29/05/2023
Në vitin e 4-ët të punës tonë si Nisma e Luleve jemi angazhuar kryeshisht me projekte të karakterit Mjedisor dhe përgjatë rrugës tone kemi gjetur përkrahjen e Organizatave më të mëdha Mjedisore!
Të vendosur për të çuar deri në fund, jemi shumë falënderues ndaj kujdo që i bashkohet misionit tonë për të përcejll mesazhe sensibilizuese në komunitet deri sa të impaktojmë në instanca më të larta ligj-vënëse dhe ligj-zbatuese sa i takon problematikave mjedisore të identifikura.
Kemi filluar me Lulet, kemi vijuar me Pastrimin e Detit dhe sëfundi kemi sjell konceptin e Riciklimit të Gomave apo mbetjeve që gjenden në fund të detit. ♻♻♻
Vitin e fundit kemi pasur përkrahjen e organizatës GREEN-AL me një projekt të financuar nga Agjencia Ndërkombëtare Suedeze për Bashkëpunim dhe Zhvillim me fondet e Qeverisë Suedeze, i zbatuar nga Co-PLAN, Instituti për Zhvillimin e Habitatit në bashkëpunim me CISP Sviluppo dei Popoli, VIS Albania dhe COSV - Cooperation for Sviluppo.
Duke punuar ngushtësisht me këto organizata kemi ndarë shpesh ide dhe diskutime se çfarë mund të bëjmë më mirë e si mund të përmirësohemi.
Një falënderim të veçantë ekspertit mjedisor Erni Kocani, pjesë e stafit Co-Plan i cili na është gjendur me ide të vlefshme për ta çuar para këtë projekt, si dhe koordinatoren aktuale të projektit Sonila Xhemali dhe atë paraardhëse Borana Pepa, si pjesë e stafit të COSV - Cooperation for Sviluppo.
Me Aktivitetin nr.30 dhe 2213 goma të nxjerra e mbyllim bashkëpunimin aktual me Green-Al i cili na ka mbështur për 7 aktivitetet e fundit dhe ku Nisma e Luleve ka mundur të nxjerr rreth 400 goma në saj të këtij projekti.
Faleminderit për të gjithë vullnetarët dhe qytetarët që nuk janë lodhur duke na ndjekur dhe përkrahur në këto 4 vite si duke na u bashkuar ashtu dhe duke na inkurajuar të vazhdojmë përpara.
Ne do të vazhdojmë me projekte dhe më të mëdha dhe më të bukura për Sarandën tonë, Sarandën e gjithë Shqiptarëve.
