Afghan Deaf Association اتحادیه ناشنوایان افغانستان

09/10/2026

د تخار ولایت له محترم والي صاحب سره د ناشنوایانو د حقونو په اړه لیدنه وشوه

د تخار ولایت د ناشنوایانو مسؤول او ولایتي مشاور له محترم والي صاحب سره د پېژندګلوۍ او همغږۍ لیدنه ترسره کړه. په دې لیدنه کې د ناشنوایانو د حقونو، ستونزو او په ټولنه کې د هغوی د فعال ګډون په اړه خبرې وشوې.

د لیدنې په پای کې، محترم والي صاحب په دولتي ادارو کې د ناشنوایانو د ګومارنې په برخه کې د جدي ژمنې ډاډ ورکړ.

ان‌شاءالله، د ناشنوایانو د حقونو د تأمین لپاره به خپلې هڅې روانې ساتو.

31/08/2026

د ننګرهار عدلیې رئیس سره د ناشنوایانو (ګونګیانو) اتحادیې مسؤلینو ناسته وکړه

د ننګرهار ولایت د ناشنوایانو (ګونګیانو) اتحادیې مسؤلینو نن (دوشنبه، د روانې میاشتې په ۱۷مه نېټه) د ننګرهار ولایت د عدلیې رئیس محترم مولوي محمد رئیس محمدي سره د عدلیې ریاست په مقر کې ناسته وکړه.

په یاده ناسته کې د ناشنوایانو اتحادیې مسؤلینو د یاد قشر ستونزې، اړتیاوې او غوښتنې د عدلیې له رئیس سره شریکې کړې او د ستونزو د حل، د حقوقو د خوندیتوب او اړینو خدمتونو ته د لاسرسي په برخه کې یې د عدلیې ریاست د همکارۍ غوښتنه وکړه.

په ناسته کې د ننګرهار ناشنوایانو اتحادیې رئیس فریدالله عمري، مرستیال استاد احسان الله او ژباړن او مشاور اسدالله خادم ګډون کړی و.

د ننګرهار د عدلیې رئیس مولوي محمد رئیس محمدي د ناشنوایانو د ستونزو او اړتیاوو په اړه د همکارۍ ډاډ ورکړ او یاد قشر یې د ټولنې نه بېلېدونکی برخه وبلله. نوموړي همدارنګه ډاډ ورکړ چې د ناشنوایانو د مالي ستونزو د حل په موخه به موضوع له خیریه بنسټونو سره په ناستو کې مطرح کړي.

د ننګرهار ناشنوایانو اتحادیې د مسؤلینو د معلوماتو له مخې، تر اوسه په ننګرهار ولایت کې نږدې ۸۰۰ تنه ناشنوایان ثبت شوي، خو د ثبت شوو کسانو سربېره د دې قشر د نورو غړو شمېر تر دې هم زیات اټکل شوی دی.

د اتحادیې مسؤلینو د عدلیې ریاست له لوري د همکارۍ او ملاتړ د ډاډ له امله مننه وکړه او څرګنده یې کړه چې د یاد قشر د حقوقو د ترلاسه کولو، د کار او زده کړو د زمینې برابرولو، د ټولنیز مشارکت او نورو اړینو خدمتونو د ترلاسه کولو په برخه کې به خپلو هڅو ته دوام ورکړي.

دافغانستان ناشوایانو اتحاديې رسنیز دفتر

12/08/2026

نن ورځ د ننګرهار له والي سره د ناشنوایانو د ستونزو په اړه لیدنه
او ناسته ترسره شوه
نېټه: ۱۴۰۵/۵/۲۱

نن د ننګرهار ولایت د ناشنوایانو د اتحادیې مسؤلینو د ننګرهار له محترم والي صاحب سره لیدنه وکړه.

په دې لیدنه کې د ناشنوایانو د ژوند، زده کړو، کارموندنې، مسلکي زده کړو او نورو برخو کې شته ستونزې او اساسي اړتیاوې له محترم والي صاحب سره شریکې شوې او د یادې اتحادیی د ستونزو د حل په موخه د ولایت مقام د لا زیاتې همکارۍ غوښتنه وشوه.

محترم والي صاحب د ناشنوایانو ستونزې په غور واورېدې او د هغوی د ملاتړ او ستونزو د حل په برخه کې یې د همکارۍ ډاډ ورکړ. همدارنګه د عاجلې اړتیا له مخې یې له ناشنوایانو سره نغدي مرسته وکړه او د دوامدار ملاتړ او همکارۍ په برخه کې یې د ګڼو همکاریو او اقداماتو ژمنه وکړه.

د ننګرهار د ناشنوایانو اتحادیی نمایدګې د محترم والي صاحب له پاملرنې، نغدي مرستې او د دوامدار ملاتړ له ژمنو څخه مننه کوي او هیله لري چې د یادو ژمنو په عملي کېدو سره به د ناشنوایانو د ستونزو د حل په برخه کې مثبت بدلونونه رامنځته شي.

دافعانستان ناشنوایانو(ګونګیانو) اتحایی رسنیز دفتر

11/08/2026

الحمدالله تېره ورځ د بلخ ولایت سرې میاشتې ریاست د ۷۰ اویه تنه ناشنوایانو سره د خوراکي موادو مرسته کړې
یاده مرسته د بلخ ولایت رئیس ترجمان او همکارانو په نه ستړېکدونکو هلو ځلو را جلب شوې
رب متعال دې دوی ته خیر ورکړي چې د ټولنې د قشر ته هلې ځلې کوي د سرې میاشې څخه هم ځانګړې مننه چې دا ترتیب یې برابر کړ او د ټولنې له پام لوېدلې قشر ته یې پام وکړ
درنښت
دافغاستان ناشنوایانو(ګونګیانو)اتحایې رسنیز دفتر

27/07/2026

د ننګرهار ښاروالۍ له محترم مقام سره د ناشنوایانو او نابینایانو د ستونزو د حل په موخه ناسته ترسره شوه

د ننګرهار ناشنوایانو (ګونګیانو) اتحادیې د نمایندګۍ رئیس فریدالله عمري، معاوین احسان الله او ترجمان او مشاور اسدالله خادم، د شرقي زون د تخنیکي او مسلکي زده کړو د رئیس، پوهنیار قاضي خالد (صداقت) صاحب په ملتیا د ننګرهار له محترم ښاروال سره وکتل.

په ناسته کې د ناشنوایانو ستونزې او اړتیاوې شریکې شوې. محترم ښاروال صاحب د ستونزو د حل ژمنه وکړه او د عملي اقداماتو لپاره یې اړوندو مسؤلینو ته لازمې سپارښتنې وکړې.

د ننګرهار ناشنوایانو (ګونګیانو) اتحادیې نمایندګي د ښاروالۍ له محترم مقام څخه د همکارۍ او پاملرنې مننه کوي او هیله لري چې دا ژمنې به په عملي توګه پلې شي.

د یوه انسان لاسنیوی، د یوې ټولنې د پرمختګ پیل دی.

دافغانستان ناشنوایانو(ګونګیانو) اتحادیې رسنیز دفتر

05/07/2026

درې هغه بااحساسه او مخلص اشخاص، چې د ناشنوایانو (نه اورېدونکو) د خدمت او د دوی د ستونزو تر مسؤلینو پورې د رسولو لپاره یې شپه او ورځ یوه کړې ده. په داسې حال کې چې د دې خدمت په بدل کې هېڅ ډول امتیاز نه لري، خو بیا هم د انسانیت، اخلاص او احساس له مخې خپل رسالت ته دوام ورکوي.
الله تعالی دې د دوی دا بې‌ریا خدمتونه قبول او په دنیا او آخرت کې دې ورته غوره اجرونه ورکړي. آمین. ❤️
۱- ښاغلی سمیع الله سیف
د ناشنوایانو د اتحادیې رئیس (ناشنوا)
۲- ښاغلی نقیب الله سمسور
د ناشنوایانو د اتحادیې مرستیال (ناشنوا)
۳- ښاغلی محمد نواز درانی
د ناشنوایانو د اتحادیې ترجمان او مشاور

29/06/2026

دافغانستان ناشنوایانو(نه اورېدونکو) اتحادیه مشر تابه
ښاغلی رئیس سیمع الله صاحب یو څه ناروغ دی له ټولو ملګرو هیله کېږي چې دعا ورته وکړئ
رب متعال دې روغتیا ورکړي

15/06/2026

09/06/2026

ننګرهار ولایت رسمي فیسبوک پاڼه

08/06/2026

نن ورځ د ننګرهار د ناشنوایانو (ګونګیانو) اتحادیې نمایندګۍ د اقتصاد ریاست له لوري د مؤسساتو او غیر امارتي ادارو په ګډه ناسته کې ګډون وکړ.

د ۱۴۰۵/غبرګولي/۱۷ نېټې په دې غونډه کې د ناشنوایانو د ټولنې شته ستونزې، اړتیاوې او ننګونې له ګډونوالو مؤسساتو او اړوندو ادارو سره شریکې شوې. د اتحادیې استازو د زده کړو، کاري فرصتونو، مسلکي روزنې، روغتیايي خدمتونو او ټولنیز ملاتړ په برخو کې د ناشنوایانو پر ستونزو تفصیلي خبرې وکړې.

د ناستې په ترڅ کې د بېلابېلو مؤسساتو او ادارو مسؤلینو د ناشنوایانو د ستونزو د حل، د هغوی د ملاتړ او د راتلونکو پروګرامونو په برخه کې د همکارۍ او همغږۍ ژمنې وکړې.

د ننګرهار د ناشنوایانو اتحادیه د ټولو هغو ادارو او مؤسساتو څخه مننه کوي چې د ناشنوایانو د حقونو، هوساینې او ټولنیز مشارکت لپاره د همکارۍ هوډ لري، او هیله لرو چې یادې ژمنې په عملي اقداماتو بدلې شي.
دافغانستان ګونګیانو اتحادی رسینیز دفتر