Արագածոտնի թեմի «Սուրբ Մարիանե» սոցիալ-կրթական կենտրոն

06/05/2026

23/04/2026

ՀԱՅՏԱՐԱՐՈՒԹՅՈՒՆ
____
Սիրելի’ հավատացյալներ,
2019 թվականից, ընդառաջ Կարապետյան ընտանիքի առաջարկին, թեմիս բարեխնամ առաջնորդ Գերաշնորհ Տեր Մկրտիչ եպս. Պռոշյանի օրհնությամբ, ձեւավորված ավանդության համաձայն, Հովհաննավանքի ուխտի օրը Կարմիր Ավետարանը բերվել է Հովհաննավանք: Ցավոք այսօր Հովհաննավանք Ավետարանը տանել իրատեսական չէ, քանի որ եկեղեցին փաստացի զավթված է։

Այդ իսկ պատճառով, այս տարի՝ Կարմիր Կիրակիին , հավատացյալների երկրպագության համար ԿԱՐՄԻՐ ԱՎԵՏԱՐԱՆԸ կտարվի Աշտարակի Սուրբ Մարիանե Եկեղեցի ու կմատուցվի Սուրբ Պատարագ, սկիզբը ժամը 10:30:

Հայցում ենք բոլորիդ աղոթական ներկայությունը։

08/03/2026

🙏🕊️🤍

Ն. Ս. Օ. Տ. Տ. ԳԱՐԵԳԻՆ Բ ԱՄԵՆԱՅՆ ՀԱՅՈՑ ԿԱԹՈՂԻԿՈՍԻ ՇՆՈՐՀԱՎՈՐԱԿԱՆ ՈՒՂԵՐՁԸ ԿԱՆԱՆՑ ՏՈՆԻ ԱՌԻԹՈՎ
____________

Մայր Աթոռ Սուրբ Էջմիածնից Հայրապետական Մեր օրհնությունն ու բարեմաղթանքներն ենք բերում բոլոր տիկնանց և օրիորդաց և շնորհավորում Կանանց տոնի առիթով։

Վերստին ուրախությունն ունենք մեծարելու մեր մայրերին ու քույրերին և արժևորելու նրանց բարի ավանդը՝ շնորհալի, ազգասեր ու հայրենասեր սերունդներ դաստիարակելու գործում, ինչպես նաև նրանց գնահատելի ձեռքբերումները գիտության ու կրթության, տնտեսության, առողջապահության և այլ կարևոր ոլորտներում։

Արդարև, այսօրվա անկայուն աշխարհում, երբ մեր ժողովուրդը ամենուր բազում դժվարություններ է կրում, շատ հոգսեր ծանրացած են նաև կանանց ուսերին, ովքեր իրենց ընտանիքների հոգատարության հետ մեկտեղ նվիրումով ու նախանձախնդրությամբ ջանքեր են ներդնում ազգային կյանքի առաջընթացի և մեր հայրենիքի զորացման համար։

Մեր աղոթքն ու մաղթանքն է, որ Բազումողորմ Աստված խաղաղություն պարգևի աշխարհին ու մեր հայրենիքին և Իր օրհնության ու շնորհների ներքո պահպանի մեր մայրերին ու քույրերին, որպեսզի հավատով և հույսով զորացած, շարունակեն իրենց գովարժան հանձնառություններով նպաստ բերել մեր երկրի ու մեր ժողովրդի բարօրությանը։​

Թող մեր Տեր Հիսուս Քրիստոսի սերն ու ողորմությունը, շնորհներն ու օրհնությունը լինեն մեզ հետ և բոլորի, այսօր և միշտ․ ամեն։


Օրհնությամբ`

ԳԱՐԵԳԻՆ Բ
ԿԱԹՈՂԻԿՈՍ ԱՄԵՆԱՅՆ ՀԱՅՈՑ

03/03/2026

Ամենասուրբ Երրորդություն,
Տո՛ւր աշխարհիս խաղաղություն....

19/02/2026

ՀԱՅՏԱՐԱՐՈՒԹՅՈՒՆ

ՀԱՍԵ Արագածոտնի թեմի Աշտարակի «Սուրբ Մարիանե»
սոցիալ-կրթական կենտրոնում կավագործության խմբակի դասընթացավար-մասնագետի

Կենտրոնի գտնվելու վայրը՝
ՀԱՍԵ Արագածոտնի Թեմ, Աշտարակի «Սուրբ Մարիանե» սոցիալ-կրթական կենտրոն
Հասցե՝ ք. Աշտարակ, Շահազիզի 14

Կավագործության խմբակի դասվարն աշխատելու է ՀԱՍԵ Արագածոտնի թեմի Աշտարակի կենտրոնում՝ «Զորավոր ընտանիք՝ հզոր Հայրենիք» ծրագրի շրջանակներում։

Ծրագրի իրականացման ժամկետը՝ 01 ապրիլ – 31 հոկտեմբեր 2026թ․
Դասերն իրականացվելու են շաբաթական 2 անգամ, 1․5 ժամ տևողությամբ։

Ծրագրի նպատակը՝
 Զարգացնել երեխաների ստեղծագործական և երևակայական մտածողությունը, ձեռքի մանր և խոշոր մոտորիկան, ուշադրությունն ու համբերատարությունը։
 Ծանոթացնել կիրառական արվեստի և ազգային մշակութային ժառանգության տարրերին, խթանել գեղագիտական ճաշակի ձևավորումը, թիմային աշխատանքի հմտությունների զարգացումը։
 Դասընթացի ընթացքում երեխաներին հնարավորություն տալ ինքնաարտահայտվելու, բացահայտելու սեփական ունակությունները։

Աշխատանքի շրջանակում դասվարի գործառույթները՝
 Իրականացնել խմբային պարապմունքներ երեխաների հետ,
 Իրականացնել ուսումնական պլանով նախատեսված գործողությունները,
 Կազմակերպել ցուցադրություններ, բաց դասեր կամ միջոցառումներ՝ ներկայացնելու երեխաների աշխատանքները։

Թեկնածուին ներկայացվող պահանջները՝
 Բարձրագույն կամ միջին մասնագիտական կրթություն կավագործության ոլորտում,
 Երեխաների հետ աշխատանքի փորձ (ցանկալի է առնվազն 2 տարի),
 Խմբային աշխատանք վարելու կարողություն և մանկավարժական մոտեցում,
 Թիմում աշխատելու և արդյունավետ հաղորդակցվելու կարողություններ։
Դիմելու կարգըՀետաքրքրված անձինք կարող են ներկայացնել դիմում՝ կցելով․
 ինքնակենսագրական (CV),
 կրթությունը հավաստող փաստաթուղթ (դիպլոմ կամ վկայական)։
Տվյալներն ուղարկել հետևյալ էլեկտրոնային հասցեին՝ [email protected], կամ ներկայացնել առձեռն՝ Աշտարակի «Սուրբ Մարիանե» սոցիալ-կրթական կենտրոնի գրասենյակ՝ ք. Աշտարակ, Շահազիզի 14 հասցեով։
Հարցերի դեպքում զանգահարել՝ 077 01 85 86, 097 22 31 81

Դիմումների ընդունման վերջնաժամկետը՝ 28 փետրվարի 2026թ., ժամը 17:00։
Նշված ժամկետից հետո ստացված դիմումները չեն դիտարկվելու։
Հարցազրույցի անցկացման օրն ու ժամը կտեղեկացվի յուրաքանչյուր թեկնածուին նախապես։
Մասնագետի ընտրությունն իրականացվելու է հարցազրույցի արդյունքում։

13/02/2026

ՀԱՅՏԱՐԱՐՈՒԹՅՈՒՆ
ՀԱՍԵ Արագածոտնի թեմի Աշտարակի «Սուրբ Մարիանե»
սոցիալ-կրթական կենտրոնի մաքրուհու հաստիքի համար

Կենտրոնի գտնվելու վայրը՝
ՀԱՍԵ Արագածոտնի Թեմ, Աշտարակի «Սուրբ Մարիանե» սոցիալ-կրթական կենտրոն
• Հասցե՝ ք. Աշտարակ, Շահազիզի 14

Մաքրուհին աշխատելու է ՀԱՍԵ Արագածոտնի թեմի Աշտարակի կենտրոնում՝ «Արտադպրոցական կրթություն Աշտարակի Սուրբ Մարիանե կենտրոնում» ծրագրի շրջանակներում։

Ծրագրի իրականացման ժամկետը՝ 01 փետրվարի – 31 դեկտեմբերի 2026թ․
Աշխատանքի կատարման ժամանակահատվածը՝ ամեն օր, 09․00-14․00

Աշխատանքի շրջանակում մաքրուհու գործառույթները՝
• Ամենօրյա կենտրոնի երկու հարկի և բակի տարածքի մաքրում,
• Սանիտարահիգիենիկ պայմանների ապահովում երեխաների և անձնակազմի համար։

Թեկնածուին ներկայացվող պահանջները՝
• Աշխատանքային փորձ՝ մասնավորապես ուսումնական և հասարակական հաստատություններում խրախուսվում է,
• Մաքրման սարքավորումների և պարագաների հետ աշխատելու ունակություն,
• Պարտականությունների պատշաճ կատարում։

Դիմելու կարգը
Հետաքրքրված անձինք կարող են ներկայացնել դիմում՝ կցելով․
• ինքնակենսագրական (CV),
Տվյալներն ուղարկել հետևյալ էլեկտրոնային հասցեին՝ [email protected], կամ ներկայացնել առձեռն՝ Աշտարակի «Սուրբ Մարիանե» սոցիալ-կրթական կենտրոնի գրասենյակ՝ ք. Աշտարակ, Շահազիզի 14 հասցեով։
Հարցերի դեպքում զանգահարել՝ 077 01 85 86 , 097 22 31 81

Դիմումների ընդունման վերջնաժամկետը՝ 20 փետրվարի 2026թ., ժամը 17:00։
Նշված ժամկետից հետո ստացված դիմումները չեն դիտարկվելու։
Հարցազրույցի անցկացման օրն ու ժամը կտեղեկացվի յուրաքանչյուր թեկնածուին նախապես։
Աշխատակցի ընտրությունն իրականացվելու է հարցազրույցի արդյունքում։

07/02/2026

ՀԱՅՏԱՐԱՐՈՒԹՅՈՒՆ
ՀԱՍԵ Արագածոտնի թեմի Աշտարակի և Սաղմոսավանի
կենտրոններում նկարչության խմբակի դասվար-մասնագետի

Կենտրոնների գտնվելու վայրը՝
1․ Աշտարակի «Սուրբ Մարիանե» սոցիալ-կրթական կենտրոն՝ ք․Աշտարակ, Շահազիզի 14:
2․ Սաղմոսավանի «Հայորդաց տուն» համայնքային կենտրոն՝ գյուղ Սաղմոսավան:

Նկարչության խմբակի դասվարն աշխատելու է ՀԱՍԵ Արագածոտնի թեմի Աշտարակի և/կամ Սաղմոսավանի երկու կենտրոնում՝ «Արտադպրոցական ուսուցում Աշտարակի Սուրբ Մարիանե կենտրոնում» և «Արտադպրոցական կրթություն Սաղմոսավանի համայնքային կենտրոնում» ծրագրերի շրջանակներում։

Ծրագրի իրականացման ժամկետը՝ 01 մարտ –30 նոյեմբեր 2026թ․
Դասընթացներն իրականացվելու են՝ շաբաթական 2 անգամ 2 ժամ տևողությամբ յուրաքանչյուր կենտրոնում։

Ծրագրի նպատակ՝
• Երեխաներին նկարչության հիմական տեխնիկաների ուսուցում ՝ գծանկար, գունանկար, կոմպոզիցիա, ստվերապատկեր, հեռանկարային պատկերում։
• Երեխաների գեղարվեստական ունակությունների, հետաքրքրությունների և զարգացման մակարդակի բարձրացում,
• Երեխաներին ազգային և համաշխարհային արվեստի արժեքների ուսուցում,
• Երեխաների ստեղծագործությունների ներկայացում ցուցահանդեսներում և այլ հանրային միջոցառումների շրջանակներում։

ՆԿԱՐՉՈՒԹՅԱՆ ԽՄԲԱԿԻ ԴԱՍՎԱՐԻ ԳՈՐԾԱՌՈՒՅԹՆԵՐԸ՝
• Նկարչության խմբային և անհատական դասերի իրականացում՝ երեխաների տարիքային առանձնահատկություններին, կարողություններին և ԿԳՄՍ նախարարության կողմից նախապես մշակված ուսումնական թեմատիկ ծրագրերին համապատասխան,

Թեկնածուին ներկայացվող պահանջները՝​
• Բարձրագույն կամ միջին մասնագիտական կրթություն կերպարվեստի, նկարչության կամ հարակից ոլորտում՝ համապատասխան պրակտիկ հմտություններով,
• Երեխաների հետ աշխատելու առնվազն 2 տարվա դասավանդման փորձ,
• Խմբային դասեր վարելու փորձ և ստեղծագործական մոտեցում,
• Թիմում աշխատելու և արդյունավետ հաղորդակցվելու կարողություններ։

ԴԻՄԵԼՈՒ ԿԱՐԳԸ՝
Հետաքրքրված անձիք պետք է ներկայացնեն դիմում, կցելով`
• ինքնակենսագրական (CV),
• կրթության վերաբերյալ փաստաթուղթ (դիպլոմ կամ վկայական):
Տվյալներն ուղարկել հետևյալ էլեկտրոնային հասցեին՝ [email protected], կամ ներկայացնել առձեռն՝ Աշտարակի «Սուրբ Մարիանե» սոցիալ-կրթական կենտրոնի գրասենյակ՝ ք․Աշտարակ, Շահազիզի 14 հասցեով։
Հարցերի դեպքում զանգահարել՝ 077 01 85 86

Դիմումների ընդունման վերջնաժամկետը՝ 17 փետրվարի 2026թ․, ժամը 17։00։
Նշված ժամկետից հետո ստացված դիմումները չեն դիտարկվելու։

Հարցազրույցի անցկացման օրն ու ժամը կտեղեկացվի յուրաքանչյուր թեկնածուին նախապես։
Մասնագետի ընտրությունն իրականացվելու է հարցազրույցի արդյունքում

07/02/2026

ՀԱՅՏԱՐԱՐՈՒԹՅՈՒՆ
ՀԱՍԵ Արագածոտնի թեմի Սաղմոսավանի
համայնքային կենտրոնում պարի խմբակի դասվար-մասնագետի

Կենտրոնի գտնվելու վայրը՝
Սաղմոսավանի «Հայորդաց տուն» համայնքային կենտրոն՝ գյուղ Սաղմոսավան

Պարի խմբակի դասվարն աշխատելու է ՀԱՍԵ Արագածոտնի թեմի Սաղմոսավանի կենտրոնում՝ «Արտադպրոցական կրթություն Սաղմոսավանի համայնքային կենտրոնում» ծրագրի շրջանակներում։

Ծրագրի իրականացման ժամկետը՝ 01 մայիս – 30 նոյեմբեր 2026թ․
Դասընթացներն իրականացվելու են՝ շաբաթական 2 անգամ 2 ժամ տևողությամբ։

Ծրագրի նպատակը՝
• Նպաստել երեխաների ազգային ինքնագիտակցության ձևավորմանը և հայկական մշակութային ժառանգության ճանաչմանը՝ ազգային պարարվեստի միջոցով,
• Արժևորել և պահպանել ազգային պարերի բազմազանությունը և հայկական մշակույթի ավանդույթները,
• Ձևավորել և զարգացնել սաների շարժողական հմտությունները և գեղագիտական ընկալումը,
• Զարգացնել երեխաների արտահայտչականությունը, ստեղծագործական մտածողությունն ու թիմային համագործակցության կարողությունները,
• Խթանել երեխաների ֆիզիկական առողջությունն ու պատրաստվածությունը պարարվեստի միջոցով։

Պարի խմբակի դասվարի գործառույթները՝
Խմբային պարային դասերի իրականացում՝ երեխաների տարիքային առանձնահատկություններին և ֆիզիկական հնարավորություններին համապատասխան՝ ԿԳՄՍ նախարարության կողմից հաստատված ուսումնական ծրագրով։

Թեկնածուին ներկայացվող պահանջները՝​
• Բարձրագույն կամ միջին մասնագիտական կրթություն պարի, խորեոգրաֆիայի կամ հարակից ոլորտում՝ համարժեք պրակտիկ հմտություններով,
• Երեխաների հետ աշխատելու առնվազն 2 տարվա դասընթացավարի փորձ,
• Խմբային պարային դասեր վարելու փորձ և մոտեցում,
• Թիմում աշխատելու և արդյունավետ հաղորդակցվելու կարողություններ։

ԴԻՄԵԼՈՒ ԿԱՐԳԸ՝
Հետաքրքրված անձիք պետք է ներկայացնեն դիմում, կցելով`
• ինքնակենսագրական (CV),
• կրթության վերաբերյալ փաստաթուղթ (դիպլոմ կամ վկայական):
Տվյալներն ուղարկել հետևյալ էլեկտրոնային հասցեին՝ [email protected], կամ ներկայացնել առձեռն՝ Աշտարակի «Սուրբ Մարիանե» սոցիալ-կրթական կենտրոնի գրասենյակ՝ ք․Աշտարակ, Շահազիզի 14 հասցեով։
Հարցերի դեպքում զանգահարել՝ 077 01 85 86

Դիմումների ընդունման վերջնաժամկետը՝ 21 փետրվարի 2026թ․, ժամը 17։00։
Նշված ժամկետից հետո ստացված դիմումները չեն դիտարկվելու։

Հարցազրույցի անցկացման օրն ու ժամը կտեղեկացվի յուրաքանչյուր թեկնածուին նախապես։
Մասնագետի ընտրությունն իրականացվելու է հարցազրույցի արդյունքում։

06/02/2026

ՀԱՅՏԱՐԱՐՈՒԹՅՈՒՆ
ՀԱՍԵ Արագածոտնի թեմի Աշտարակի և Սաղմոսավանի
կենտրոններում թատերական խմբակի դասվար-մասնագետի

Կենտրոնների գտնվելու վայրը՝
1․ Աշտարակի «Սուրբ Մարիանե» սոցիալ-կրթական կենտրոն՝ ք․ Աշտարակ, Շահազիզի 14։
2․ Սաղմոսավանի «Հայորդաց տուն» համայնքային կենտրոն՝ գյուղ Սաղմոսավան։
Թատերարվեստի խմբակի դասվարն աշխատելու է ՀԱՍԵ Արագածոտնի թեմի Աշտարակի և/կամ Սաղմոսավանի երկու կենտրոններում՝ ՝ «Զորավոր ընտանիք՝ հզոր Հայրենիք» ծրագրի շրջանակներում։

Ծրագրի իրականացման ժամկետը Աշտարակի կենտրոնում՝ 01 մայիս – 30 նոյեմբեր 2026թ, իսկ Սաղմոսավանի կենտրոնում՝ 01 մայիս – 31 հոկտեմբեր 2026թ ․

Դասընթացներն իրականացվելու են՝ շաբաթական 2 անգամ, 2 ժամ տևողությամբ յուրաքանչյուր կենտրոնում։
Ծրագրի նպատակ՝
• Երեխաներին թատերարվեստի հիմունքների ուսուցում՝ դերասանական վարպետություն, բեմական խոսք և շարժում, կերպարի ստեղծում,
• Երեխաների ինքնարտահայտման, հաղորդակցման և ստեղծագործական մտածողության զարգացում,
• Երեխաների գեղարվեստական ճաշակի և թիմային աշխատանքի հմտությունների ձևավորում,
• Երեխաների մասնակցություն ներկայացումների, բեմադրությունների, մշակութային և հանրային միջոցառումների շրջանակներում։
Թատերական խմբակի դասվարի գործառույթները՝
• Թատերարվեստի խմբային և անհատական պարապմունքների իրականացում՝ երեխաների տարիքային առանձնահատկություններին, կարողություններին և ուսումնական թեմատիկ ծրագրերին համապատասխան,
• Թատերական վարժությունների, ասմունքի, խաղերի և բեմադրությունների կազմակերպում, երեխաների մասնակցության ապահովում ներկայացումներին։
Թեկնածուին ներկայացվող պահանջները՝
• Բարձրագույն կամ միջին մասնագիտական կրթություն թատերարվեստի, դերասանական արվեստի, երաժշտական արվեստի կամ հարակից ոլորտում,
• Երեխաների հետ աշխատելու առնվազն 2 տարվա դասավանդման կամ ստեղծագործական փորձ,
• Խմբային աշխատանք վարելու կարողություն և ստեղծագործական մոտեցում,
• Թիմում աշխատելու և արդյունավետ հաղորդակցվելու կարողություններ։

ԴԻՄԵԼՈՒ ԿԱՐԳԸ՝
Հետաքրքրված անձիք պետք է ներկայացնեն դիմում, կցելով՝
• ինքնակենսագրական (CV),
• կրթության վերաբերյալ փաստաթուղթ (դիպլոմ կամ վկայական)։

Տվյալներն ուղարկել հետևյալ էլեկտրոնային հասցեին՝ [email protected], կամ ներկայացնել առձեռն՝ Աշտարակի «Սուրբ Մարիանե» սոցիալ-կրթական կենտրոնի գրասենյակ՝ ք․ Աշտարակ, Շահազիզի 14 հասցեով։

Հարցերի դեպքում զանգահարել՝ 077 01 85 86
Դիմումների ընդունման վերջնաժամկետը՝ 23 փետրվարի 2026թ․, ժամը 17։00։

Նշված ժամկետից հետո ստացված դիմումները չեն դիտարկվելու։

Հարցազրույցի անցկացման օրն ու ժամը կտեղեկացվի յուրաքանչյուր թեկնածուին նախապես։

Մասնագետի ընտրությունն իրականացվելու է հարցազրույցի արդյունքում։