Misioni Emanuel

15/10/2026

VIJON ME SUKSES PROJEKTI “KUJDES DHE BUZËQESHJE PËR ÇDO BREZ”!
Projekti “Kujdes dhe Buzëqeshje për çdo Brez”, i cili po zbatohet në kuadër të programit “Puna në Komunitet”, me mbështetjen e Agjencisë Kombëtare të Punësimit dhe Aftësive (AKPA), vijon me sukses, duke sjellë kontribut të drejtpërdrejtë në përmirësimin e shërbimeve sociale dhe në mbështetjen e individëve dhe familjeve në nevojë.
Ky projekt nuk përfaqëson vetëm një mundësi punësimi, por edhe një investim të rëndësishëm në solidaritetin, përkujdesjen dhe mirëqenien e komunitetit. Çdo ditë, përmes përkushtimit dhe punës së stafit, synojmë të sjellim më shumë vëmendje, dinjitet, përkujdesje dhe buzëqeshje për çdo brez.
Së bashku për një komunitet më të kujdesshëm, më të solidarizuar dhe me më shumë mundësi për të gjithë!
Drejtoria Rajonale e Punësimit Korçë

08/10/2026

🏆🎲 NISI KAMPIONATI I DOMINOSË NË QENDRAT E MOSHËS SË TRETË! 🎲🏆

Sot, në të gjitha Qendrat Komunitare të Moshës së Tretë, nisi një nga aktivitetet më të dashura dhe më të shumëpritura – Kampionati i Dominosë! ❤️

Me shumë entuziazëm, buzëqeshje dhe frymë sportive, të moshuarit tanë u bënë pjesë e garës, ku përmes disa fazave do të përzgjidhen kampionët e çdo qendre. 🏅

Fituesit e çdo qendre do të përballen më pas në Finalen e Madhe, ku do të përcaktohet Kampioni i Dominosë për qytetet Korçë, Pogradec dhe Maliq! 🏆🎲

Por përtej garës, ky kampionat është mbi të gjitha një mundësi për të kaluar kohë së bashku, për të krijuar emocione të bukura, për të ruajtur traditat dhe për të forcuar miqësinë e komunitetit të moshës së tretë. ❤️

🎲 Le të fillojë gara!
🏆 Suksese të gjithë pjesëmarrësve!

Këshilli Qarkut Korçë
Bashkia Korçë
Bashkia Maliq
bashkiapogradec

01/10/2026

01/10/2026

🌷 1 Tetori – Dita Ndërkombëtare e të Moshuarve 🌷

Sot, në Qendrat Komunitare për Moshën e Tretë, festuam së bashku Ditën Ndërkombëtare të të Moshuarve, duke e kthyer këtë ditë në një moment të veçantë gëzimi, miqësie dhe bashkëndarjeje. ❤️

Në secilën prej qendrave u organizuan aktivitete festive me këngë, lojëra, muzikë, të qeshura dhe momente të bukura mes të moshuarve. Festa u përmbyll me një drekë të përbashkët, duke krijuar një atmosferë familjare dhe të ngrohtë.

Çdo buzëqeshje, çdo këngë dhe çdo bisedë na kujton se mosha nuk është pengesë për të festuar, për të krijuar miqësi dhe për të qenë pjesë aktive e komunitetit.

🙏 Falënderojmë të gjithë të moshuarit që e bëjnë çdo ditë qendrat tona më të gjalla dhe më të bukura, si dhe stafin që me përkushtim kujdeset që ata të ndihen të vlerësuar dhe të respektuar.

💙 Gëzuar 1 Tetorin – Ditën Ndërkombëtare të të Moshuarve!
Këshilli Qarkut Korçë
Bashkia Korçë
Bashkia Maliq
bashkiapogradec

14/09/2026

📚🎒 Urime për fillimin e vitit të ri shkollor! 🎒📚

Fondacioni “Misioni Emanuel për Zhvillim dhe Integrim” ju uron të gjithë nxënësve, prindërve dhe mësuesve një vit të mbarë, plot dije, suksese, gëzim dhe arritje! 🌟

Le të jetë ky vit një hap i ri drejt ëndrrave dhe një të ardhmeje më të mirë! ❤️

Suksese në çdo hap! 📖✨

10/09/2026

Sot u zhvillua një tjetër aktivitet trajnues me pjesëmarrësit e projektit “Kujdes dhe Buzëqeshje për çdo Brez”, financuar nga AKPA – Agjencia Kombëtare e Punësimit dhe Aftësive dhe zbatuar nga Misioni Emanuel, në kuadër të programit “Puna në Komunitet”.
Trajnimi u fokusua në një nga aspektet më të rëndësishme të jetës profesionale: njohjen dhe respektimin e të drejtave dhe përgjegjësive në vendin e punës. Gjatë takimit, pjesëmarrësit patën mundësinë të njihen më nga afër me të drejtat që gëzojnë si punonjës, por njëkohësisht edhe me detyrimet dhe përgjegjësitë që lidhen me rolin e tyre profesional.
U trajtuan tema si respektimi i orarit dhe rregullave të punës, përgjegjshmëria, komunikimi profesional, respekti reciprok, bashkëpunimi me kolegët, ruajtja e etikës dhe konfidencialitetit, si dhe rëndësia e një qëndrimi korrekt dhe profesional ndaj përfituesve të shërbimeve.
Qëllimi i këtij trajnimi ishte të forcojë ndërgjegjësimin e pjesëmarrësve për rolin e tyre në vendin e punës dhe t’i ndihmojë ata të zhvillojnë më tej aftësitë profesionale, përgjegjshmërinë dhe gatishmërinë për integrim të qëndrueshëm në tregun e punës.
Përmes këtyre aktiviteteve, projekti synon jo vetëm të ofrojë një kontribut të drejtpërdrejtë për komunitetin, por edhe të investojë në zhvillimin personal dhe profesional të pjesëmarrësve, duke u krijuar atyre mundësi për të fituar përvojë, njohuri dhe aftësi të vlefshme për të ardhmen.
Drejtoria Rajonale e Punësimit Korçë

02/09/2026

Projekti “Kujdes dhe Buzëqeshje për çdo Brez”, në kuadër të programit “Puna në Komunitet”, financuar nga AKPA, vijon me sukses!
20 pjesëmarrës vazhdojnë të angazhohen çdo ditë në qendrat e fëmijëve, qendrat për të moshuarit dhe në shërbimin e kujdesit në shtëpi.
Përmes punës së përditshme dhe përvojës së fituar, pjesëmarrësit kanë rritur aftësitë dhe kompetencat e tyre profesionale, janë integruar gjithnjë e më shumë në mjediset e punës dhe kanë forcuar mundësitë e tyre për një integrim të qëndrueshëm në tregun e punës.
Ndërkohë, komuniteti vazhdon të përfitojë nga kujdesi, mbështetja dhe shërbimet e ofruara për fëmijët dhe të moshuarit.
Drejtoria Rajonale e Punësimit Korçë

05/08/2026