United PRO Association

06/09/2026

ദുബൈ: താമസ-വിസ നിയമലംഘനങ്ങളിലോ അബദ്ധങ്ങളിലോ പെട്ടുപോയ ശേഷം തെറ്റ് തിരുത്താനും നിയമവിധേയമായി ജീവിക്കാനും ആഗ്രഹിക്കുന്ന എല്ലാവർക്കും പൂർണ പിന്തുണയുമായി ദുബൈ ജനറൽ ഡയറക്ടറേറ്റ് ഓഫ് ഐഡന്‍റിറ്റി ആൻഡ് ഫോറിനേഴ്സ് അഫയേഴ്‌സ് (ജി.ഡി.ആർ.എഫ്.എ). തങ്ങളെ സമീപിക്കുന്നവരെ കൃത്യമായ ഉപദേശങ്ങളും മാർഗനിർദേശങ്ങളും നൽകി പുതിയൊരു ജീവിതത്തിലേക്ക് നയിക്കാനാണ് ജി.ഡി.ആർ.എഫ്.എ എന്നും മുൻഗണന നൽകുന്നതെന്ന് ഡയറക്ടർ ജനറൽ ലഫ്. ജനറൽ മുഹമ്മദ് അഹ്‌മദ്‌ അൽ മർറി വ്യക്തമാക്കി.
അറിഞ്ഞോ അറിയാതെയോ ചെറിയതോ വലിയതോ ആയ തെറ്റുകൾ സംഭവിച്ചവർ അത് തിരുത്താൻ മുന്നോട്ടുവരുമ്പോൾ, അവരെ പൂർണമായി പിന്തുണക്കും. ആവശ്യമായ മാർഗനിർദേശങ്ങൾ നൽകുകയും ചെയ്യും. അവർക്ക് സന്തോഷവും ആശ്വാസവും നൽകുന്ന രീതിയിലായിരിക്കും ഞങ്ങളുടെ സമീപനം. സ്ത്രീകളായാലും പുരുഷന്മാരായാലും കുട്ടികളായാലും ഞങ്ങളെ സമീപിക്കുന്ന ആർക്കും ഒരുബുദ്ധിമുട്ടും നേരിടേണ്ടി വരില്ല. ശരിയായ രീതിയിൽ ജീവിതം വീണ്ടും ആരംഭിക്കുന്നതുവരെ അവർക്കൊപ്പം ജി.ഡി.ആർ.എഫ്.എ ഉണ്ടാകുമെന്ന് ലഫ്. ജനറൽ മുഖമ്മദ് അൽ മർറി വ്യക്തമാക്കി.

ദുബൈ: താമസ-വിസ നിയമലംഘനങ്ങളിലോ അബദ്ധങ്ങളിലോ പെട്ടുപോയ ശേഷം തെറ്റ് തിരുത്താനും നിയമവിധേയമായി ജീവിക്കാനും ആഗ്ര...

25/08/2026

24/03/2026

ഇന്നാലില്ലാഹി വ ഇന്നാ ഇലൈഹി റാജിഊൻ…

യുണൈറ്റഡ് പി ആർ ഒ അസോസിയേഷൻ ഓർഗനൈസിംഗ് സെക്രട്ടറി മുജീബ് മപ്പാട്ട്കരയുടെ ബാപ്പ അല്പം സമയം മുൻപ് നമ്മളെ വിട്ടുപിരിഞ്ഞുവെന്ന ദുഃഖവാർത്ത അതീവ വ്യസനത്തോടെ അറിയിക്കുന്നു.

അല്ലാഹു മർഹുമിന്റെ എല്ലാ പിഴവുകളും പൊറുത്തു, തന്റെ അതുല്യ കരുണയുടെ നിഴലിൽ ഉന്നത സ്ഥാനങ്ങൾ നല്കട്ടെയെന്ന് പ്രാർത്ഥിക്കുന്നു.

കുടുംബാംഗങ്ങൾക്ക് ഈ വേദന സഹിക്കുവാനുള്ള സഹനവും ശക്തിയും അല്ലാഹു പ്രദാനം ചെയ്യട്ടെയെന്ന് ഹൃദയം നിറഞ്ഞു പ്രാർത്ഥിക്കുന്നു.

ആമീൻ.....

12/03/2026

ഷാർജ സജ്ജയിൽ ലേബർ ക്യാമ്പിൽ യുണൈറ്റഡ് PRO അസോസിയേഷന്റെ ഇഫ്താർ സംഗമം

ഷാർജ സജ്ജയിലെ 750-ൽ അധികം തൊഴിലാളികൾ താമസിക്കുന്ന ലേബർ ക്യാമ്പിൽ ഇന്ന് (12/03/2016) യുണൈറ്റഡ് PRO അസോസിയേഷൻ FOSA Ramadan Care മായി സഹകരിച്ചു സംഘടിപ്പിച്ച ഇഫ്താർ സംഗമം ശ്രദ്ധേയമായി.

പ്രവാസ ജീവിതത്തിന്റെ തിരക്കിനിടയിൽ കുടുംബങ്ങളിൽ നിന്ന് അകന്ന് കഴിയുന്ന തൊഴിലാളികൾക്ക് സ്നേഹവും ഐക്യവും പങ്കിടുന്നതിനായാണ് പരിപാടി സംഘടിപ്പിച്ചത്.
യുണൈറ്റഡ് PRO അസോസിയേഷന്റെ എക്സിക്യൂട്ടീവ് അംഗങ്ങളും മറ്റ് അസോസിയേഷൻ അംഗങ്ങളും പരിപാടിയിൽ സജീവമായി പങ്കെടുത്തു.
ക്യാമ്പിൽ താമസിക്കുന്ന തൊഴിലാളികൾക്കായി പ്രത്യേകമായി ഒരുക്കിയ ഇഫ്താർ ഭക്ഷണ കിറ്റുകൾ വിതരണം ചെയ്ത് കൂട്ടായ്മയായി നോമ്പുതുറ നടത്തി.
ഏകദേശം 750-ൽ അധികം തൊഴിലാളികൾ ഈ ഇഫ്താർ സംഗമത്തിൽ പങ്കാളികളായി.

തൊഴിലാളികളുമായി നേരിട്ട് സംവദിച്ച് അവരുടെ പ്രശ്നങ്ങളും ആവശ്യങ്ങളും മനസ്സിലാക്കുന്നതിനുള്ള അവസരമായും ഈ പരിപാടി മാറി. പ്രവാസ ജീവിതത്തിൽ കഠിനാധ്വാനം ചെയ്യുന്ന തൊഴിലാളികൾക്ക് ആത്മീയ സന്തോഷവും ഐക്യവും പകരുന്ന തരത്തിലാണ് പരിപാടി സംഘടിപ്പിച്ചത്.

തൊഴിലാളികളുടെ ഇഫ്താർ പരിപാടിക്ക് നേരിട്ട് സഹായം നൽകുന്ന തൊഴിലാളികൾക്കും അവരുടെ സഹപ്രവർത്തകർക്കും പെരുന്നാൾ ദിനത്തിൽ പുതുവസ്ത്രങ്ങൾ നൽകുവാൻ തീരുമാനിച്ചതായി അസോസിയേഷൻ അറിയിച്ചു.

ഇഫ്താർ സംഗമത്തിൽ പങ്കെടുത്ത തൊഴിലാളികൾ യുണൈറ്റഡ് PRO അസോസിയേഷന്റെ ഈ സേവന പ്രവർത്തനത്തിന് നന്ദി രേഖപ്പെടുത്തി. പ്രവാസ ജീവിതത്തിൽ ഇത്തരം കൂട്ടായ്മകൾ വലിയ ആത്മീയ ആശ്വാസവും സൗഹൃദവും നൽകുന്നതാണെന്ന് അവർ അഭിപ്രായപ്പെട്ടു. പ്രവാസി സമൂഹത്തിന്റെ ക്ഷേമത്തിനായി ഇത്തരം സാമൂഹിക പ്രവർത്തനങ്ങൾ ഭാവിയിലും കൂടുതൽ വിപുലമായി സംഘടിപ്പിക്കുമെന്ന് അസോസിയേഷൻ ഭാരവാഹികൾ അറിയിച്ചു.

10/12/2025

United P R O Association National Day Program
Hubbul Emarat 2025