25/11/2025
Vetëm një gjë kam frikë: a do të mundem unë të shpreh një pjesë të dashurisë s’ime për Safolinën time, për lirinë, për jetën, për lumturinë?
Se të them të vërtetën: vullkan më është bërë Dashuria për goçen t’ime! Në orët e agonisë, në çastet kur Mortja më vinte pranë dhe më kërciste dhëmbët e saj duke më tallur “i mjeri ti! A je gati? Ja dhe pak çaste, dhe mbarove!...” Unë ekzaminoja me qetësi ndërgjejen t’ime dhe thoshja: “A e kam dashur sa duhet goçen t’ime? A e kam përkëdhelur dhe a i kam dhënë ndopak lumturi në nisjen e romancit t’onë që po mbaron me një dramë nga më të ngjethshmet e jetës?” Sytë e goçes s’ime më shikonin dhe më depërtonin gjer në palcën e fuqive të mia të paka që kishin mbetur…
Ps. Në një dië si kjo lindi në Dhërmi, në vitin 1913 shkrimtari, gazetari, poeti e publicisti Petro Marko.
