SEEP

Call Website Contact the organization

SEEP SEEP is an NGO that contributes to nature conservation education.

Social Education for Environmental Protection is a membership based NGO with thousands of community activists.Over 80% of our members are youth which are all excellent volunteers. While, the rest of the members are citizens with capacities of all fields: biology, education, economics, ecotourism, legislation, environment, health, etc., all volunteers ready for community actions.

🐦 12–13 TETOR - DITËT E SHPENDËVE SHTEGTARËA e keni ngritur ndonjëherë kokën dhe keni parë një tufë shpendësh që fluturo...
12/10/2026

🐦 12–13 TETOR - DITËT E SHPENDËVE SHTEGTARË
A e keni ngritur ndonjëherë kokën dhe keni parë një tufë shpendësh që fluturojnë së bashku drejt jugut?
Në vjeshtë, shumë shpendë nisen drejt zonave më të ngrohta. Disa kalojnë mijëra kilometra, duke kapërcyer male, pyje, fusha dhe dete, për të gjetur ushqim dhe kushte më të përshtatshme për të mbijetuar.
🦅 Kë mund të shohim gjatë shtegtimit?
- Dallëndyshet udhëtojnë drejt Afrikës, duke lënë pas zonat ku shumohen.
- Lejlekët e bardhë shfrytëzojnë rrymat e ajrit për të fluturuar në distanca të gjata.
- Grabitqarët shtegtarë, si hutat dhe disa lloje shqiponjash kalojnë mbi male dhe qafa malore gjatë udhëtimit të tyre.
- Qyqet dhe bilbilat ndër shpendët që shtegtojnë drejt zonave ku kalojnë dimrin.
📍 Edhe malet dhe kodrat e Shqipërisë janë pjesë e kësaj historie. Bregdeti dhe qafat malore të jugut mund të shërbejnë si korridore të rëndësishme gjatë shtegtimit.
💚 Çfarë mund të bëjmë ne?
🔭 Vëzhgojmë shpendët në natyrë dhe fotografojmë pa i shqetësuar.
🌳 Ruajmë pemët, pyjet dhe habitatet ku ata ushqehen e pushojnë.
🚫 Shmangim gjuetinë e paligjshme dhe ndihmojmë në raportimin e rasteve të saj.
📸 Ndajmë vëzhgimet tona për të njohur më mirë biodiversitetin.
Këtë 12–13 tetor, shiko qiellin! Ndoshta pikërisht mbi ty po kalojnë udhëtarë që kanë nisur një udhëtim të jashtëzakonshëm.
🐦 A keni parë kohët e fundit tufa shpendësh në qiell? Ku i keni vërejtur?

🌊 Përvoja, angazhimi dhe veprimi konkret: Rruga drejt një deti pa plastikë!Në kuadër të Shkollës Verore “Blu pa Plastikë...
11/10/2026

🌊 Përvoja, angazhimi dhe veprimi konkret: Rruga drejt një deti pa plastikë!
Në kuadër të Shkollës Verore “Blu pa Plastikë #2”, organizuar nga Milieukontakt Albania (member of Milieukontakt International Network) në kuadër të projektit RiverClean, SEEP kontribuoi në panelin e diskutimit me të rinjtë, duke ndarë përvojën dhe praktikat e saj shumëvjeçare në parandalimin e ndotjes nga plastika dhe mbrojtjen e mjedisit detar.
Znj. Anila Kociu, drejtoresha e SEEP, solli në vëmendje rëndësinë e angazhimit të të rinjve në nismat mjedisore, jo vetëm si pjesëmarrës, por edhe si faktorë aktivë të ndryshimit në komunitetet e tyre.
Gjatë diskutimit u prezantua përvoja e SEEP në disa drejtime kryesore:
🐬 Monitorimi i mbetjeve plastike në det, sipas protokolleve evropiane, për të siguruar të dhëna të besueshme mbi ndotjen detare.
🌱 Angazhimi i të rinjve në aktivitetet mjedisore dhe fuqizimi i tyre si aktorë të ndryshimit në komunitetet e tyre.
📢 Advokimi i bazuar në prova dhe fakte me institucionet e pushtetit qendror dhe vendor, për të nxitur marrjen e masave konkrete kundër ndotjes nga plastika.
🤝 Bashkëpunimi me komunitetet dhe aktorët lokalë, si një element thelbësor për parandalimin e mbetjeve detare dhe mbrojtjen e ekosistemeve bregdetare.
Për SEEP, përvoja ndër vite ka treguar se ndryshimi i vërtetë kërkon jo vetëm ndërgjegjësim, por edhe pjesëmarrje aktive të të rinjve, monitorim të vazhdueshëm dhe vendimmarrje të mbështetur në të dhëna konkrete.

🌿Bashkë për mbrojtjen e biodiversitetit dhe një bujqësi më të qëndrueshme!Në kuadër të projektit “Adresimi i Kërcënimeve...
07/09/2026

🌿Bashkë për mbrojtjen e biodiversitetit dhe një bujqësi më të qëndrueshme!
Në kuadër të projektit “Adresimi i Kërcënimeve ndaj Biodiversitetit dhe Ekosistemeve në Lumin e Vlorës”, zhvilluam Tryezën e Rrumbullakët mbi Mbrojtjen e Biodiversitetit dhe Praktikat e Qëndrueshme Bujqësore.
📍 Në këtë aktivitet u mblodhën së bashku fermerë, bletërritës, ekspertë, përfaqësues të institucioneve dhe aktorë lokalë për të diskutuar sfidat që lidhen me përdorimin e pesticideve, mbrojtjen e polenizuesve, ruajtjen e biodiversitetit dhe promovimin e praktikave më miqësore me mjedisin.
🔎 Gjatë tryezës u prezantuan gjetjet kryesore të monitorimit dhe studimit të realizuar në kuadër të projektit, me fokus te ndikimi i pesticideve në biodiversitet dhe bletari, si dhe përvojat e fermerëve dhe bletërritësve në terren.
💬 Diskutimi i hapur na dha mundësinë të dëgjojmë drejtpërdrejt problematikat dhe nevojat e komunitetit, por edhe të identifikojmë praktika të mira dhe mundësi konkrete për përmirësim.
📑 Një tjetër fokus i rëndësishëm ishte diskutimi mbi rekomandimet për politika lokale të gjelbra, të cilat synojnë të ndihmojnë institucionet dhe aktorët lokalë në ndërmarrjen e masave më të qëndrueshme për mbrojtjen e biodiversitetit.
🤝 Tryeza konfirmoi edhe një herë se mbrojtja e natyrës kërkon bashkëpunim dhe përgjegjësi të përbashkët nga fermerët dhe bletërritësit, te institucionet, ekspertët dhe shoqëria civile.
Projekti Green-AL “Mbështetja e Organizatave të Shoqërisë Civile 2024 - 2027”, financohet nga Agjencia
Ndërkombëtare Suedeze për Bashkëpunim dhe Zhvillim (Sida) me fondet e Qeverisë Suedeze dhe zbatohet nga CoPlan Institute for Habitat Development në bashkëpunim me VIS Albania dhe COSV - Cooperazione per lo Sviluppo.

🌬️💙 7 SHTATOR | DITA NDËRKOMBËTARE E AJRIT TË PASTËR PËR QIELL BLU🔥 Kur digjet një pyll, nuk humbasim vetëm pemë. Ne ndo...
07/09/2026

🌬️💙 7 SHTATOR | DITA NDËRKOMBËTARE E AJRIT TË PASTËR PËR QIELL BLU
🔥 Kur digjet një pyll, nuk humbasim vetëm pemë. Ne ndotim edhe ajrin që thithim.
Zjarret janë një nga burimet më të rrezikshme të ndotjes së ajrit. Tymi i tyre përmban grimca të imta PM2.5, monoksid karboni, okside azoti, ozon dhe substanca të tjera toksike që mund të depërtojnë thellë në mushkëri dhe, në rastin e grimcave më të imta, edhe në qarkullimin e gjakut. Sipas OBSH-së, rreth 90% e masës së grimcave të emetuara nga zjarret përbëhet nga PM2.5.
📊 Disa shifra që duhet të na shqetësojnë:
🔥 Shqipëria po përballet me një sezon të rënduar zjarresh. Të dhënat e GWIS tregojnë rreth 23,253 ha sipërfaqe të djegur në Shqipëri gjatë vitit 2026 dhe rreth 43 zjarre, deri në përditësimin e fundit të statistikave, krahasuar me një mesatare prej rreth 45,932 hektarësh në vit për periudhën 2012–2025.
🌫️ Dhe tymi nuk qëndron aty ku nis zjarri. Ai mund të transportohet në distanca shumë të mëdha, duke ndikuar në cilësinë e ajrit edhe larg zonave të djegura.
Ndotja nga tymi i zjarreve nuk është vetëm çështje mjedisore, është çështje shëndeti publik.
Ekspozimi ndaj tymit mund të shkaktojë irritim të syve dhe rrugëve të frymëmarrjes, vështirësi në frymëmarrje dhe përkeqësim të astmës, ndërsa ekspozimi ndaj ndotjes së grimcave lidhet edhe me probleme kardiovaskulare dhe rritje të rrezikut për vdekje të parakohshme. Fëmijët dhe të moshuarit janë veçanërisht të rrezikuar.
🌳 Mbrojtja e pyjeve është edhe mbrojtje e ajrit.
🔥 Parandalimi i zjarreve është edhe masë për mbrojtjen e shëndetit.
🌬️ Monitorimi i cilësisë së ajrit duhet të jetë pjesë e reagimit ndaj zjarreve.
🚫 Djegia e mbetjeve dhe e materialeve në natyrë nuk është një veprim i padëmshëm.
🤝 Parandalimi kërkon përgjegjësi nga institucionet, bizneset dhe secili prej nesh.
Një zjarr mund të zgjasë disa orë. Pasojat në ekosistem, klimë dhe shëndetin tonë mund të zgjasin shumë më tepër.
💙 Ajri i pastër është e drejtë e të gjithëve. Ta mbrojmë para se të jetë tepër vonë.


28/08/2026

Zhvilluam Tryezen e Rrumbullakët për Mbrojtjen e Biodiversitetit dhe Praktikat e Qëndrueshme Bujqësore në kuadër të projektit “Adresimi i Kërcënimeve ndaj Biodiversitetit dhe Ekosistemeve në Lumin e Vlorës”, i cili synon të kontribuojë në mbrojtjen afatgjatë të biodiversitetit dhe në forcimin e politikave mjedisore lokale përmes monitorimit, ndërtimit të kapaciteteve dhe advokimit.
Mbrojtja e biodiversitetit, ndikimi i pesticideve dhe promovimi i praktikave të qëndrueshme në bujqësi dhe bletari ishin në fokus të Tryezës së Rrumbullakët. Në tryezë morën pjesë fermerë, bletërritës, ekspertë, përfaqësues të institucioneve vendore dhe aktorë të tjerë lokalë. Aktiviteti krijoi një hapësirë për prezantimin e rezultateve të punës së realizuar gjatë projektit dhe për një diskutim të drejtpërdrejtë mbi sfidat dhe mundësitë për mbrojtjen e biodiversitetit në zonën e Lumit të Vlorës.
Ekspertet prezantuan gjetjet kryesore të monitorimit, duke u ndalur te ndikimi i pesticideve në biodiversitet dhe bletari, si dhe te përvojat e fermerëve dhe bletërritësve. Gjithashtu, ata prezantuan rekomandimet për politika lokale të gjelbra.
Një pjesë e rëndësishme e aktivitetit ishte diskutimi i hapur me pjesëmarrësit. Në fokus ishin sfidat aktuale në bujqësi dhe bletari, praktikat ekzistuese, nevoja për informim dhe mbështetje më të madhe, si dhe mundësitë për përmirësimin e bashkëpunimit ndërmjet komunitetit dhe institucioneve.
Tryeza është pjesë e procesit të advokimit të parashikuar nga projekti, i cili synon hartimin e një dokumenti rekomandimesh për institucionet vendore dhe një pakete rekomandimesh për farmacitë veterinare dhe fermeret.
Rekomandimet do t'u përcillen institucioneve dhe aktorëve përkatës, me synimin për të nxitur masa konkrete në mbështetje të biodiversitetit, polenizuesve dhe praktikave të qëndrueshme bujqësore.
Projekti GreenAL “Mbështetja e Organizatave të Shoqërisë Civile 2024 - 2027”, financohet nga Agjencia Ndërkombëtare Suedeze për Bashkëpunim dhe Zhvillim (Sida) me fondet e Qeverisë Suedeze dhe zbatohet nga CoPlan Institute for Habitat Development në bashkëpunim me VIS Albania dhe COSV - Cooperazione per lo Sviluppo.
Green-AL

🌿Ruajtja e biodiversitetit është përgjegjësi e përbashkët.Në kuadër të projektit "Adresimi i kërcënimeve ndaj biodiversi...
29/06/2026

🌿Ruajtja e biodiversitetit është përgjegjësi e përbashkët.
Në kuadër të projektit "Adresimi i kërcënimeve ndaj biodiversitetit dhe ekosistemeve në Lumin e Vlorës", zhvilluam trajnimin me temë "Ruajtja e biodiversitetit dhe ndikimet në shëndetin e popullatës".
Në trajnim morën pjesë fermerë, bletërritës, përfaqësues të Njësive Administrative dhe të Drejtorive të Bujqësisë, dhe u diskutua mbi ndikimin e praktikave bujqësore në biodiversitet dhe rëndësinë e bashkëpunimit për mbrojtjen e ekosistemeve.
Trajnimi u fokusua në përdorimin e praktikave të qëndrueshme bujqësore, mbrojtjen e polenizuesve dhe rëndësinë e bashkëpunimit mes fermerëve, bletërritësve dhe institucioneve lokale.
🌼 Mbrojtja e biodiversitetit nuk është vetëm mbrojtje e natyrës, është mbrojtje e bujqësisë, e prodhimit ushqimor dhe e shëndetit të komunitetit tonë.
Ky aktivitet u realizua në kuadër të projektit “Adresimi i kërcënimeve ndaj biodiversitetit dhe ekosistemeve në lumin e Vlorës”.
Projekti GreenAL “Mbështetja e Organizatave të Shoqërisë Civile 2024 - 2027”, financohet nga Agjencia
Ndërkombëtare Suedeze për Bashkëpunim dhe Zhvillim (Sida) me fondet e Qeverisë Suedeze dhe zbatohet nga CoPlan Institute for Habitat Development në bashkëpunim me VIS Albania dhe COSV - Cooperazione per lo Sviluppo.
Green-AL

🌿🤝Zëri i komunitetit për një mjedis më të mbrojtur!Mbrojtja e biodiversitetit, e bletëve dhe e pasurive natyrore nuk var...
25/06/2026

🌿🤝Zëri i komunitetit për një mjedis më të mbrojtur!
Mbrojtja e biodiversitetit, e bletëve dhe e pasurive natyrore nuk varet vetëm nga ligjet apo institucionet. Ajo fillon me informimin, angazhimin dhe pjesëmarrjen aktive të çdo qytetari në vendimmarrjen që ndikon në mjedisin ku jetojmë.
Për këtë arsye, fermerë, bletërritës dhe përfaqësues të institucioneve lokale u bënë pjesë e modulit të trajnimit “Advokimi dhe Pjesëmarrja në Vendimmarrje Mjedisore”, duke diskutuar mbi rëndësinë e bashkëpunimit për të ndërtuar politika dhe praktika më të qëndrueshme për natyrën dhe komunitetet tona.
Gjatë trajnimit, pjesëmarrësit u njohën me rëndësinë e përfshirjes aktive të komunitetit në proceset vendimmarrëse që ndikojnë në mbrojtjen e mjedisit dhe biodiversitetit. U diskutuan mënyrat se si qytetarët, grupet e interesit dhe organizatat lokale mund të kontribuojnë në hartimin dhe përmirësimin e politikave mjedisore përmes dialogut, bashkëpunimit dhe advokimit të bazuar në evidencë.
Trajnimi ofroi njohuri praktike mbi mekanizmat e pjesëmarrjes publike, komunikimin me institucionet dhe rolin që komunitetet lokale kanë në promovimin e praktikave të qëndrueshme për mbrojtjen e natyrës dhe polenizuesve.
📜 Në përfundim të aktivitetit, pjesëmarrësit u pajisën me certifikata vlerësimi, në shenjë mirënjohjeje për angazhimin dhe kontributin e tyre në forcimin e kapaciteteve lokale për mbrojtjen e mjedisit dhe pjesëmarrjen aktive në proceset vendimmarrëse.
🌱 Një komunitet i informuar dhe i angazhuar është çelësi për politika më të mira mjedisore dhe për ruajtjen e pasurive natyrore për brezat e ardhshëm.
Ky aktivitet u realizua në kuadër të projektit “Adresimi i kërcënimeve ndaj biodiversitetit dhe ekosistemeve në lumin e Vlorës”.
Projekti GreenAL “Mbështetja e Organizatave të Shoqërisë Civile 2024 - 2027”, financohet nga Agjencia
Ndërkombëtare Suedeze për Bashkëpunim dhe Zhvillim (Sida) me fondet e Qeverisë Suedeze dhe zbatohet nga CoPlan Institute for Habitat Development në bashkëpunim me VIS Albania dhe COSV - Cooperazione per lo Sviluppo.
Green-AL

World 🐝 Day !
20/05/2026

World 🐝 Day !

🌍 SEEP në BeMed Community Gathering 2026 🇲🇦Patëm kënaqësinë të jemi pjesë e një takimi të rëndësishëm të komunitetit BeM...
18/05/2026

🌍 SEEP në BeMed Community Gathering 2026 🇲🇦
Patëm kënaqësinë të jemi pjesë e një takimi të rëndësishëm të komunitetit BeMed, ku u mblodhën mbi 45 aktorë nga 11 vende të rajonit me një qëllim të përbashkët: Luftën kundër ndotjes nga plastika. ♻️
Gjatë dy ditëve intensive, shkëmbyem përvoja, ndërtuam bashkëpunime të reja dhe kontribuuam në diskutime mbi advokimin, politikat mjedisore dhe rolin e komuniteteve vendore në adresimin e kësaj sfide globale.
Për SEEP, pjesëmarrja në këtë takim është një hap i rëndësishëm për të forcuar ndikimin tonë në nivel rajonal dhe për të sjellë praktika të mira edhe në Shqipëri. 🤝
Së bashku, po ndërtojmë një komunitet të fortë dhe të angazhuar për një të ardhme pa ndotje plastike! 💙

🌿 Politikat mjedisore të BE-së në fokus!Trajnim me fermerë e bletërritës te Lumit të Vlorës.Në kuadër të forcimit të njo...
27/04/2026

🌿 Politikat mjedisore të BE-së në fokus!
Trajnim me fermerë e bletërritës te Lumit të Vlorës.
Në kuadër të forcimit të njohurive mbi procesin e integrimit evropian dhe rolin e komuniteteve rurale, u zhvillua një trajnim me fermerë dhe bletërritës të zonës së Lumit të Vlorës, i përqendruar në politikat mjedisore të Bashkimit Evropian (Kapitulli 27) dhe Marrëveshjen e Gjelbër Evropiane.
📊 Trajnimi trajtoi në mënyrë të strukturuar:
✔️ Parimet bazë të politikave mjedisore të BE-së, si zhvillimi i qëndrueshëm, parandalimi dhe “ndotësi paguan”
✔️ Kuadrin ligjor dhe standardet që lidhen me cilësinë e ajrit, ujit, menaxhimin e mbetjeve dhe mbrojtjen e natyrës
✔️ Objektivat e Marrëveshjes së Gjelbër Evropiane, përfshirë neutralitetin klimatik dhe ekonominë qarkulluese
✔️ Rolin e institucioneve vendore dhe komuniteteve në zbatimin e legjislacionit mjedisor
💡 Përmes këtij trajnimi, pjesëmarrësit u njohën më nga afër me kërkesat dhe sfidat që sjell përafrimi me acquis të BE-së në fushën e mjedisit, si dhe me rëndësinë e përfshirjes aktive të nivelit lokal në këtë proces.
🌱 Ndërtimi i kapaciteteve dhe rritja e ndërgjegjësimit janë hapa kyç për të kontribuar në një zhvillim më të qëndrueshëm dhe në mbrojtjen afatgjatë të burimeve natyrore.
📍 Integrimi evropian fillon nga njohja dhe veprimi në nivel lokal.
Ky aktivitet u realizua në kuadër të projektit “Adresimi i kërcënimeve ndaj biodiversitetit dhe ekosistemeve në lumin e Vlorës”.
Projekti GreenAL “Mbështetja e Organizatave të Shoqërisë Civile 2024 - 2027”, financohet nga Agjencia
Ndërkombëtare Suedeze për Bashkëpunim dhe Zhvillim (Sida) me fondet e Qeverisë Suedeze dhe zbatohet nga CoPlan Institute for Habitat Development në bashkëpunim me VIS Albania dhe COSV - Cooperazione per lo Sviluppo.
Green-AL

Address

Vlorë

Opening Hours

Monday 09:00 - 16:00
Tuesday 09:00 - 16:00
Wednesday 09:00 - 16:00
Thursday 09:00 - 16:00
Friday 09:00 - 16:00

Telephone

+355692387089

Website

Alerts

Be the first to know and let us send you an email when SEEP posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to SEEP:

Shortcuts

Share

Category