02/09/2026
Të dashur miq!
Futtbolli të dhuron momente shumë të bukura, emocionuese që arkivohen në kujtesën personale po aq sa dhe në kujtesën kolektive, për t'u hapur në të.ardhme mes miqsh e kolegësh si formë nostalgjie, e një ndër to është momenti i fundit, ndeshja e fundit, bilbili i fundit, offside i fundit, vendimi i fundit, protesta e fundit, nota e fundit, 90 minutëshi i fundit, emocioni i fundit që turbullon gjithë vitet e investuara në këtë botë të bukur të drejtësisë sportive
Ndeshja e luajtur midis Partizanit dhe Laçit , ditën e shtunë, datë 30.08.2026 e vlefshme për javën
e dytë të Abissnet Superiore, shënoi dhe ndeshjen e fundit në karrierë të anëtarit të Kolegjiumit
të Arbitrave të Patosit, Nuri Rrapaj🥹.
Ai u vlerësua përpara fillimit të ndeshjes nga Presidenti i Bashkimit të Arbitrave Shqiptar të
Futbollit z.Tahir Kastrati dhe nga anëtari i Komitetit të Caktimit të Arbitrave z.Arjan Mali për
punën dhe kontributin e tij shumë vjeçar në arbitrimin shqiptar.
Nuri Rrapaj lindi më 20 shkurt 1984 në Patos. Që në moshë të re iu përkushtua arbitrimit duke
lënë gjurmë, por dhe duke qenë një copëz krenarie e sportit patosarak dhe kontributor për më
shumë se dy dekadash në arbitrimin vendas e veçanërisht në elitën e futbollit shqiptar, atë të
Abissnet Superiore (Kategoria Superiore)
Me përfshirjen në botën e arbitrimit, Nuriu shfaqi atashim të menjëhershëm me fushën e blertë,
drejtësinë sportive, harmoninë në grup dhe bashkëpunim me kolegët. Fjalë pak e punë shumë
ishin virtytet që e karakterizonin Rrapajn, virtyte që shumë shpejt u përkthyen në ngjitjen e tij në
elitën e arbitrimin shqiptar duke dhënë drejtësi në fushën e blertë për më shumë se 23 vite vite dhe
në Kategorinë superiore afro 15 vjet, aq sa ndeshjet e zhvilluara me të tregonin
qetësi, qartësi, eksperiencë, integritet të lartë e besueshmëri nga kushdo arbitër tjetër.
Ai numëron 76 ndeshje në Kategorinë SUPERIORE , 46 ndeshje në Kategorinë E PARË, 26
ndeshje në KUPËN e Shqipërisë, 10 ndeshje të Kategorisë Superiore për Femra , mbi 100 ndeshje
në Kategorinë e DYTË dhe 2 ndeshje në UEFA YOUTH LEAGUE duke mbyllur kështu një
karrierë të larmishme me një numër total prej 260 ndeshjesh.
Koelgjiumi i Arbitrave të Patosit i shpreh mirënjohjen e thellë dhe falenderimin e
jashtëzakonshëm Nuriut jo vetëm për kontributin e tij në arbitrimin shqiptar, por mbi të gjitha
për personalitetin e tij, punën e treguar në vite si shembull i arritjes së shumëçkaje me meritë,
djersë e mund, bashkëpunimin, familjarizimin me grupin, shembuj të cilat i mbeten Kolegjiumit
si një udhërrëfim i pashkruar, por i treguar me veprim, qofshin këto udhërrfime për anëtar aktual apo të rinjtë e të rejat në të ardhmen.
Faleminderit NURI RRAPAJ🫡🫶 !
🇦🇱⚽️🫡
