Drejtësi Sociale

Website Contact the organization

Drejtësi Sociale Misioni i organizatës është të kontribuojë për respektimin e të drejtave të njeriut dhe dinjitetin njerëzor.

04/10/2026

Panajot Alushi, aktivist për të drejtat e minoritetit rom, ka bërë thirrje publike për drejtësi.

Pas njohjes me thirrjen e tij, e kontaktuam për tu informuar dhe i sqaruam më pas fazën procedurale në të cilën ndodhet çështja, si dhe i ofruam marrjen përsipër të përfaqësimit të tij ligjor në procesin gjyqësor që do të shqyrtojë kërkesën e prokurorisë për pushimin e çështjes.

Më 13 dhjetor 2013, Policia e Shtetit shkoi në fshatin Drizë, në Fier, me qëllim arrestimin e një personi të shpallur në kërkim. Sipas familjes së Panajot Alush*t, persona të veshur civilë, disa prej tyre të maskuar dhe të armatosur, hynë në oborrin e banesës së tyre, përdorën forcë dhe goditën disa anëtarë të familjes. Nga ana tjetër, policia paraqiti një version të ndryshëm të ngjarjes, duke pretenduar se familjarët kishin penguar zhvillimin e operacionit policor.

Familja Alushi e fitoi çështjen në Gjykatën Evropiane të të Drejtave të Njeriut (GJEDNJ). Ndër detyrimet që rridhnin nga ky vendim ishte edhe kryerja e një hetimi efektiv mbi veprimet e punonjësve të Policisë së Shtetit gjatë operacionit në fjalë.

Pas hetimeve të kryera, Prokuroria e Fierit i është drejtuar gjykatës me kërkesë për pushimin e çështjes, me argumentin se fakti objekt i procedimit penal, në formën e paraqitur dhe bazuar në provat e administruara, nuk parashikohet nga ligji si vepër penale.

Si “Drejtësi Sociale”, i jemi drejtuar Komisionerit për Mbrojtjen nga Diskriminimi me një ankesë lidhur me trajtimin e p...
04/10/2026

Si “Drejtësi Sociale”, i jemi drejtuar Komisionerit për Mbrojtjen nga Diskriminimi me një ankesë lidhur me trajtimin e pabarabartë të personave me aftësi të kufizuara mbi 18 vjeç.

Me Vendimin nr. 590, datë 22.07.2026, Këshilli i Ministrave dyfishoi pagesën për personat me aftësi të kufizuara nën 18 vjeç, ndërsa e njëjta masë nuk u aplikua për personat mbi 18 vjeç.

Kjo diferencë në trajtim ngre shqetësime serioze lidhur me respektimin e parimit të barazisë dhe mosdiskriminimit.

30/09/2026

Reagim mbi shprehjet diskriminuese të një avokatit që vetëpërcakton profesionet e qytetarëve

Para disa ditësh, një avokat, në një deklaratë publike lidhur me zv.ministren Majko, përdori një gjuhë thellësisht diskriminuese ndaj minoritetit egjiptian.

Si organizata, por veçanërisht si pjesëtarë të këtij komuniteti, që kemi investuar vite në arsimim dhe specializim në fusha të ndryshme, i kujtojmë se nuk ekziston as në ADN-në e askujt, as në ligj dhe as në ndonjë normë shoqërore, përcaktimi se egjiptianët janë të destinuar vetëm për të pastruar qytetin apo për të lyer këpucët.

Egjiptianët, pavarësisht numrit të tyre dhe barrierave të krijuara ndër vite nga paragjykimet, kanë kontribuar në shoqëri dhe kanë mbajtur edhe pozicione të rëndësishme në administratën publike, duke dëshmuar profesionalizëm dhe integritet.
Profesionin e një qytetari nuk e përcakton përkatësia e tij etnike. E përcaktojnë arsimi, aftësitë, puna dhe meritokracia.

Vlerësojmë maksimalisht ndërhyrjen dhe trajtimin e kësaj çështjeje nga Komisioneri për Mbrojtjen nga Diskriminimi

Deklarata të tilla nuk janë thjesht të papërshtatshme. Ato janë të papranueshme dhe të patolerueshme, veçanërisht kur vijnë nga persona që ushtrojnë profesionin e avokatit dhe që duhet të jenë ndër të parët që mbrojnë barazinë dhe dinjitetin njerëzor.

Së bashku me punonjësen e Zyrës së Ndihmës Juridike Falas dhe Drejtoreshën e Qendrës Komunitare Nishtullë, dolëm në terr...
30/09/2026

Së bashku me punonjësen e Zyrës së Ndihmës Juridike Falas dhe Drejtoreshën e Qendrës Komunitare Nishtullë, dolëm në terren për të informuar dhe identifikuar nga afër shqetësimet dhe problematikat e banorëve të komunitetit rom në Nishtullë.

Një ndër problematikat më urgjente të evidentuara ishte kanali kullues, i cili është i mbushur me mbetje dhe ujëra të ndotura, duke shkaktuar ndotje të mjedisit, erë të rëndë dhe rrezik për përmbytje.

Në kuadër të angazhimit tonë, përgatitëm shkresën përkatëse, e cila po nënshkruhet nga familjet e komunitetit me mbështetjen e paralegjorit tonë në qytetin e Durrësit. Shkresa do t’i drejtohet Bashkisë Durrës, me kërkesën për ndërhyrje konkrete dhe rehabilitimin e kanalit kullues.

Ky aktivitet realizohet me mbështetjen e projektit EQUALS – “Shërbime Juridike me Cilësi të Përmirësuar”, i cili zbatohet nga Programi i Kombeve të Bashkuara për Zhvillim (UNDP), në partneritet me Ministrinë e Drejtësisë dhe me fondet e Agjencisë Austriake për Zhvillim (ADA), si pjesë e Partneriteteve Ndërkombëtare të Austrisë.

Dje me punonjësit e pastrimit zhvilluam takim me përfaqësues të Ministrisë së Ekonomisë për të kërkuar rishikimin e Vend...
29/09/2026

Dje me punonjësit e pastrimit zhvilluam takim me përfaqësues të Ministrisë së Ekonomisë për të kërkuar rishikimin e Vendimit të Këshillit të Ministrave për profesionet e vështira dhe të rrezikshme, për të përfshirë edhe sektorin e pastrimit, që prej disa kohësh e kemi kërkuar së bashku me organizatën Lëvizja Rinore Egjiptiane Rome.

Punonjësit patën mundësinë të shprehin vështirësitë e profesionit dhe rastet kur janë rrezikuar në vendin e punës nga ana shëndetësore.

Institucionet që kemi takuar kanë treguar gatishmëri dhe ne do të vijojmë procesin e advokimit për ta shtyrë nismën përpara.

Familjet marrin lekët e bonusit të qerasë!Në kuadër të projektit për aksesin në drejtësi, ofruam asistencë juridike për ...
26/09/2026

Familjet marrin lekët e bonusit të qerasë!

Në kuadër të projektit për aksesin në drejtësi, ofruam asistencë juridike për familjet rome dhe egjiptiane në aplikimin për bonusin e qirasë.
Nga plotësimi i dokumentacionit te ndjekja e procedurave, mbështetja jonë ndihmoi që familjet të shpalleshin përfituese.
Por mbështetja jonë vazhdoi duke organizuar familjet që të nxisnim bashkinë të mos vononte kalimin e lekëve, pasi këto familje janë në situatë të vështirë ekonomike.

Me mbështetjen e projektit EQUALS – “Shërbime Juridike me Cilësi të Përmirësuar”, zbatuar nga UNDP në partneritet me Ministrinë e Drejtësisë dhe me fonde të ADA.

22/09/2026

Dje u bë virale në rrjetet sociale reagimi i pastrueses në qendër të qytetit të Tiranës, ku reagonte në mënyrë të ashpër ndaj një qytetari që, sipas tij, kërkonte të përdorte tualetet publike.

Sot, si pasojë e asaj videoje, zonja u largua nga puna.

Por si ka qenë e vërteta? A kemi të bëjmë me raste të përsëritura të ngacmimeve seksuale ndaj punonjëseve të pastrimit? A janë këto punëtore ndër më të përbuzurat nga shoqëria dhe ndër më të keqpaguarat nga qeveria/kompania? A duhet që ky sektor të përfshihet te punët me vështirësi dhe të mos paguhet me rrogën minimale?

Dëgjojeni zonjën 👇

08/09/2026

Punonjësit e pastrimit duhet të trajtohen me dinjitet!

Situata në sektorin e pastrimit, thuajse në çdo bashki të vendit, vijon të jetë e njëjtë: një punë me rëndësi jetike për qytetin, por që nënvlerësohet dhe punonjësit e saj trajtohen pa dinjitet.
Nën temperatura të larta, në një punë që i ekspozon çdo ditë ndaj rreziqeve fizike dhe shëndetësore, në fund të muajit shumë prej tyre përballen edhe me shkeljen e të drejtave të tyre dhe me paga që nuk i përgjigjen vështirësisë së punës që bëjnë.
Mosrespektimi i kushteve të kontratës së punës, mungesa e kontratës në raste të caktuara dhe niveli i ulët i pagave e bëjnë të domosdoshme njohjen e këtij profesioni si punë të vështirë dhe të rrezikshme, duke e përfshirë në listën përkatëse të profesioneve.
Kjo nuk është vetëm një çështje pagash. Është çështje dinjiteti, sigurie dhe drejtësie.
Nuk mund të kërkojmë qytete të pastra pa garantuar dinjitet për ata që i pastrojnë ato.

paga të drejta, mbrojtje dhe kushte të sigurta pune.

Në Platformën e Konsultimit Publik ishte publikuar draft-projektligji për ndryshimet në ligjin për strehimin social. Si ...
01/09/2026

Në Platformën e Konsultimit Publik ishte publikuar draft-projektligji për ndryshimet në ligjin për strehimin social. Si Drejtësi Sociale, dërguam komentet dhe propozimet tona, ku theksuam nevojën për një ndryshim që do të mundësonte që, në raste të veçanta dhe të justifikuara, i njëjti individ ose familje të përfitonte njëkohësisht nga dy programe të strehimit social, kur kombinimi i tyre është i nevojshëm për garantimin e një strehimi të qëndrueshëm dhe të përshtatshëm.

Address

Rruga "Riza Cerova", 23
Tirane
1001

Website

Alerts

Be the first to know and let us send you an email when Drejtësi Sociale posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Drejtësi Sociale:

Shortcuts

Share

Category