24/08/2026
Sulayi usa og abroad para mahibaw-an ug masabtan nimo..
OFW ang akong ate naa sa HK, dako na kuno ang iyang sweldo ingon sa iyang higala pero dili na mahangyoan og tabang nga sauna mohatag man unta, lahi na iyang batasan..
16 years na si Ate sa HK ug consistent iyang padala sa amoa bisan naa na koy asawa ug anak, siya pa gani nagpabunyag sa akong baby sauna dungan sa birthday.
Unya human ato, anam-anam nag ka gamay iyang padala, pero sa among mama okay pa man iyang padala, sa akoa lang miubos. Single pa diay akong ate ug naa na sa 30 plus ang edad.
Nag-ingon ko kay ate nga sa ika-2 years sa akong baby basin i-sponsor gihapon niya pero gi-seen ra ko niya.
Sa gabii nag-message siya nga mohatag lang siya og ambag pero dili siya ang mogasto sa tanan ug naa daw siya tigumanan.
Mao nga naglagot ko ug nag-myday ko nga hakog na kaayo ka. Taod-taod nag-chat siya kung giparinggan ba kuno nako siya, pero akong tubag dili. Pero ang tinuod siya gyud akong giparinggan, kay naanad ko nga okay man siya sauna mao nga kampante ko nga siya ang mogasto sa birthday sa akong manghod.
Nabanggit pud diay ni mama nako nga sa 20k nga padala niya nahimong 15k down to 10k, fix na kuno ang 10k mao nga naglagot si mama.
Asa daw sila manguha eh wala silay trabaho. Siya ra man ang gisaligan.
Mao nga gitawagan nako siya ug gi-confront. Nganong ingon ana ate. Kabalo ka nga ikaw ra among gisaligan, akong asawa wala pay trabaho, karon unsaon pag-eskwela sa akong anak.
Kay ingon ka sauna ikaw na bahala sa amoa mao nga mao toy akong gigunitan, hambogera na ka. Ingon ka wala kay kwarta pero sige man kag laag. Makita nako sa imong mga post lami kaayo imong gikaon, unya kami diri unsa, bulad, itlog. Hambogera kaayo ka kay abroad ka. Wala man kay bana ug anak, kinsa man imong gi tiguman anang kwarta nimo, dako man kaha imong sweldo.
Mao nga nasuko si ate ug gisumbatan ko, kaming tanan.
"Dili ko ATM, dili ko tig-salo sa tanan ninyong problema, naa pud koy kaugalingon nga kinabuhi, dugay na kaayo ko diri sa laing nasud pero wala gyud koy napundar, puro na lang mo salig nako, pangitag trabaho mo. Inyong balay, ako, balay ninyo mama, ako gihapon, tanan bills ako, tanan-tanan, wala ba mo malooy nako, puro mo salig.
Sulayi og abroad para mahibaw-an nimo, para dili ka puro salig, gipa-eskwela ta ka unsa imong gibuhat, mao na sige ka og padaghan og anak.
Mao na si mama, puro gasto, kusgan pa man unta, puro mo salig, puro sugal imong giatupag ma. Unsa ko diri, bangko? Mao nga sugod karon dili na ko motabang ninyo, bahala mo sa inyong kinabuhi. Ingnan pa ko ninyog hambogera ug nagpasarap sa kinabuhi nga hapit na 16 years ko diri...?!!" ingon ni ate.
Ting-klase na ug wala pa gamit akong anak. Dili na siya mo-reply bisan nagbuhat nako og laing account ug nangayo og sorry pero wala gyud bisan seen lang.
Wala ko kabalo asa manguha og pangpalit sa school supplies ug pang-kaon namo sa sunod nga mga adlaw.
CTTO.
