Misioni Emanuel

18/06/2026

Në kuadër të programit “Puna në Komunitet”, dhe konkretisht të projektit “Kujdes dhe Buzëqeshje për çdo Brez”, i cili ka nisur zbatimin që prej muajit Prill, financuar nga Agjencia Kombëtare e Punësimit dhe Aftësive (AKPA) dhe zbatuar nga Misioni Emanuel, u zhvillua një trajnim i rëndësishëm me pjesëmarrësit e programit, me fokus etikën dhe komunikimin në vendin e punës.
Ky aktivitet synoi të forcojë njohuritë dhe aftësitë e pjesëmarrësve në lidhje me standardet profesionale që duhet të karakterizojnë çdo ambient pune, duke theksuar rëndësinë e sjelljes etike, respektit reciprok, përgjegjshmërisë dhe bashkëpunimit ndërmjet kolegëve dhe përfituesve të shërbimeve.
Gjatë trajnimit u trajtuan tema të ndryshme që lidhen me etikën profesionale, duke përfshirë ruajtjen e konfidencialitetit, respektimin e rregullave të institucionit, korrektësinë në marrëdhëniet e punës, si dhe rëndësinë e integritetit dhe profesionalizmit në përmbushjen e detyrave të përditshme. Një vëmendje e veçantë iu kushtua edhe komunikimit efektiv, si një nga elementët kyç për krijimin e marrëdhënieve pozitive dhe një atmosfere të shëndetshme pune.
Pjesëmarrësit u angazhuan në diskutime aktive, shkëmbyen eksperienca dhe ide nga përvojat e tyre, si dhe analizuan situata konkrete që mund të hasen në vendin e punës. Nëpërmjet bashkëbisedimeve dhe ushtrimeve praktike, ata patën mundësinë të kuptojnë më mirë rëndësinë e dëgjimit aktiv, komunikimit të qartë dhe respektues, menaxhimit të situatave të vështira dhe bashkëpunimit në grup.
Drejtoria Rajonale e Punësimit Korçë

01/06/2026

🎈🌞 1 Qershori – Dita Ndërkombëtare e Fëmijëve 🌞🎈

Sot festuam me shumë gëzim, buzëqeshje dhe energji të pafundme së bashku me fëmijët e qendrave ditore. Në një atmosferë të ngrohtë dhe plot argëtim në natyrë, fëmijët patën mundësinë të luajnë, të marrin pjesë në aktivitete të ndryshme rekreative dhe të krijojnë kujtime të bukura me njëri-tjetrin.

Kjo ditë e veçantë na kujton se çdo fëmijë meriton të rritet i lumtur, i mbrojtur dhe me mundësi të barabarta për të zhvilluar potencialin e tij. Gëzimi në sytë e tyre është motivimi ynë më i madh për të vazhduar punën në mbështetje të mirëqenies dhe zhvillimit të fëmijëve.

Falënderojmë të gjithë ata që kontribuojnë çdo ditë për të sjellë më shumë buzëqeshje në jetën e fëmijëve tanë.

💙 Gëzuar 1 Qershorin të gjithë fëmijëve! Ju jeni e ardhmja dhe shpresa jonë më e madhe! 🎉👧🧒
Dorcas Aid International Albania
Bashkia Korçë
Këshilli Qarkut Korçë
Kom over en help

28/05/2026

💛 Në Qendrat Komunitare “Epoka e Artë”, të moshuarit gjejnë jo vetëm një ambient të ngrohtë dhe mikpritës, por edhe kujdes, mbështetje dhe vëmendje të vazhdueshme për nevojat e tyre të përditshme.

Përmes shërbimit në shtëpi, punonjësit socialë janë çdo ditë pranë të moshuarve, duke iu ardhur në ndihmë në çdo sfidë që ata përballen. Nga shoqërimi në qendra shëndetësore dhe spitale, ndihma për pazaret e përditshme, suporti në përdorimin e platformës e-Albania, e deri tek përkujdesja dhe mbështetja emocionale – çdo shërbim ofrohet me përkushtim, respekt dhe dashuri njerëzore.

Ky shërbim, i realizuar falë bashkëpunimit me Këshillin e Qarkut Korçë, është kthyer në një mbështetje shumë të rëndësishme për të moshuarit, të cilët ndihen më të sigurt, më të vlerësuar dhe më pak të vetmuar.

Kujdesi për të moshuarit është kujdes për historinë, përvojën dhe vlerat tona. 🤝✨
Këshilli Qarkut Korçë
Bashkia Korçë
bashkiamaliq
Bashkia Pogradec (Faqe Zyrtare)

15/05/2026

👨‍👩‍👧‍👦❤️ Familja – vendi ku fillon gjithçka e bukur! ❤️👨‍👩‍👧‍👦

Në kuadër të 15 Majit – Ditës Ndërkombëtare të Familjes, në qendrat e fëmijëve u zhvillua një takim i ngrohtë dhe plot mesazhe frymëzuese me nënat e fëmijëve dhe me pjesëmarrjen e Komisioneres për Mbrojtjen nga Diskriminimi, Etleva Tare.

Gjatë bashkëbisedimit u fol për rëndësinë që ka familja në edukimin, mbështetjen emocionale dhe mirërritjen e çdo fëmije, si dhe për nevojën që çdo familje të ndihet e respektuar, e mbështetur dhe e barabartë në shoqëri. 🌱✨

Momente të tilla na kujtojnë se dashuria, përkujdesja dhe komunikimi brenda familjes janë forca më e madhe për një të ardhme më të mirë për fëmijët tanë. 💙

📸 Një falënderim për të gjitha nënat që janë çdo ditë shembull force, sakrifice dhe dashurie pa kushte!
Dorcas Aid International Albania
Bashkia Korçë
bashkiamaliq
Këshilli Qarkut Korçë
Kom over en help

30/04/2026

29/04/2026

Në kuadër të programit “Puna në Komunitet”, projekti “Kujdes dhe Buzëqeshje për çdo brez”, i cili ka nisur në muajin prill, po sjell një ndikim të rëndësishëm social dhe ekonomik në komunitet.
Përmes këtij projekti janë punësuar 20 persona për një periudhë 1-vjeçare, duke krijuar mundësi të reja punësimi dhe njëkohësisht duke forcuar shërbimet sociale për grupmoshat më në nevojë.
Të punësuarit janë angazhuar në qendrat ditore të fëmijëve, në qendrat ditore të të moshuarve, si edhe në shërbimin e kujdesit ndaj të moshuarve në shtëpi, në role të rëndësishme si:
•Kujdestare fëmijësh
•Kujdestare të moshuarish
•Ndihmës kuzhiniere
•Sanitare
Puna e tyre e përditshme kontribuon drejtpërdrejt në përmirësimin e cilësisë së jetës së fëmijëve dhe të moshuarve, duke ofruar përkujdesje, mbështetje, siguri dhe ngrohtësi njerëzore.
Ky projekt nuk është vetëm një mundësi punësimi, por edhe një investim i rëndësishëm në mirëqenien sociale, solidaritetin dhe zhvillimin e komunitetit. Ai dëshmon se kur mbështetja shkon aty ku ka më shumë nevojë, përfiton i gjithë qyteti.
“Kujdes dhe Buzëqeshje për çdo brez” mbetet një shembull i qartë se përkushtimi ndaj njerëzve sjell ndryshim real dhe të qëndrueshëm.
Drejtoria Rajonale e Punësimit Korçë

24/04/2026

20/04/2026

Në qendrat tona ditore për moshën e tretë, kujdesi dhe respekti për të moshuarit janë në qendër të çdo aktiviteti ❤️

🎲 Lojëra të ndryshme argëtuese dhe ushtruese për mendjen
🩺 Shërbime shëndetësore dhe monitorim të vazhdueshëm
🗣️ Takime individuale për mbështetje dhe mirëqenie emocionale
🎉 Festimin e ditëlindjeve dhe organizimin e aktiviteteve sociale
🤝 Ambient të ngrohtë, miqësor dhe gjithëpërfshirës

Qëllimi ynë është të krijojmë një hapësirë ku të moshuarit ndihen të vlerësuar, aktivë dhe të përfshirë në komunitet.

Sepse çdo moshë meriton kujdes, dinjitet dhe gëzim
Këshilli Qarkut Korçë
Bashkia Korçë
bashkiamaliq
Bashkia Pogradec (Faqe Zyrtare)

19/03/2026

Vazhdojnë seancat e takimeve psikosociale në kuadër të projektit “Mbështetje Psikosociale me Bazë në Komunitet për Gratë Kujdestare (Community-Based Psychosocial Support for Women Caregivers)”.

Ky projekt synon të ofrojë mbështetje të vazhdueshme emocionale dhe sociale, duke krijuar hapësira të sigurta dialogu për gratë dhe familjet e prekura nga emigracioni. Përmes këtyre takimeve, pjesëmarrëset ndajnë përvoja, forcojnë njëra-tjetrën dhe ndërtojnë ura bashkëpunimi në komunitet.

Së bashku, drejt më shumë mirëqenieje dhe mbështetjeje! 🤝
Institute for Sustainable Policies-ISP