Kryqi i Kuq Patos

05/06/2026

🌍 PLANETI JONE. FUQIA JONË. VEPRO TANI!
Në kuadër të Ditës Botërore të Mjedisit, u zhvillua aktiviteti “Planeti ynë, fuqia jonë! Vepro tani!”, i organizuar nga Kryqi i Kuq Patos.
Planeti ynë është fuqia jonë. Çdo veprim ka rëndësi. Vepro tani për një të ardhme më të gjelbër! ♻️💚

20/05/2026

📍 Në një atmosferë bashkëpunimi dhe përkushtimi, më 17–18 maj, Kryqi i Kuq Shqiptar – dega Patos zhvilloi me sukses procesin e “Vlerësimit të Kapaciteteve Organizative të Degës” (BOCA).

Ky vlerësim përbën një hap të rëndësishëm drejt forcimit të kapaciteteve të degës dhe rritjes së ndikimit në komunitet. Procesi u realizua falë pjesëmarrjes aktive dhe energjisë së vullnetarëve dhe anëtarëve të zgjedhur të degës, të cilët ndanë përvojat, idetë dhe vizionin e tyre për të ardhmen.

Gjatë këtij procesi u identifikuan qartë pikat e forta të degës, si edhe fushat ku nevojitet zhvillim dhe përmirësim i mëtejshëm. Në përmbyllje, u hartua një plan konkret pune, i cili do të udhëheqë veprimtarinë e degës në adresimin e prioriteteve dhe përmbushjen e nevojave të identifikuara.

Ky proces është një hap i sigurt drejt një organizate më të fortë, më të qëndrueshme dhe më pranë komunitetit, në përputhje me vizionin dhe objektivat e Strategjisë 2030 të Kryqi i Kuq Shqiptar. ❤️🤝

11/05/2026

24/04/2026

📍 Konkursi XXIX i Vizatimit “Fëmijët dhe Kryqi i Kuq” & Koncert Artistik

Në një atmosferë plot ngjyra, kreativitet dhe emocion, u zhvillua Konkursi i XXIX i Vizatimit me temë “Fëmijët dhe Kryqi i Kuq”, organizuar nga Kryqi i Kuq Patos. Fëmijët nga të gjitha shkollat pjesëmarrës shprehën përmes vizatimeve të tyre vlera të rëndësishme si humanizmi, ndihma ndaj të tjerëve dhe solidariteti, duke sjellë mesazhe të bukura dhe frymëzuese.

Aktiviteti u pasurua më tej nga një koncert artistik i Qendrës Kulturore të Fëmijëve, ku fëmijët performuan me këngë dhe Valle, duke sjellë gëzim dhe emocion për të gjithë të pranishmit. Talentet e reja treguan edhe një herë pasionin dhe përkushtimin e tyre për artin.

Ky bashkëpunim i bukur ndërmjet Kryqit të Kuq dhe Qendrës Kulturore të Fëmijëve krijoi një ditë të veçantë, ku arti dhe humanizmi u bashkuan për të dhënë mesazhe të forta për komunitetin.

👏 Falenderime për të gjithë fëmijët pjesëmarrës, mësuesit dhe organizatorët që kontribuan në realizimin e këtij aktiviteti kaq të bukur!

22/04/2026

🌍🌱 PROGRAMI I SHËNDETIT / NDËRGJEGJËSIM MJEDISOR

Me rastin e 22 Prillit Ditës Botërore të Tokës , Kryqi i Kuq Dega Patos zhvilloi aktivitet sensibilizues, me fokus mbrojtjen e mjedisit dhe rëndësinë e kujdesit ndaj planetit tonë.

Gjatë aktivitetit nxënësit u informuan mbi rolin që secili prej nesh ka në ruajtjen e mjedisit, duke theksuar se veprimet e përditshme kanë ndikim të drejtpërdrejtë në të ardhmen e Tokës. Përveç pjesës informuese, ata u angazhuan edhe në lyerjen e pemëve duke dhënë një shembull konkret të kujdesit ndaj mjedisit.

🤝 Së bashku për një mjedis më të pastër dhe një të ardhme më të gjelbër! 🌿

22/04/2026

09/04/2026

📸of the day

09/04/2026

PROGRAMI DIZASTRA DHE NDIHMA E PARE

📍U zhvillua konkursi lokal i Ndihmës së Parë në kuadër të pregatitjeve për konkursin e XXVl të Ndihmës së Parë.
Moren pjesë 15 vullnetarë dhe aktiviteti u zhvillua në sheshin qendror të qytetit.
Vullnetaret demostruan tekniknat e dhënies së ndihmës së parë ku u ndoqen nga qytetarë të pranishëm.
Falenderojmë te gjithë vullnetaret,tranjerin e Ndihmës së Parë dhe te gjithë personat qe kontribuan ne zhvillimin e ketij konkursi.