07/08/2026
د مغليه سترواکۍ بنسټګر، مرزا ظهیرالدین محمد بابر باچا یوه مېرمن ”بي بي مبارکه“ وه، چې د باجوړ د سیمې له یوې معتبري پښتنې کورنۍ سره یې تړاو درلود. نوموړې د ”بي بي مبارکه یوسفزۍ“ په نوم هم پېژندل کېږي او د یوسفزي قوم له مشر ملک شاه منصور یوسفزي سره یې کورنۍ اړیکه لرله.
بابر په خپلو یادښتونو (بابرنامه) کې د بي بي مبارکې یادونه کړې ده. ویل کېږي چې د دې واده موخه یوازې کورنۍ اړیکه نه وه، بلکې د سیمې له مشرانو او قبایلو سره د سیاسي او ټولنیزو اړیکو ټینګول هم وو.
بي بي مبارکه د خپل ښه اخلاق، هوښیارۍ او نفوذ له امله ځانګړی مقام درلود. که څه هم له هغې څخه بابر ته اولاد ونه زېږېد، خو بیا هم بابر د هغې درناوی کاوه او د خپلې کورنۍ له مهمو غړو څخه یې ګڼله.
د باجوړ خلک نن هم بي بي مبارکه د خپل تاریخ یوه مهمه او ویاړلې څېره ګڼي، ځکه چې نوموړې د مغولي سترواکۍ د بنسټګرې کورنۍ برخه وه او د پښتنو او مغلو ترمنځ یې د اړیکو په پیاوړتیا کې مهم رول ادا کړی و.
صدای مغول (مغل) افغانستان VOMA.
