08/06/2026
بِسْمِ اللَّهِ الرَّحْمَنِ الرَّحِيمِ
دوشنبه، د ۱۴۰۵ هـ.ش کال د جوزا ۱۸مه، د حق د لارې د مبارز، نه ستړي کېدونکي مجاهد او دروند شخصیت مرحوم آمر ابوبکر خان ”مغل“ د وفات له څوارلسم تلین سره برابره ده. هغه یو سخاوتمند، آزاده او دروند انسان و چې خپل برکتناک عمر یې په اخلاص او استقامت سره د جهاد، د دین د دفاع، او د افغانستان د عزت او آزادۍ په لاره کې تېر کړ.
دغه ستر شخصیت د دې خاورې د مغولانو له نومیالیو او رښتینو مجاهدینو څخه و، چې د شوروي اتحاد د سرو لښکرو پر وړاندې یی د مبارزې په سختو کلونو کې په زړورتیا او سرښندنه د مجاهدینو په لیکو کې فعال حضور درلود او د افغانستان د خپلواکۍ او سرلوړۍ لپاره یې ارزښتناک خدمتونه ترسره کړل. بې له شکه، هغه ازادي او عزت چې نن یې یادونه کوو، د همدې ډول سترو شخصیتونو د جهاد، ایثار او قربانیو پایله ده.
نن، د دغه زړور مجاهد د وفات په څوارلسم تلین کې، موږ په ډېر درناوي او ویاړ سره د هغه یاد او خاطرې ته درناوی وړاندې کوو او د لوی الله تعالی له درباره د هغه ارواښاد لپاره د مغفرت، پراخ رحمت، لوړو درجو او په جنت الفردوس کې د لوړ مقام غوښتنه کوو.
اللَّهُمَّ اغْفِرْ لَهُ وَارْحَمْهُ وَعَافِهِ وَاعْفُ عَنْهُ، وَأَكْرِمْ نُزُلَهُ، وَوَسِّعْ مُدْخَلَهُ، وَاجْعَلِ الْفِرْدَوْسَ الْأَعْلَى مَثْوَاهُ.
صدای مغول (مغل) افغانستان VOMA.
