26/09/2026
*السلام علیکم ورحمتہ اللہ وبرکاتہ*
*محترم ممبرانِ اعلانِ سحر اور تمام معزز قارئین!*
میرا نام *واجد عزیز* ہے۔ گاؤں کھرل عباسیاں سے میرا تعلق ہے۔میرے والد محترم اس دنیا میں نہیں ہیں، میں ایک یتیم طالب علم ہوں۔ میں نے اپنی میٹرک اپنے آبائی گاؤں سے991 نمبراتA+ گریڈ کے ساتھ مکمل کی۔
میٹرک کے بعد میرے لیے تعلیم کا سلسلہ جاری رکھنا انتہائی مشکل ہو گیا تھا، کیونکہ میرے گھریلو مالی حالات اس بات کی اجازت نہیں دیتے تھے کہ میں اپنی تعلیم جاری رکھی سکوں۔ میں اپنی تعلیم ادھوری چھوڑنے پر مجبور ہو گیا تھا۔
ایسے کٹھن وقت میں اللہ تعالیٰ نے میرے لیے *"اعلانِ سحر"* تنظیم کو وسیلہ بنایا۔ اس عظیم تنظیم کی نظر مجھ پر پڑی اور انہوں نے مجھے اکیلا نہیں چھوڑا۔ انہوں نے نہ صرف میری حوصلہ افزائی کی بلکہ میرے ہوسٹل کے تمام تر اخراجات اور تعلیمی ضروریات کی مکمل ذمہ داری اپنے ذمے لے لی۔
ان کی بے لوث سپورٹ، رہنمائی اور دعاؤں کی بدولت، *الحمدللہ میں نے ایف ایس سی پری انجینئرنگ میں 1200 میں سے 956 نمبر حاصل کر کے اے گریڈ میں کامیابی حاصل کی ہے۔* یہ کامیابی صرف میری نہیں، بلکہ اعلانِ سحر کے خلوص اور احسان کا نتیجہ ہے۔
میں دل کی اتھاہ گہرائیوں سے *اعلانِ سحر* کا شکر گزار ہوں جنہوں نے مجھ جیسے یتیم طالب علم کا ہاتھ تھاما اور مجھے اس مقام تک پہنچایا۔
آخر میں میری آپ تمام مخیر حضرات سے عاجزانہ درخواست ہے کہ اس نیک اور فلاحی تنظیم کا بھرپور ساتھ دیں۔ آپ کا دیا ہوا عطیہ کسی ایک طالب علم کی مدد نہیں بلکہ ایک پورے خاندان اور آنے والی نسل کے مستقبل کو روشن کرتا ہے۔ آپ کے تعاون سے میرے جیسے کئی اور طلباء بھی مستفید ہو کر اپنی تعلیم مکمل کر سکیں گے اور ملک و قوم کا نام روشن کریں گے۔
جزاک اللہ خیراً کثیرا
خیر اندیش
واجد عزیز
