05/03/2026
with
・・・
Në Ditën Ndërkombëtare të Efiçencës së Energjisë, Elbasani nuk flet thjesht për kursim energjie. Sot flasim për përgjegjësi. Për vizion. Për të ardhmen që duam të ndërtojmë për fëmijët tanë.
Elbasani ka zgjedhur të mos jetë spektator i tranzicionit të gjelbër europian. Ne kemi zgjedhur të jemi pjesë aktive e tij.
Marrja e “EU Mission Label” për Qytetet Klimatike-Neutrale është një moment historik për qytetin tonë. Elbasani është sot një nga 106 qytetet evropiane që mbajnë këtë certifikim prestigjioz dhe, bashkë me Sarajevën, ndër qytetet e para nga Ballkani Perëndimor që arrijnë këtë vlerësim.
Kjo nuk është vetëm një arritje simbolike. Është një përgjegjësi e madhe dhe një zotim publik për të çuar përpara transformimin klimatik.
Ky vlerësim konfirmon se rruga që kemi ndjekur është e duhura, një model zhvillimi i qëndrueshëm, i bazuar në inovacion, përfshirje dhe zgjidhje konkrete.
Ne kemi zgjedhur të investojmë në energji të pastër jo si slogan, por si strategji.
Elbasani po ndërton një identitet të ri, një qytet që mendon afatgjatë, që bashkëpunon ndërkombëtarisht dhe që vepron lokalisht.
Një Elbasan më i gjelbër, më efikas,më i fortë.
