Shkolla e Drejtorëve

20/05/2026

Moduli i trajnimit: “Edukimi për qëndrueshmërinë dhe mbrojtjen e mjedisit”
Trajnim Online: dt. 2-3 Qershor 2026
Kohëzgjatja: 8 orë
Numri i krediteve: 8 kredite

Moduli “Edukimi për qëndrueshmërinë dhe mbrojtjen e mjedisit” është me rëndësi thelbësore pasi pajis mësuesit me njohuri dhe mjete praktike për të integruar konceptet e zhvillimit të qëndrueshëm dhe aftësitë e gjelbra në procesin mësimor. Ai ndihmon në transformimin e arsimit drejt një qasjeje më gjithëpërfshirëse, që nxit mendimin kritik, kreativitetin dhe përgjegjësinë qytetare te nxënësit. Përmes këtij trajnimi, mësuesit kontribuojnë në ndërtimin e një kulture shkollore që promovon qëndrueshmërinë, mbrojtjen e mjedisit dhe zhvillimin e kompetencave për jetesë të qëndrueshme.
Valbona Begolli është eksperte dhe trajnere me mbi 10 vite përvojë në menaxhimin e projekteve dhe zhvillimin e ndërmarrjeve të vogla dhe të mesme. Aktualisht ajo drejton Albacademy, duke udhëhequr programe konsulence dhe trajnimi në sipërmarrje, inovacion dhe zhvillim organizativ. Si trajnere e certifikuar, ka bashkëpunuar me organizata ndërkombëtare si GIZ dhe European Bank for Reconstruction and Development për zhvillimin e moduleve trajnuese dhe mbështetjen e bizneseve e grave sipërmarrëse. Përvoja e saj përfshin planifikimin strategjik, vlerësimin dhe ndërtimin e kapaciteteve për forcimin e menaxhimit efikas dhe të qëndrueshëm.

Afati i aplikimit dhe pagesës: 1 Qershor 2026

Tarifa e aplikimit: ALL 1500

Link-u i aplikimit: https://trajnime.arsimi.rash.al/aplikim/24150 Suksese!

19/05/2026

🎙️ Projektet e brezit të VIII të Shkollës së Drejtorëve po marrin jetë në shkollat e vendit!

Në gjimnazin “Oso Kuka”, aspirantët e brezit të VIII kanë sjellë në jetë projektin inovativ të podcastit “ZA OK” – Zëri i Oso Kukës.

Ky podcast krijon një hapësirë të hapur dhe frymëzuese ku gjimnazistët mund të shprehin mendimet, idetë, talentet dhe shqetësimet e tyre, duke u bërë pjesë aktive e jetës së shkollës dhe komunitetit. Përmes bisedave, diskutimeve dhe historive frymëzuese, “ZA OK” synon të forcojë komunikimin, kreativitetin dhe kulturën e bashkëpunimit mes të rinjve.

Ky projekt është një shembull konkret se si lidershipi në arsim mund të nxisë inovacionin, përfshirjen dhe fuqizimin e zërit të nxënësve në shkollë.

14/05/2026

Moduli i trajnimit: “Të nxënit e personalizuar”
Trajnim Online: dt. 28-29 Maj 2026
Kohëzgjatja: 8 orë
Numri i krediteve: 8 kredite

Moduli i trajnimit: “Të nxënit e personalizuar” synon të forcojë kuptimin dhe zbatimin e qasjeve bashkëkohore që vendosin në qendër nevojat, stilet dhe potencialin individual të nxënësit, duke i ofruar mësuesit mjete konkrete për të ndërtuar mjedise gjithëpërfshirëse dhe fleksibël të të nxënit.
Desara Agaj është Profesoreshë e Associuar në Departamentin e Psikologjisë dhe Pedagogjisë pranë Universiteti i Tiranës, ku shërben edhe si Koordinatore Institucionale në Sektorin e Sigurimit të Cilësisë që nga viti 2020. Ajo ka një përvojë të gjatë akademike si lektore në fusha si Psikologjia Zhvillimore, Edukimi Special dhe Psikologjia Edukative. Mban titullin Doktor i Shkencave në Psikologji dhe kërkimet e saj fokusohen kryesisht në varësinë nga interneti dhe faktorët psikologjikë të lidhur me të. Gjithashtu, është bashkëautore e librit “Psikologjia Zhvillimore për Fëmijët me Nevoja të Veçanta”.

Afati i aplikimit dhe pagesës: 28 Maj 2026

Tarifa e aplikimit: ALL 1500

Link-u i aplikimit: https://trajnime.arsimi.rash.al/aplikim/24149

Suksese!

13/05/2026

📌Një hap më pranë arsimit digjital!

💻Shkolla e Drejtorëve kontribuoi sot në pasurimin dhe fuqizimin e klasës së Inteligjencës Artificiale të gjimnazit “Ismail Qemali” në Tiranë.

📍Investimi në edukim dhe teknologji është investim për të ardhmen e të rinjëve tanë!

11/05/2026

📣Në datat 4–8 Maj u prezantuan projektet e brezit të dytë të Programit të Trajnimit të Detyrueshëm për arsimin parashkollor.

👏 Falenderojmë të gjithë pjesëmarrësit për angazhimin dhe përkushtimin, ndërsa ju urojmë shumë suksese dhe arritje në vazhdim!

07/05/2026

30/04/2026

📣Hapet thirrja e 13-të për aplikime në Programin e Trajnimit të Detyrueshëm Përgatitor për Certifikim për Drejtues të Institucioneve të Arsimit Parauniversitar.

👇👇👇
Për më tepër informacion lexoni:
https://csl.edu.al/slider/thirrja-e-13-te-per-aplikime-ne-programin-e-trajnimit-te-detyrueshem-pergatitor-per-certifikim-per-drejtues-te-institucioneve-te-arsimit-parauniversitar/

👇👇👇
Për aplikime kliko këtu:
https://www.edu4schools.gr/AdmissionCSL

30/04/2026

⬆️Shkolla e Drejtorëve mirëpriti për të 3in vit radhazi nxënës të mrekullueshëm në kuadër të programit “Lider për një ditë” i organizuar nga

👭🧍‍♀️Aida,Amela dhe Akea patën mundësinë të njihen nga
afer me punën dhe sfidat e drejtimit në arsim, ndërsa
ne patëm privilegjin të dëgjojmë perspektivat e tyre të
freskëta dhe plot frymëzim.

🙏🏻Falënderojmë Junior Achievement Albania për ketë
nismë fantastike dhe urojmë që kjo eksperiencë të jetë
vetem hapi i paré ne rrugen e tyre drejt udheheqjes!

21/04/2026

Moduli i trajnimit: “Menaxhimi efektiv dhe mirëqenia në klasë”
Trajnim Online: dt. 4-5 Maj 2026
Kohëzgjatja: 8 orë
Numri i krediteve: 8 kredite

Moduli “Menaxhimi efektiv dhe mirëqenia në klasë” synon të zhvillojë aftësi e njohuri te mësuesit në krijimin e një klime pozitive, të sigurt dhe gjithěpěrfshirëse në mjedisin mësimor. Përmes kētij moduli trajtohen strategji praktike për menaxhimin efektiv të klasës, përmirësimin e komunikimit me nxënësit parandalimin dhe menaxhimin e konflikteve, si dhe promovimin e mirëqënies emocionale dhe motivimit të nxënësve.
Dhurata Myrtollari është diplomuar në degën Gjuhë-Letërsi në Universitetin “Eqerem Çabej” në Gjirokastër dhe ka mbi 30 vite përvojë në arsimin parauniversitar në Shqipëri, si mësuese dhe drejtuese në shkolla të mesme dhe 9-vjeçare. Ajo mban titullin “Ambasadore” e rrjeteve eTwinning dhe Scientix, komunitete evropiane të mësuesve dhe drejtuesve të financuara nga Komisioni Evropian, si dhe është Mësuese Inovatore e Microsoft-it që prej vitit 2016. Prej vitit 2020, është trajnere për zhvillimin profesional të mësuesve në Shqipëri. Gjithashtu, ka qenë trajnere për projektin “Të drejtat e fëmijëve”, të zhvilluar nga Ambasada e Sllovenisë në bashkëpunim me organizatën CRCA.

Afati i aplikimit dhe pagesës: 3 Maj 2026

Tarifa e aplikimit: ALL 1500

Link-u i aplikimit: https://trajnime.arsimi.rash.al/aplikim/23393

Suksese!

17/04/2026

Shkolla e Drejtorëve, në kuadër të vizitave të saj monitoruese pranë shkollave mentorale, zhvilloi sot vizitën e radhës në shkollat 9-vjeçare “24 Maji” dhe “Halim Xhelo” në Vlorë.

Kjo vizitë u karakterizua nga një atmosferë bashkëpunimi dhe shkëmbimi përvojash, duke synuar forcimin e praktikave të mira në drejtimin dhe menaxhimin e institucioneve arsimore.