Afghan Deaf Association اتحادیه ناشنوایان افغانستان

  • Home
  • Afghanistan
  • Kabul
  • Afghan Deaf Association اتحادیه ناشنوایان افغانستان

Afghan Deaf Association اتحادیه ناشنوایان افغانستان We are a nonprofit initiative dedicated to supporting deaf individuals through education, communication resources, and essential assistive tools.

Our fundraiser helps provide sign-language training, hearing technologies and Etc...

نن ورځ د ننګرهار د ناشنوایانو اتحادیې نمایندګۍ د شرقي زون د تخنیکي او مسلکي زده کړو ریاست سره د همغږۍ ناسته ترسره کړه.نې...
04/06/2026

نن ورځ د ننګرهار د ناشنوایانو اتحادیې نمایندګۍ د شرقي زون د تخنیکي او مسلکي زده کړو ریاست سره د همغږۍ ناسته ترسره کړه.

نېټه: ۱۴۰۵/غبرګولی/۱۴ هـ ش، چې د ۱۴۴۷/ذوالحجې/۱۴ هـ ق سره سمون خوري.

په دې ناسته کې د ننګرهار د ناشنوایانو اتحادیې رئیس فریدالله عمري، مرستیال احسان الله او ترجمان او مشاور اسدالله خادم ګډون درلود. د شرقي زون د تخنیکي او مسلکي زده کړو رئیس پوهنیار قاضي خالد صداقت او د حرفوي برنامو د تنظیم کارشناس محمد یحیی شفق د اتحادیې له استازو سره د ناشنوایانو د تعلیمي، مسلکي او ټولنیزو اړتیاوو په اړه هر اړخیزې خبرې وکړې.

د ناستې پر مهال د ناشنوایانو لپاره د مسلکي زده کړو، ظرفیت لوړونې او کاري فرصتونو د رامنځته کولو پر اهمیت ټینګار وشو. د شرقي زون د تخنیکي او مسلکي زده کړو رئیس د خپلې ادارې د امکاناتو په چوکاټ کې د ناشنوایانو د ملاتړ، مسلکي روزنې او پرمختګ لپاره د همکارۍ ډاډ څرګند کړ.

همدارنګه، نوموړي د ناشنوایانو د حقونو د خونديتوب او ټولنیزو خدمتونو په برخه کې د ننګرهار د ناشنوایانو اتحادیې د فعالیتونو ستاینه وکړه او د درناوي او هڅونې په موخه یې د اتحادیې استازي په ډالیو ونازول. تمه څرګنده شوه چې د دواړو لورو ترمنځ به دا ډول همغږي او همکاري لا پیاوړې شي، ترڅو ناشنوایان وکولای شي له تعلیمي او مسلکي فرصتونو څخه لا ښه ګټه واخلي.

دافغانستان ناشنوایانو اتحادیه رسنیزدفتر

د زړونو سردار، محترم سمع الرحمن صاحب، زما لپاره یو ډېر ګران او د قدر وړ شخصیت دی.هغه د افغانستان د ناشنوایانو د حقونو او...
03/06/2026

د زړونو سردار، محترم سمع الرحمن صاحب، زما لپاره یو ډېر ګران او د قدر وړ شخصیت دی.

هغه د افغانستان د ناشنوایانو د حقونو او هوساینې لپاره شپه او ورځ نه ستړې کېدونکې هڅې کوي. پرته له کوم امتیاز، شخصي ګټې او تمې، په اخلاص سره خدمت کوي او آن له خپلو امکاناتو څخه هم لګښت کوي.

داسې شخصیتونه د ستاینې او درناوي وړ دي، ځکه دا ډول خدمتونه تاریخي ویاړونه بلل کېږي او همدا خلک د وطن ریښتیني خدمتګاران دي.

الله تعالی دې دافغانستان ګونګیانو اتحادیه محترم رئیس سمع الرحمن صاحب ته اوږد عمر، ښه صحت او لا ډېر توفیق ورکړي. د هغه ټول خدمتونه دې قبول شي او ژوند دې یې له بریاوو، خوښیو او رڼاګانو څخه ډک وي.

په درنښت
اسدالله خادم

اختریز پیغام!د افغانستان د ګونګیانو اتحادیه د نېکمرغه لوی اختر د رارسېدو په مناسبت، د افغانستان ټولو مسلمانانو ته، په ځا...
26/05/2026

اختریز پیغام!
د افغانستان د ګونګیانو اتحادیه د نېکمرغه لوی اختر د رارسېدو په مناسبت، د افغانستان ټولو مسلمانانو ته، په ځانګړي ډول د هېواد درنو ناشنوایانو او د هغوی محترمو کورنیو ته د زړه له کومې مبارکي وړاندې کوي.
لوی اختر د قربانۍ، مینې، یووالي او ورورولۍ پیغام له ځان سره لري. هیله ده چې دا مبارکې ورځې زموږ د هېواد لپاره د سولې، خوښۍ، سوکالۍ او همدردۍ سبب وګرځي.
موږ دعا کوو چې الله تعالی دې زموږ عبادتونه، قربانۍ قبولې کړي او زموږ ګران هېواد ته دې تلپاتې امن او ثبات په نصیب کړي.
اختر مو مبارک، هره ورځ مو اختر شه !
په درنښت
د افغانستان د ناشنوایانو اتحادیه

17/05/2026

په ننګرهار ولایت کې د ارزښت راډیو له لارې د ناشنوایانو (ګونګیانو)د ستونزو غږ تر مسؤلینو او هېوادوالو ورسېد

، نن ورځ په ننګرهار ولایت کې د ناشوایانو اتحادیې نامایندګي د ارزښت راډیو په کمال خپرونه کې ګډون وکړ او د ناشنوایانو د اتحادیې په استازیتوب یې د خپلو ناشنوا وروڼو او خویندو شته ستونزې، اړتیاوې او غوښتنې په تفصیلي ډول له درنو هېوادوالو سره شریکې کړې.
په دې خپرونه کې یې د راډیو له لارې د اړوندو چارواکو، ملي او نړیوالو مؤسسو، سوداګرو، پانګه‌والو او ټولو خیر غوښتونکو هېوادوالو پام د ناشنوایانو (ګونګیانو)ستونزو او حقونو ته راواړاوه، څو د دې ټولنې د ملاتړ، خدمت او پرمختګ لپاره خپل مسؤلیت ادا کړي.
هیله ده چې دا غږ تر هغو زړونو ورسېږي چې د خدمت اراده لري، او د ناشنوایانو لپاره د زده کړو، کار، روغتیا او نورو اساسي اړتیاوو په برخه کې عملي ګامونه پورته شي.
موږ باور لرو چې د رسنیو له لارې د حق غږ پورته کول، د بدلون او مثبت تحول لپاره یو مهم ګام دی.
په ګډه کولی شو د ناشنوایانو لپاره لا ښه او روښانه راتلونکې جوړه کړو.
په درنښت اسدالله خادم

09/05/2026

د ناشنوایانو (ګونکیانو)ورڼو لپاره زیری

په ډېرې خوښۍ سره خبر درکوو چې د کار او ټولنیزو چارو محترم ریاست سره د ترسره شوې ناستې په پایله کې، د ناشنوایانو لپاره د لاندې حرفوي زده کړو زمینه برابره شوې ده:

د موبایلونو مستریتوب
د سولرو ترمیم
د برق ترمیم
خیاطي
واسکټ ګنډنه

هغه ناشنوایان وروڼه چې غواړي له دې فرصت څخه ګټه واخلي او یو ګټور مسلک زده کړي، کولای شي د نوم‌لیکنې لپاره له موږ سره اړیکه ونیسي.

دا یو مهم فرصت دی چې د مهارتونو په زده کړه خپل راتلونکی ښه او د کار زمینه برابره کړئ.

په درنښت
د ننګرهار د ناشنوایانو اتحادیه
د اړیکو شمېرې
0789111919
0700435335 اسدالله خادم ترجمان او مشاور

د لغمان ولایت د ناشنوایانو اتحادیې رئیس د لغمان له والي محترم قاري بختیار معاذ سره لیدنه ترسره کړه. دا لیدنه د پنجشنبې پ...
24/04/2026

د لغمان ولایت د ناشنوایانو اتحادیې رئیس د لغمان له والي محترم قاري بختیار معاذ سره لیدنه ترسره کړه. دا لیدنه د پنجشنبې په ورځ، د ۱۴۰۵/۲/۳ نېټه وشوه.
په دې لیدنه کې د ناشنوایانو د ستونزو، اړتیاوو او د لا زیاتو همکاریو پر موضوعاتو خبرې وشوې. د لغمان والي صاحب د اتحادیې له فعالیتونو څخه ملاتړ څرګند کړ او ډاډ یې ورکړ چې له دوی سره به همکاري کوي.
همداراز، والي صاحب ژمنه وکړه چې ډېر ژر به د ناشنوایانو اتحادیې له دفتر څخه هم لیدنه ترسره کړي او د هغوی ستونزې به له نږدې واوري.
په پای کې، د لغمان د ناشنوایانو اتحادیې رئیس د والي صاحب له همکارۍ او پاملرنې څخه مننه وکړه او هیله یې څرګنده کړه چې دا ډول ملاتړونه به دوام ومومي.

د افغانستان د ناشنوایانو اتحادیې رسنیز دفتر

22/04/2026

د پروان ولایت د ناشنوایانو اتحادیې له لوري له دولتي ادارو سره مهمې ناستې او همغږي ترسره شوه
د ۱۴۰۵/۲/۱ نېټه، د پروان ولایت د ناشنوایانو اتحادیې رئیس، محمد عارف، د ولایت له یو شمېر مهمو دولتي ادارو مسئولینو سره پرله‌پسې ناستې ترسره کړې.
په دې لړ کې، نوموړي د انکشاف دهات له رئیس او همدارنګه د حوادثو پر وړاندې د مبارزې ریاست له رئیس، مولوي عبدالعلیم افضلي، سره جلا جلا لیدنې ترسره کړې. د دې ناستو موخه د ناشنوایانو د ستونزو ارزونه او د هغوی لپاره د غوره خدماتو د برابرولو په موخه همغږي وه.
په یادو ناستو کې د ناشنوایانو تعلیمي، روغتیايي، ټولنیزې او کاري ستونزې شریکې شوې او د مسئولینو څخه د ځانګړې پاملرنې غوښتنه وشوه. د اړوندو ادارو مسئولینو د همکارۍ او لازمې مرستې ژمنه وکړه څو د ناشنوایانو وضعیت ښه شي.
همدارنګه، د پروان ولایت د ناشنوایانو اتحادیې له لوري شپږ تنه غړي د کار او ټولنیزو چارو ریاست ته د کارموندنې، حرفوي زده‌کړو او اړوندو خدماتو څخه د برخمن کېدو په موخه ور وپېژندل شول، څو د همکارۍ کچه لوړه او د ناشنوایانو فعاله ونډه په ټولنه کې لا پیاوړې شي.
په درنښت
دافغانستان ناشوایانو اتحادیی رسنیز دفتر

21/04/2026

دیدار رئیس کار امور اجتماعی با رئیس اتحادیه ناشنوایان ولایت پروان
تاریخ،1405/1/31، رئیس کار امور اجتماعی ولایت پروان با محمدعارف، رئیس اتحادیه ناشنوایان ولایت پروان، دیدار و گفت‌وگو کردند. در این دیدار، مسائل مختلف مربوط به حقوق و نیازهای ناشنوایان مورد بحث و بررسی قرار گرفت.
رئیس کار امور اجتماعی در این دیدار از آمادگی کامل اداره خود برای همکاری‌های بیشتر با اتحادیه ناشنوایان خبر داد و تأکید کرد که تلاش خواهند کرد تا شرایط زندگی و دسترسی به خدمات اجتماعی برای افراد ناشنوا بهبود یابد. همچنین، رئیس کار امور اجتماعی وعده داد که در آینده نزدیک برنامه‌هایی برای آموزش و توانمندسازی ناشنوایان در راستای فراهم کردن فرصت‌های شغلی و اجتماعی برای آن‌ها برگزار خواهد شد.
این دیدار به عنوان گامی مثبت در راستای تقویت همکاری‌ها و حمایت از حقوق افراد ناشنوا در ولایت پروان تلقی می‌شود و امیدواریم که این همکاری‌ها به نتایج مطلوبی برای جامعه ناشنوایان منجر شود.

16/04/2026

پکتیا کې پۀ لومړي ځل د ړندو او ګونګيانو لپاره د ځانګړو زده کړو ښوونځی پرانیستل شو.

نېټه: ۱۴۴۷/۱۰/۲۸ هـ.ق
د پکتیا ولایت د تخنیکي او مسلکي زده کړو آمریت تر چتر لاندې د لومړي ځل لپاره د ړندو او ګونګيانو زده‌کوونکو لپاره د ځانګړو زده کړو ښوونځی پرانیستل شو.
په همدې مناسبت جوړه شوې غونډه کې د پکتیا مرستیال والي الحاج شیخ انعام الله صلاح‌الدین وویل، دا د شکر ځای دی چې د ۱.۱.۱ له لوري د ټولنې محروم او اړتیا لرونکي قشر ته د زده کړو زمینه برابریږي. شيخ صاحب د اسلامي شریعت له نظره د دې ډول وګړو سره د مرستې پر ارزښت، اجر او ثواب هر اړخیزه عالمانه وینا وکړه.
مرستیال والي صاحب د یادو زده‌کوونکو له کورنیو وغوښتل چې د نظام له لوري د برابر شوو اسانتیاوو قدر وکړي او خپل ماشومان وهڅوي، څو د علم له ستر نعمت څخه برخمن شي.
په همدې غونډه کې د تخنیکي او مسلکي زده کړو آمریت آمر قاري راز محمد حماس د یاد آمریت د بېلابېلو تعلیمي څانګو پر فعالیتونو رڼا واچوله. د هغه په وینا، دا لومړی ځل دی چې په پکتیا کې د ځانګړو زده کړو په نوم یو ښوونیز مرکز پرانیستل کېږي، چې د دوو‌ څانګو پۀ درلودلو سره به تر دولسم ټولګي پورې پکې زده کړې دوام ولري.
نوموړي زیاته کړه، چې تر دې مهاله شاوخوا ۱۰۰ تنه زده‌کوونکي جذب شوي او د هغوی لپاره به د غوره تدريسي چاپيريال تر څنګ ترانسپورټي اسانتیاوې هم د ښوونځي له لوري برابرې شي.
دناشنوایانو اتحادیه رئس محب الله ناشنوا. هم خپله وینا وکړه .دناشنوایانو ستونزی یې له ټولو کډنوالو سره شریکه کړی او ترڅنګ یې ترتیب کړي لیکچر ناشنوایان ته وړاندی کړ.
له مشرتابه یې دناشنوایانو لپاره ځانکړې شوي ځمکه چې 16جریبه ده دعملی کار او ښه کیفت غوښتنه وکړه.

Address

Kabul
1004

Website

Alerts

Be the first to know and let us send you an email when Afghan Deaf Association اتحادیه ناشنوایان افغانستان posts news and promotions. Your email address will not be used for any other purpose, and you can unsubscribe at any time.

Shortcuts

Share

Category