30/07/2026
THIRRJE PËR EKSPERT / TRAJNER
Vlerësimi i situatës së shërbimeve për të moshuarit në nevojë
ARC – Albanian Resilience Centre, në kuadër të zbatimit të projektit “Zhvillimi i shërbimeve sociale të integruara për të moshuarit në nevojë”, të financuar nga Agjencia për Mbështetjen e Shoqërisë Civile (AMSHC) dhe që zbatohet në Bashkinë Tiranë, shpall thirrjen për kontraktimin e një Eksperti / Trajneri për realizimin e një vlerësimi të situatës së shërbimeve për të moshuarit në nevojë.
Qëllimi i projektit
Projekti synon të kontribuojë në përmirësimin e cilësisë së jetës së të moshuarve në nevojë përmes:
* zhvillimit dhe ofrimit të shërbimeve të integruara sociale dhe shëndetësore;
* forcimit të kapaciteteve të profesionistëve lokalë;
* rritjes së aksesit në mbështetje të drejtpërdrejtë dhe psikosociale në Njësinë Administrative nr. 1 të Bashkisë Tiranë.
Objekti i angazhimit
Eksperti i kontraktuar do të angazhohet për realizimin e një vlerësimi të situatës së të moshuarve vulnerabël dhe të shërbimeve ekzistuese në territor, me fokus në:
* vlerësimin e nevojave sociale, ekonomike dhe shëndetësore të të moshuarve në nevojë;
* identifikimin dhe analizimin e shërbimeve sociale dhe shëndetësore të disponueshme në territor;
* vlerësimin e kapaciteteve të profesionistëve lokalë për ofrimin e shërbimeve dhe menaxhimin e rasteve;
* hartimin e rekomandimeve për përmirësimin dhe integrimin e mëtejshëm të shërbimeve.
Kriteret e kërkuara
Kandidati duhet të plotësojë kriteret e mëposhtme:
* Diplomë universitare në Shkenca Sociale ose fusha të ngjashme;
* Të ketë minimumi 5 (pesë) vite përvojë profesionale në realizimin e vlerësimeve, studimeve ose analizave, preferueshëm në fushën sociale;
* Të zotërojë aftësi të provuara teknike, analitike dhe metodologjike për realizimin e vlerësimeve në terren;
* Të ketë aftësi të mira në hartimin e raporteve dhe formulimin e rekomandimeve praktike.
Dokumentacioni për aplikim
Kandidatët duhet të paraqesin:
1. Jetëshkrimin (CV) të përditësuar;
2. Ofertën teknike dhe financiare për 12 (dymbëdhjetë) ditë pune.
Oferta teknike duhet të përmbajë:
* planin e punës dhe afatet e realizimit;
* metodologjinë e propozuar të vlerësimit;
* instrumentet dhe teknikat e mbledhjes së të dhënave;
* strukturën e raportit përfundimtar të vlerësimit.
ARC rezervon të drejtën të kërkojë informacion ose dokumentacion shtesë nga kandidati i përzgjedhur për verifikimin e kualifikimeve dhe ekspertizës së deklaruar.
Afati dhe mënyra e aplikimit
Dokumentacioni i aplikimit duhet të dërgohet deri më 7 gusht 2026, ora 22:00, në një nga mënyrat e mëposhtme:
Me e-mail: [email protected]
Ose fizikisht, në zarf të mbyllur, në adresën:
ARC – Albanian Resilience Centre
Rr. “Sami Frashëri”, Sheshi Wilson,
pranë Gjimnazit “Petro Nini”,
Tiranë, Shqipëri.
Informacion kontakti
Për çdo informacion të mëtejshëm, ju lutemi kontaktoni në adresën elektronike:
[email protected]
