եվրոպական միության կողմից ֆինանսավորվող «2026 թվականի Արևելյան գործընկերության քաղաքացիական հասարակության կրթաթոշակային ծրագրի» (2026 EaP Civil Society Fellowship) շրջանակում իրականացվող «Փաստերից դեպի գործողություն․ քաղաքացիների և տեղական իշխանության միջև երկխոսության ամրապնդումը Նոյեմբերյանում» նախաձեռնության ընթացքում մի քանի ամիս շարունակ Նոյեմբերյանի համայնքապետարանի, բնակիչների և համայնքի ակտիվ խմբերի մասնակցությամբ քննարկվել և գնահատվել են առաջնային լուծում պահանջող համայնքային խնդիրները։

✅Հավաքագրված կարծիքների, հանդիպումների և համատեղ քննարկումների արդյունքում թափառող շների խնդիրը ճանաչվել է որպես անհետաձգելի միջամտություն պահանջող առաջնահերթություն։ Կարևոր է, որ քննարկումները չեն մնացել միայն խնդիրների բարձրաձայնման մակարդակում. քաղաքացիների ներկայացրած մտահոգությունները վերածվել են հստակ գործողությունների։

Նոյեմբերյանի համայնքապետարանը, ՀՀ օրենսդրությամբ սահմանված մրցութային ընթացակարգով, մասնագիտացված ծառայություն է ներգրավում, որը Նոյեմբերյան խոշորացված համայնքում իրականացնում է՝
🔹 կենդանիների անվտանգ և անվնաս հավաքում,
🔹 տեղափոխում մասնագիտացված կենտրոն,
🔹 մասնագիտական պայմաններում ստերջացում։

✅Ստերջացումը թափառող կենդանիների թվաքանակի վերահսկման միջազգայնորեն ընդունված միջոցներից է։ Այն հնարավորություն է տալիս կանխել անվերահսկելի բազմացումը և աստիճանաբար նվազեցնել մարդկանց ու կենդանիների համար վտանգավոր իրավիճակների առաջացումը։

✅Սակայն սա գործընթացի ավարտը չէ։ Համայնքի հետագա կարևոր ուղղություններից է Նոյեմբերյանում շների համար համապատասխան կացարանի ստեղծումը։ Այդ նպատակով շարունակվում են հնարավորությունների գնահատումը, անհրաժեշտ ռեսուրսների որոնումը և համապատասխան գործողությունների մշակումը։

✅Այս գործընթացը ցույց է տալիս, որ քաղաքացիների մասնակցությունը կարող է բերել իրական փոփոխության։ Երբ բնակիչները բարձրաձայնում են խնդիրները, համայնքային կառույցները լսում են, իսկ որոշումները հիմնվում են հավաքագրված փաստերի և համատեղ քննարկումների վրա, երկխոսությունը վերածվում է տեսանելի գործողության։
Սա քայլ է դեպի ավելի անվտանգ, պատասխանատու և կենդանիների նկատմամբ հոգատար համայնք։

✔️Ծրագիրը ֆինանսավորվում է Եվրոպական միության կողմից՝ «Արևելյան գործընկերության քաղաքացիական հասարակության կրթաթոշակային ծրագրի» շրջանակներում, և իրականացվում «Քմյունիթի սենթր ֆոր դիվելոփմենթ» տարածաշրջանային համագործակցության հասարակական կազմակերպության կողմից։

✔️Սույն հրապարակման բովանդակության համար պատասխանատվություն է կրում «Քմյունիթի սենթր ֆոր դիվելոփմենթ» տարածաշրջանային համագործակցության հասարակական կազմակերպությունը, և այն պարտադիր չէ, որ արտահայտի Եվրոպական միության տեսակետները։

📌From Dialogue to Action: Noyemberyan Takes Systematic Steps to Address the Stray Dog Challenge

✅The growing number of 🐶stray dogs has long been a serious concern for residents of the consolidated Noyemberyan Community. The issue affects not only safety in public spaces but also the health and protection of residents, particularly children.

✅According to recently recorded data, incidents involving injuries caused by stray dogs have increased by approximately 60 percent. It is especially concerning that minors are among those affected. This situation requires more than temporary or fragmented interventions. It calls for a systematic, professional and humane response.

🔷Over the past several months, within the initiative “Evidence to Action: Strengthening Citizen–Local Authority Dialogue in Noyemberyan,” implemented under the EU-funded 2026 EaP Civil Society Fellowships Program, representatives of Noyemberyan Municipality, local residents and active community groups have jointly discussed and assessed the community issues requiring the most urgent attention.

✅Based on the evidence collected and the results of community meetings and consultations, the stray dog issue was identified as a priority requiring immediate action. Importantly, the process has moved beyond simply raising concerns: residents’ voices are now being translated into concrete measures.

In accordance with the procurement procedures established by Armenian legislation, Noyemberyan Municipality is engaging a specialized service to carry out the following activities across the consolidated community:
🔹 safe and humane collection of stray dogs
🔹 transportation of the animals to a specialized center
🔹 sterilization under professional conditions

✅Sterilization is an internationally recognized humane method of controlling stray animals. It helps prevent uncontrolled reproduction and gradually reduces situations that may endanger both residents and animals.

✅This intervention is not the end of the process. The longer-term direction is to work towards establishing an appropriate dog shelter in Noyemberyan. Further assessments, resource mobilization efforts and planning activities are continuing to advance this objective.
This process demonstrates that citizen participation can lead to tangible change. When residents raise concerns, local authorities listen, and decisions are based on evidence and joint discussion, dialogue becomes visible action.

✔️This is an important step towards a safer and more responsible Noyemberyan where animals are treated humanely.

✔️This initiative is implemented by the “Community Center for Development” territorial cooperation NGO within the 2026 EaP Civil Society Fellowships Programme, funded by the European Union.
The content of this publication is the sole responsibility of the “Community Center for Development” territorial cooperation NGO and does not necessarily reflect the views of the European Union.

Eastern Partnership Civil Society Facility

10/08/2026

English text below👇

✅«Փաստերից դեպի գործողություն․ քաղաքացիների և տեղական ինքնակառավարման մարմինների միջև երկխոսության ամրապնդումը Նոյեմբերյանում» ծրագրի շրջանակում իրականացվել են տվյալների հավաքագրման աշխատանքները Նոյեմբերյան խոշորացված համայնքի ընտրված 6 բնակավայրերում։

✔️Գործընթացը համատեղել է կարճ հարցումը և ֆոկուս խմբային քննարկումները՝ նպատակ ունենալով բացահայտել հանրային ծառայությունների առաջնահերթ խնդիրները և հավաքագրել տվյալներ բնակիչների առօրյա կյանքում առկա մարտահրավերների վերաբերյալ։

✔️Քննարկումների ընթացքում համայնքի բնակիչները կիսվել են իրենց փորձով, բարձրաձայնել տեղական ծառայություններին առնչվող մտահոգությունները և ներկայացրել այն խնդիրները, որոնք, իրենց կարծիքով, առավել կարևոր են համայնքների զարգացման և բնակիչների բարեկեցության տեսանկյունից։

✔️Այս գործընթացի արդյունքում հավաքագրված տվյալները հիմք կծառայեն ծրագրի հաջորդ փուլերի իրականացման համար՝ նպաստելով քաղաքացիների և տեղական ինքնակառավարման մարմինների միջև փաստահեն երկխոսության ձևավորմանը և ավելի արձագանքող ու մասնակցային տեղական կառավարմանն ուղղված գործնական առաջարկությունների մշակմանը։

📍Ծրագիրը նպատակ ունի ամրապնդել քաղաքացիների և տեղական ինքնակառավարման մարմինների համագործակցությունը և խթանել համայնքային զարգացման գործընթացներում բնակիչների բովանդակալից մասնակցությունը։

📌Ծրագիրը ֆինանսավորվում է Եվրոպական միության կողմից՝ «Արևելյան գործընկերության քաղաքացիական հասարակության կրթաթոշակային ծրագրի» շրջանակներում, և իրականացվում «Քմյունիթի սենթր ֆոր դիվելոփմենթ» տարածաշրջանային համագործակցության հասարակական կազմակերպության կողմից։

✅As part of the project “Evidence to Action: Strengthening Citizen–Local Authority Dialogue in Noyemberyan,” evidence collection activities have been implemented across the 6 selected settlements of the Noyemberyan consolidated community.

✔️The process combined a short survey with focus group discussions to identify priority public service issues and gather evidence on the challenges faced by residents in their daily lives.

✔️During the discussions, community members shared their experiences, highlighted concerns related to local services, and discussed the issues they consider most important for the development and well-being of their communities.

✔️The evidence gathered through this process will serve as a foundation for the next stages of the project, supporting informed dialogue between citizens and local authorities and contributing to the development of practical recommendations for more responsive and participatory local governance.

📍The project aims to strengthen cooperation between residents and local authorities and promote meaningful civic participation in community development.

📌The project is funded by the European Union under the Eastern Partnership Civil Society Fellowship Programme and implemented by the “Community Center for Development” Territorial Cooperation NGO.

Eastern Partnership Civil Society Facility

30/07/2026

📖Երբ պատմությունը դուրս է գալիս դասագրքերի էջերից և դառնում կենդանի փորձառություն...

✅Հուլիսի 29-ին «Ճանաչենք Հայաստանը» երիտասարդական ինտելեկտուալ մրցույթի առաջին և երկրորդ տեղերը զբաղեցրած թիմերը մասնակցեցին ճանաչողական էքսկուրսիայի դեպի Լոռու մարզի պատմամշակութային կարևորագույն վայրեր։

✅Երիտասարդները բացահայտեցին Արամյանցի դղյակի խորհրդավոր պատմությունը, շրջեցին Լոռի բերդի դարավոր արահետներով, այցելեցին Լոռու մարզի հնագույն եկեղեցիներն ու վանական համալիրները՝ ևս մեկ անգամ համոզվելով, թե որքան հարուստ և բազմաշերտ է Հայաստանի պատմամշակութային ժառանգությունը։

🎞️Էքսկուրսիայի ամենահիշարժան պահերից մեկը հանդիպումն էր 🎥 «Գիքոր» ֆիլմում Գիքորի կերպարը մարմնավորած Ալբերտ Ղուլինյանի հետ։ Նրա ուղեկցությամբ երիտասարդներն անցան այն ճանապարհով, որով ֆիլմում քայլել էր Գիքորը, ջուր խմեցին նույն աղբյուրից, որից նա էր խմել, լսեցին նկարահանումների հետ կապված հետաքրքիր կուլիսային պատմություններ ու հանրությանը քիչ հայտնի դրվագներ։

✅Օրը վերածվեց հայրենիքի պատմամշակութային ժառանգության բացահայտման յուրօրինակ ճամփորդության՝ հնարավորություն տալով զգալու պատմության շունչը, նորովի ճանաչելու հայրենիքը և հերթական անգամ համոզվելու, որ Հայաստանի ամեն անկյուն մի պատմություն ունի պատմելու։

📌«Ճանաչենք Հայաստանը» երիտասարդական ինտելեկտուալ մրցույթը կազմակերպել էր «Քմյունիթի սենթր ֆոր դիվելոփմենթ» տարածաշրջանային համագործակցության հասարակական կազմակերպությունը՝ ԱՄՔՈՐ ՀԱՅԱՍՏԱՆ բարեգործական հիմնադրամի ֆինանսավորմամբ:

25/07/2026

24/07/2026

24/07/2026

📣Հուլիսի 23-ին Նոյեմբերյանում տեղի ունեցավ «Ճանաչենք Հայաստանը» երիտասարդական ինտելեկտուալ մրցույթը:

📌Մրցույթը կազմակերպել էր «Քմյունիթի սենթր ֆոր դիվելոփմենթ» տարածաշրջանային համագործակցության հասարակական կազմակերպությունը՝ ԱՄՔՈՐ ՀԱՅԱՍՏԱՆ բարեգործական հիմնադրամի ֆինանսավորմամբ:

✅Այն նպատակն ուներ Նոյեմբերյան համայնքի երիտասարդների շրջանում ամրապնդել հայրենաճանաչությունը, Հայաստանի պատմության, մշակույթի, աշխարհագրության և ազգային արժեքների վերաբերյալ գիտելիքները, ինչպես նաև զարգացնել թիմային աշխատանքի, քննադատական մտածողության, հաղորդակցման և համայնքային համագործակցության հմտություններ։ Մրցույթն անցկացվեց «Ի՞նչ, որտե՞ղ, ե՞րբ» խաղի ձևաչափով:

🏆Մրցույթին մասնակցության հայտ էին ներկայացրել Նոյեմբերյան խոշորացված համայնքի դպրոցները, Նոյեմբերյանի պետական քոլեջը, Թումո Կողբ-ը, Լոֆթ Նոյեմբերյան-ը և երիտասարդական թիմեր։

Մրցույթում հաղթող ճանաչվեց 🥇Նոյեմբերյանի «Պատրիոտ» երիտասարդական թիմը, 🥈2-րդ տեղում Նոյեմբերյանի վարժարանի «Ալֆա» թիմն էր, 🥉3-րդ մրցանակային տեղն զբաղեցրեց Ոսկեվանի «Պարադոքս» թիմը: 🙋‍♂️Լավագույն խաղացող ճանաչվեց «Պատրիոտ» թիմի ավագ Արեգ Ամիրաղյանը:

🔶Շնորհակալություն ԱՄՔՈՐ ՀԱՅԱՍՏԱՆ բարեգործական հիմնադրամին՝ մրցույթի կազմակերպումը հնարավոր դարձնելու համար, և այս նախաձեռնությանը միացած մեր բոլոր գործընկերներին՝ մրցույթի կազմակերպմանն աջակցելու և մասնակից թիմերին խարախուսական մրցանակներ տրամադրելու համար:

23/07/2026

Նոյեմբերյանում կայացավ 《Ճանաչենք Հայաստանը》 երիտասարդական ինտելեկտուալ մրցույթը, որը կազմակերպել էր CCD NGO-ն` ԱՄՔՈՐ ՀԱՅԱՍՏԱՆ բարեգործական հիմնադրամի ֆինանսավորմամբ։