کارموندنه کاريابي JOB

کارموندنه کاريابي JOB EDUCATIONAL.

09/07/2025

د سکالرشيپ تر لاسه کولو لپاره لاندې ۵ مهم او اړين گامونه‌ واخلئ‌.

1️⃣ پلټنه وکړئ:
د سکالرشیپونو په هکله د اړونده سکالرشیپونو رسمي وېبپاڼې وپلټئ او ټول معلومات له رسمي ادرسونو تر لاسه کړئ.

2️⃣ شرایط ولولئ:
هر سکالرشیپ ځانګړي شرایط لري. دا شرایط په دقت سره ولولئ، لکه د زده‌ کړو کچه، ژبه، او د اسنادو اړتیاوې.

3️⃣ خپل اسناد برابر کړئ:
انګېزه لیک یا Motivation Letter، سپارښت لیکونه Recommendation letters، CV، تعلیمي او تحصیلي سندونه او نور اړین اسناد له مخکې برابر کړئ.

4️⃣ په وخت اپلای وکړئ:
د سکالرشیپونو وروستۍ نیټې ته پام وکړئ او د وروستۍ ورځې څخه مخکې اپلای وکړئ.

5️⃣ هڅه مه پرېږدئ:
که یو سکالرشیپ تر لاسه نه کړئ، بله موقع ولټوئ. پر ځان باور ولرئ او هڅو ته مو دوام ورکړئ، د سکالرشیپونو له اړخه منفي ځواب تر لاسه کول بیخي معمول دي او هر څوک ور سره مخ کېږي.



دا ډول لنډ او مهم ټکي به ستاسو سره نور هم شریک شي، هیله ده ګټور وي.



09/07/2025

🎓 د کاناډا سکالرشیپونه | لېسانس او ماسټري

کاناډا کې د McCall MacBain Scholarships تر نوم لاندې سکالرشیپونه اعلان شوي دي، دا سکالرشیپونه چې د لېسانس او ماسټري په کچه محصلان مني کابو په ۱۵۰ بېلابېلو څانګو کې محصلان مني، د افغانستان په ګډون ورته له نورو هېوادونو هم نوم لیکنه کېږي.

🌍 هیواد: کاناډا

🏛 پوهنتون: مک‌ګیل پوهنتون (McGill University)

🎓 کچه: لېسانس او ماسټري

📅 وروستۍ نېټه: د 2025 د اګست 20مه



🔰 ټول سکالرشیپونه:

130 سکالرشیپونه

30 یې بشپړ تمویل دي (Full Scholarships)

100 یې نیمه تمویل یا له تخفیف سره دي



🎓 د ماسټري مهم پروګرامونه:

MA، MBA، MEng، MSc، MPP، MEd، LLM، MSW، MUP، MISt، MMus، او نور...

🎓 د لیسانس مسلکي پروګرامونه:

BCL/JD (حقوق)، DMD (د غاښونو طب)، MDCM (عمومي طب)



💰 مالي امتیازات:

✔ د زده‌کړو بشپړ فیس ورکول کېږي

✔ $2000 کاناډایي ډالر میاشتنی لګښت

✔ د سفر لګښتونه (هوایي ټکټونه)

✔ روغتیایي بیمه

✔ د فرانسوي ژبې وړیا کورسونه



📌 شرایط:

✅ عمر باید تر 30 کلونو کم وي.

✅ د ماسټري لپاره باید د لیسانس سند ولرئ.

✅ CGPA باید لږ تر لږه 3.0/4 وي (ځینې پروګرامونه 3.2 غواړي).

✅ د انګلیسي ژبې اسناد:

• TOEFL: 86

• IELTS: 6.5

• Pearson: 65



🔗 د نوم لیکنې لینک:

apply.mccallmacbainscholars.org/apply



📢 یادونه!

له نوم لیکنې وړاندې د سکالرشیپ شرایط ولولئ او خپل سندونه د دوی له شرایطو سره سم برابر کړئ، وروسته په دقیق ډول خپل اپلیکېشن سبمېټ کړئ.

09/07/2025

🎯 د سکالرشیپ لپاره انګېزه لیک یا Motivation Letter یا هم Personal Statement څنګه ولیکو!؟

ډېری سکالرشیپونه ازموینه نلري، د سکالرشیپونو د نوم لیکنې پر مهال له تاسو د یو موتیوېشن لېټر یا انګېزه لیک غوښتنه کېږي؛ ځینې سکالرشیپونه دا هم واضح کوي چې تاسو په خپل انګېزه لیک کې کومې برخې حتمي شاملې کړئ چې هغه به د انګېزه لیک د لیکلو پر مهال حتمي تعقیبوئ او د دوی له لوري د درکړل شوي فارمټ سره سم به یې لیکئ.


په ټوله کې لاندې ۵ ټکي موږ ته مهم را ښکاري چې که تاسو مو خپل انګېزه لیک لیکئ نو ورته پام وکړئ.

1️⃣ خپل هدف روښانه کړئ.
د خپل ځان له لنډې پېژندنې وروسته وښایئ چې ولې دا سکالرشیپ غواړئ؟ ستاسو تحصیلي او مسلکي هدف څه دی؟ څنګه دا سکالرشیپ ستاسو له اهدافو سره مرسته کولای شي؛ دا باید لنډ، واضح او الهام‌بخش وي.

2️⃣ خپلې ځانګړتیاوې بیان کړئ.
هغه مهارتونه، لاسته راوړنې، تجربې او ارزښتونه یاد کړئ چې تاسو له نورو جلا کوي او دلته به د سکالرشیپونو د ټاکنې کمېټې ته ټول هغه دلایل را غونډوئ چې وښيي تاسو له نورو نوماندانو بهتره او د دې سکالرشیپ لپاره مناسب یئ.

3️⃣ لیکل په خپله له خپل زړه وکړئ، له نورو او انټرنېټ کاپي پېسټ مه کړئ.
هغه کیسه یا تجربې شریکې کړئ چې ستاسو د ژوند مسیر او تصمیمونه منعکس کوي. دا ستاسو واقعي غږ باید وي او ضمني د سکالرشیپ سره ربط ورکړئ چې څنګه ستاسو تجربې او لید له سکالرشیپ سره مرتبط دي.

4️⃣ د سکالرشیپ له موخو سره ځان همغږی کړئ.
هر سکالرشیپ چې اعلانېږي نو هغه خپل هدف او همدارنګه د ټاکلو لپاره خپل معیارونه لري، د بېلګې په ډول ځینې سکالرشیپونه د داسې خلکو لپاره دي چې په ټولنه کې د رهبریت وړتیا لري نو تاسو په خپلو لیکلو کې د رهبریت وړتیاوې منعکسې کړئ، یا ځینې سکالرشیپونه د مسلکي اشخاصو لپاره دي نو تاسو په لیکلو کې خپل مسلکي بودن وښيئ؛ په ټوله کې وښایئ چې تاسو څنګه د دې سکالرشیپ د موخو او ارزښتونو سره سمون لرئ، او څنګه به له دې فرصته ګټه واخلئ.

5️⃣ د ژبې، املا او جوړښت خیال وساتئ.
له یوه استاد، ملګري یا د همدې برخې له کوم مسلکي څخه مرسته وغواړئ چې ستاسو لیکل شوې خاکه وګوري او تر نقد او اصلاح وروسته یو منظم او مناسب متن ترې جوړ او بیا یې د سکالرشیپونو د اپلای پر مهال وکاروئ.

#بورس

09/07/2025

🎓 د استرالیا سکالرشیپونه | Flinders University

استرالیا د راتلونکي تحصیلي کال لپاره د Flinders University AGRTP Scholarship 2026 in Australia تر نوم لاندې سکالرشیپونه اعلان کړي دي، دا سکالرشیپونه د ماسټري او دوکتورا په کچه محصلان مني؛ د دې سکالرشیپونو زده کړې به د څېړنې یا ریسرچ پر بنسټ وي.

د یادولو وړ ده چې دا سکالرشیپونه بشپړ رقابتي دي او لوړ شرایط لري، تاسو یې لومړی شرایط ولولئ، د اسنادو په برخه کې یې چک لست وګورئ او بیا اپلای وکړئ.

📍خلاصه:

▫️ هیواد: استرالیا

▫️ پوهنتون: Flinders University

▫️ د زده کړو کچه: ماسټري او دوکتورا

▫️ د نوم لیکنې وروستۍ نېټه: د 2025ز کال د اګسټ 18مه

📚 شامل پروګرامونه:

ټولې هغه څانګې چې په یاد پوهنتون کې شامل دي، د انجنیري، ساینس، اقتصاد او ټولنیزو علومو په ګډون بېلابېلې څانګې.

💰 د سکالرشیپ امتیازات:

✔️ د زده کړو فیس.

✔️ د کال 35,000 استرالیايي ډالر د ژوند لګښتونو لپاره

✔️ 1,485 استرالیایي ډالر د طیارې تکت لپاره

🧠 ځانګړتیاوې:

دا د ریسرچ (Research) پر بنسټ سکالرشیپ دی.

د ماسټري یا دوکتورا لپاره غوښتنه وکړئ.

د پوهنتون ټول شرایط پوره کړئ (علمي وړتیا، ریسرچ وړتیا، او نور)

📄 اړین اسناد:

پاسپورت.

د څېړنې لپاره سوپروایزر Supervisor

تر 5 پورې خپرې شوې علمي مقالې

که مو مقالې له ۵ ډېرې وي نو په CV کې یې یادونه وکړئ.

دیپلوم + ټرانسکریپټ

ریسرچ پروپوزل (Max 500 کلمې)

دوه سپارښت لیکونه (Recommendation Letters – د پوهنتون ځانګړی فارم لري)

📝 د اسنادو نومونه مو باید په لاندې ډول وي:

مثال: Nuristani_Transcript یا Ahmadi_Research Proposal

🌐 د نوم لیکنې او معلوماتو لپاره لاندې هر لېنک په جلا جلا ډول شریکوو.

▶️ د اپلای لپاره لینک:

🔗 https://www.flinders.edu.au/international/apply/apply-research-degree/how-to-apply

▶️ د پوهنتون د راجستریشن لینک چې د سکالرشیپ اپلای لپاره اړین دی:

🔗 https://student-flinders.studylink.com/index.cfm?event=security.showLogin&msg=eventsecured&fr=sp&en=default

▶️ د سوپروایزر موندلو لپاره لینک:

🔗 https://www.flinders.edu.au/international/apply/apply-research-degree/find-research-supervisor

📌 د سکالرشیپ چیک لیست:

🔗 https://t.me/winfutureaf1/144

🌍 د انګلیسي ژبې شرطونه: د ټافل یا ایېلټس سند اړین دی؛ د بېلابېلو څانګو لپاره یې نمرې توپیر لري نو هرې څانګې ته چې اپلای کړئ، نمرې یې وګورئ.

🚀 دا سکالرشیپونه ډېر رقابتي دي خو ناممکن ندي، ستاسو دوامداره هڅې تاسو تر بریا رسولای شي.
#بورس

09/07/2025

کونړ جان

Address

Kunar

Telephone

+93790927948

Website

Alerts

Be the first to know and let us send you an email when کارموندنه کاريابي JOB posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to کارموندنه کاريابي JOB:

Shortcuts

Share