World Health Organization in Albania

16/10/2026

14/10/2026

Trajtimet për kancerin e gjirit janë më të efektshme dhe përballohen më lehtë kur nisin herët dhe ndiqen deri në përfundim.

1️⃣ 𝗞𝗶𝗿𝘂𝗿𝗴𝗷𝗶𝗮 mund të heqë vetëm indin kanceroz (lumpektomi) ose të gjithë gjirin (mastektomi). Gjatë ndërhyrjes mund të hiqen edhe nyje limfatike, për të vlerësuar mundësinë e përhapjes së kancerit.

2️⃣ 𝗥𝗮𝗱𝗶𝗼𝘁𝗲𝗿𝗮𝗽𝗶𝗮 luan një rol shumë të rëndësishëm në trajtimin e kancerit të gjirit në çdo stad të sëmundjes.

3️⃣ 𝗧𝗲𝗿𝗮𝗽𝗶𝗮 𝘀𝗶𝘀𝘁𝗲𝗺𝗶𝗸𝗲, që vepron në të gjithë organizmin, mund të jepet para ose pas operacionit. Zgjedhja e saj bëhet në bazë të karakteristikave biologjike të tumorit.

12/10/2026

Kujdesi paliativ është pjesë thelbësore e një sistemi të fortë shëndetësor.
Ekipet e kujdesit paliativ bashkojnë profesionistë të fushave të ndryshme për t’u ofruar mbështetje personave që jetojnë me sëmundje të rënda që kufizojnë jetëgjatësinë. Ato ndihmojnë në lehtësimin e dhimbjes dhe simptomave të tjera shqetësuese, duke u kujdesur edhe për nevojat psikologjike, sociale dhe shpirtërore.
Të vendosësh njeriun në qendër të kujdesit do të thotë që askush të mos e përballojë i vetëm një sëmundje të rëndë. Edhe familjarët dhe të afërmit kanë nevojë për informacion, udhëzim dhe mbështetje.
Kur politikat shëndetësore sigurojnë që kujdesi paliativ të jetë i arritshëm, me kosto të përballueshme dhe pjesë e shërbimeve të përditshme në të gjithë Rajonin Europian të OBSH-së, ato ndihmojnë në ndërtimin e sistemeve shëndetësore më të qëndrueshme, më njerëzore dhe më të afta për t’iu përgjigjur nevojave të njerëzve.
Mësoni më shumë: https://bit.ly/3L5BvBC

10/10/2026

💬 T’u japim vend në tryezën e vendimmarrjes njerëzve që i kanë përjetuar vetë sfidat e shëndetit mendor.

Pjesëmarrja kuptimplotë do të thotë t’i përfshijmë që në fillim në hartimin e politikave dhe formësimin e shërbimeve, së bashku me vendimmarrësit, profesionistët dhe komunitetet.

Në Ditën Botërore të Shëndetit Mendor, kjo thirrje e Zyrës Rajonale të OBSH-së për Europën gjen jehonë edhe në shkrimin e Ritvana Hajdarit, anëtare e Grupit Këshillimor Rinor të OKB-së në Shqipëri, të publikuar nga UN Albania.

Pas një «Jam mirë» mund të fshihen presioni, pasiguria për të ardhmen dhe vështirësia për të ditur ku të kërkosh mbështetje. Ritvana na kujton se të rinjtë duhet të jenë pjesë e formësimit, monitorimit dhe përmirësimit të shërbimeve që u drejtohen. Zëri i tyre duhet të ndikojë në vendimet që prekin mirëqenien e tyre.

📘 Udhërrëfyesi i WHO Regional Office for Europe, i bashkëhartuar me njerëz me përvojë të drejtpërdrejtë të sfidave të shëndetit mendor, paraqet gjashtë veprime për ta bërë këtë pjesëmarrje realitet:
https://bit.ly/4uF5oek

✍️ Lexoni shkrimin e Ritvana Hajdarit, «Përtej “Jam mirë”: pesha e heshtur që mbajnë të rinjtë»:
https://albania.un.org/en/324125-beyond-%E2%80%9Ci%E2%80%99m-fine%E2%80%9D-quiet-weight-carried-youth

Dëgjoni. Përfshini. Veproni.



WHO Regional Office for Europe
United Nations Albania
UNICEF Albania

08/10/2026

Çdo minutë, një grua diagnostikohet me në Rajonin Europian të OBSH-së.
Lajmi i mirë është se mundësitë për shërim janë shumë të larta kur sëmundja zbulohet në fazat e hershme dhe trajtohet siç duhet.
👉 Nëse vëreni një gjëndër të pazakontë në gji, drejtojuni mjekut — edhe nëse nuk ju dhemb.
💡 Shumica e gjëndrave në gji nuk janë kanceroze.
Kur janë kanceroze, mundësitë për trajtim të suksesshëm janë më të mëdha nëse zbulohen kur janë ende të vogla dhe kanceri nuk është përhapur.

06/10/2026

ka mundësi të larta shërimi nëse zbulohet në fazat e hershme dhe trajtohet siç duhet.
Nëse vini re një masë të pazakontë në gji, drejtojuni mjekut, edhe nëse nuk shkakton dhimbje.
Shumica e masave në gji nuk janë kanceroze.
Kur një masë në gji është kanceroze, mundësitë për trajtim të suksesshëm janë më të mëdha nëse ajo është ende e vogël dhe kanceri nuk është përhapur në nyjat limfatike përreth.

05/10/2026

🛡️Preventing disease and being ready for health emergencies are central to protecting lives in Albania.

In his first visit to a health institution in Albania since taking up his role, WHO Representative Dr Fabio Scano met Institute of Public Health Director Dorina Toçi and programme leads to discuss where WHO’s support can make the greatest difference.

Building on a longstanding partnership, discussions focused on strengthening immunization and disease surveillance, improving breast and cervical cancer screening, and advancing to***co control, among others. Emergency preparedness was another priority, with an emphasis on turning the National Action Plan for Health Security into funded, practical action.

🇦🇱 Dr Scano highlighted WHO’s readiness to support public health legislation and its implementation as Albania advances towards EU accession. He also encouraged greater participation by Albanian experts in WHO scientific and advisory bodies, building on the Institute’s operational research capacity.

🤝 WHO will continue working with the Institute to translate public health priorities into action that protects communities and improves people’s health and well-being.
--

🛡️ Parandalimi i sëmundjeve dhe gatishmëria për emergjencat shëndetësore janë thelbësore për mbrojtjen e jetës dhe shëndetit të njerëzve në Shqipëri.

Në vizitën e tij të parë në një institucion shëndetësor në Shqipëri që prej marrjes së detyrës, Përfaqësuesi i OBSH-së, Dr Fabio Scano, u takua me Drejtoreshën e Institutit të Shëndetit Publik, Dorina Toçi, dhe drejtuesit e programeve për të diskutuar fushat ku mbështetja e OBSH-së mund të ketë ndikimin më të madh.

Duke u mbështetur në një partneritet të konsoliduar ndër vite, diskutimet u përqendruan, ndër të tjera, në forcimin e imunizimit dhe mbikëqyrjes së sëmundjeve, përmirësimin e depistimit për kancerin e gjirit dhe të qafës së mitrës, si dhe avancimin e kontrollit të duhanit. Një tjetër përparësi ishte gatishmëria për emergjencat shëndetësore, me fokus në kthimin e Planit Kombëtar të Veprimit për Sigurinë Shëndetësore në masa konkrete dhe të financuara.

🇦🇱 Dr Scano nënvizoi gatishmërinë e OBSH-së për të mbështetur legjislacionin në fushën e shëndetit publik dhe zbatimin e tij, ndërsa Shqipëria përparon drejt anëtarësimit në Bashkimin Europian. Ai inkurajoi gjithashtu një përfshirje më të madhe të ekspertëve shqiptarë në organet shkencore dhe këshillimore të OBSH-së, duke u mbështetur në kapacitetet e Institutit për kërkim operacional.

🤝 OBSH do të vijojë bashkëpunimin me Institutin për t’i kthyer prioritetet e shëndetit publik në veprime konkrete që mbrojnë komunitetet dhe përmirësojnë shëndetin dhe mirëqenien e njerëzve.


Instituti i Shëndetit Publik - Faqja zyrtaregov.al

01/10/2026

Tetori është Muaji i Ndërgjegjësimit për Kancerin e Gjirit.

është kanceri më i shpeshtë te gratë në mbarë botën, por në shumë raste mund të shërohet.

Në nivel global, kanceri i gjirit është shkaku kryesor i vdekjeve nga kanceri te gratë dhe përbën rreth 1 në 6 vdekje nga kanceri në këtë grup.

Lajmi i mirë është se kanceri i gjirit ka mundësi shumë të larta shërimi kur zbulohet në fazat e hershme dhe sigurohet trajtimi i duhur.

29/09/2026

💔 Sëmundjet kardiovaskulare janë shkaku kryesor i vdekjeve në Rajonin Europian të OBSH-së dhe në mbarë botën.

💔 Ato janë gjithashtu një shkaktar i rëndësishëm për aftësi të kufizuara dhe ulje të cilësisë së jetës.

💔 Shumë sëmundje kardiovaskulare mund të parandalohen përmes:

Krijimit të mjediseve më të shëndetshme dhe zvogëlimit të ekspozimit ndaj faktorëve të rrezikut, si duhani, alkooli, ushqyerja jo e shëndetshme dhe mungesa e aktivitetit fizik;

Investimit në parandalim dhe në kujdes shëndetësor parësor të aksesueshëm;

Zbulimit dhe menaxhimit të hershëm të tensionit të lartë të gjakut dhe niveleve të larta të sheqerit në gjak.

👉 https://bit.ly/3EXrynl

28/09/2026

💡 Konsumimi më i paktë i alkoolit mund të ndihmojë shëndetin dhe mirëqenien tuaj.
Alkooli rrit rrezikun e kancerit, sëmundjeve kardiovaskulare dhe problemeve të tjera shëndetësore. Sa më pak alkool të pini, aq më i ulët është rreziku për shëndetin tuaj.
Edhe disa hapa të vegjël mund të ndihmojnë: zgjidhni pije pa alkool, caktoni ditë kur nuk konsumoni fare alkool ose konsumojeni atë më rrallë.
👉 Mësoni më shumë për alkoolin dhe ndikimin e tij në shëndet në faqen tonë rreth parandalimit: https://bit.ly/4xT1Zcd